От Матфея 24:5 - Новый Завет на эскимосском языке

⁵ Қаюҳлъяк угля̄пихлъыӷӣ тагияҳқа̄гуқ атуқлъюку а̄тқа, хўатын пӣқлъютың: “Хўаңа Христосыңӯңа”, пӯҳқуҳта̄яҳқақа̄тлъю юлӷун.

От Матфея 24:5 Iomraidhean Croise

От Матфея 24:11

Та̄хкын ӯкналиқистысиӷўа̄лӷутыт тагилютың пӯҳқуҳлъықӣт юлӷутыт.

От Матфея 24:24

қаюҳлъяк Христосысиӷўа̄ӷытлъю, ӯкналиқистысиӷўа̄ӷытлъю тагилъықут. Алъя̄ҳлъюхўаҳтиҳлъяхлъықут, сяӷӣӷанаҳқыҳлъяхлъықутлъю пӯҳналюки югыт, талўа Кияӷныӷым накмикыхкӣ пӯҳсяқлъыгукумыхтыки.

От Иоанна 5:43

Атама каяхтыкақа̄ңа акузистыңулюңа лъңанун, иўырңа лъпыси тугуклъӣгатаҳпысиңа. Нақам кина тагилюни лъңанун катам акузилӷӣ тугуклъиӷақлъюку.

От Иоанна 8:24

Ынка̄м уңипа̄тамси туқулъықнилюси сыӷлыҳқылъыҳтӯмаҳпыси. А̄а туқулъықуси сыӷлыҳқылъыҳтӯмаҳпыси ухпықынӷилъкуфсиңа хўаңа хўаңаңутка».

От Иоанна 8:28

Ынка̄м Иисусым пикӣ: «Кыфкуфсигу Иӷныӷа Югым лӣлъықаҳси хўаңа хўаңаңутка. Лӣлъықаҳси сяңўа̄ ма̄на пӣқыхкыхка хўаңамның пиңигатулъка. Лӣлъықаҳси акузиткыхкаюгутка Атам апыҳтӯсяқыхкаҳӣна̄ хўаңамнун.

1е Иоанна 2:18

Таӷнуҳамни, кынля қантаӷалъӣӷаҳтуқ! Уңипа̄тка̄гуси Аңуякилӷӣ Христосымың тагилъықнилюку, хўа̄ ма̄тын угляпихлъыҳӣт аңуякилӷӣт Христосымың алъхыҳтӯтңўа̄ӷлютың аюқут, ынка̄м лӣсимакаҳпут кынля қантаӷалъӣӷаҳтуқ.

1е Иоанна 2:22

Кина иқлъыңиқыстыңўа̄? Иқлъыңиқыстыңӯқ хўатын пилӷӣ: «Иисус, Христосыңунӷитуқ». Та̄наңӯқ аңуякилӷӣ Христосымың қаюҳлъяк иҳсякыхкык Атаңалъю, Иӷныӷалъю.

1е Иоанна 4:3

Иўырңа тамаҳаӷми таӷныӷам мысӣӷа̄скагу Иисус югулюни алъхықа̄нӷинъилюку Кияӷныҳта̄нӷитуқ. Та̄кук таӷныӷак аңуякилӷӣмың Христосымың пиңӯк нагақуқаҳпысиның тагӣяҳқа̄нилюкык. Та̄ўа ма̄тын ка̄тңўа̄ӷлютык нунамун аюқук.

Откровение 13:8

Қамахлъюни нунами кияҳлъыҳӣм манигуҳлъықа̄т тыӷикусялъю̄к. Иўырңа тама̄кут а̄тҳит игақңалӷӣт Игӣтхун Уңувалъҳым манигуӷна̄нӷита̄т. Кияӷныӷым игақыхкақӣ а̄тҳит нунаңлъялъҳилъюни. Та̄кут игат пикӣ Пынъӣӷаҳа̄м, югыт туқуткӣта.