От Матфея 24:7 - Новый Завет на эскимосском языке

⁷ Нунат югит пилъюгутулъықут, атаныҳпагулъҳытлъю пилъюгутулъықут, нани алңунак нықаңисяхлъяхлъықуқ, нунат увылыхтаҳлъяхлъықут.

От Матфея 24:7 Iomraidhean Croise

От Луки 21:11

Нани алңунак нунат увылыхтаҳлъяхлъықут, нықаңисяхлъяхлъықут, алъыгвикикаюгытлъю ақниӷныӷыт пилъықут. Югыт ысҳаҳлъықӣт сяңўа̄т қилягами, какава̄таӷналӷӣт, алъя̄ҳлъюхўаӷьюгналӷӣтлъю.

Деяния 11:28

Ата̄сиқ Агавыңуфтуқ, ныкывлюни ӯкналиқыхкақ Таӷныӷагныкун нықаңисяхлъягнақнилюку тамаңани. Та̄ўа нықаңисяхлъякақ Клавдий Умӣлыхпига̄люку.

Деяния 2:19

Югнун ысҳаҳтысяҳқақанка сяңўа̄т сяӷӣӷаналӷӣт қилягмилъю, нунамилъю: а̄ука, кынық, агыпсюҳлъяк,

К Евреям 12:27

Таўатын акузилъҳан: «Ата̄сиҳаӷмың уфсюгунъықихлъықақа нуна», лӣгикыстыңъўа̄ӷӣлъю хўатын, сяңўа̄т қамахлъюки улима̄ни, Кияӷныӷым иқилъықӣ уфсюгусяҳқат. Тама̄куңинаҳа̄т уфсюгутыпагниңилңӯт тама̄нлъықут қӯнпырухлъяк.

Откровение 6:12

Ысҳапагақа Пынъӣӷаҳа̄м қылъпыҳсяқминигу аӷвинлӣтаңа печатылъҳым нуна уфсюгутыҳлъяхтуқ. Сиқинық тагныҳта̄ сювиналӷӣтун қӣпаӷаҳтун улимакатун козёлым мылъқўаның. Танқиқлълъю ыслъықңалӷӣ а̄ўыстун лъӣҳтуқ.

Откровение 6:5

Та̄хкын Пынъӣӷаҳа̄м қылъпыҳсяқминигу пиңайӣтаңа печатылъҳым, нагақуӷақа пиңайӣтаңат Уңувалӷӣ пилӷӣ: «Таги!» Ысҳаӷақа тагнылӷӣ кӯни. Иглыӷутистыңа а̄пқа̄силгуфтуқ ӣхмини.

Откровение 6:6

Нагақуӷақа мыстун аюқысюгнилңуқ акулңитни стамат Уңувалӷӣт пилӷӣ: «Мерам има пшеница акика̄ ата̄сим динарийем. Пиңают мерам имӣ ячменыт акикӣ ата̄сим динарийем. Иўырңа на̄фқыхпынакык маслинам мысӣӷа, винолъю».

Откровение 6:8

Ысҳаӷақа аҳся̄лъя̄к кӯни. Иглыӷутистыңан а̄тқыфта̄ Туқулъық, Адым малихта̄. Пилъыҳқалитка̄фтук туқуқӣсқылъюки ыстамаҳқылъҳан нунам юги сявихпахкун, паныӷа̄тылъыҳқун, ақниӷныҳқун, угўиҳсялӷӣтхунлъю тыӷикусӣтхун нунам.