От Матфея 24:49 - Новый Завет на эскимосском языке

⁴⁹ ынка̄м амью̄ткысягулъықӣ қыпҳаҳтылгутни. Илялъықуқлъю сю̄мылӷӣнун, ныӷылгусиӷақлъюки, мыӷылгусиӷақлъюки лъӣҳлъықуқ.

От Матфея 24:49 Iomraidhean Croise

От Матфея 18:28

Та̄хкын та̄на қыпҳаҳта а̄нлюни налъяқа̄ қыпҳаҳтылгутни ю̄к талъимат манимың асыңыкақ. Акуқаӷлюку уяқхўакун пика̄: “Лъивикиңа асыңыхпының!”

От Матфея 24:48

Иўырңа та̄на қыпҳаҳта сыӷлыӷукуми сюмыҳтаӷаҳлъықуқ хўатын: “Умӣлъка тагилӷаҳтуӷна̄нӷитуқ”,

От Матфея 24:50

Та̄хкын ата̄сими аӷныӷми умӣлга ка̄лъықуқ қыпҳаҳта ята̄ҳқылъҳилъюкулъю, сиӷимакылъҳилъюкулъю.

От Матфея 7:15

«Кылыңалюси ӯкналиқистысиӷўа̄ӷның. Такулъықӣси пынъӣҳсюгниҳқылъютың, та̄ўаңинақ угиҳсялӷӣстун ама̄стун аюқут.

От Иоанна 2:10

пика̄: «Тамаҳаӷми кияң пинилӷӣмың виномың атуқақуқ сивуклъюни ынка̄м ақылъқат кыпсю̄нъыӷата тама̄на аҳся̄н аюқылӷӣ вино киңулӣлюку атуӷақа̄т. Иўырңа пинилъҳа вином атуқумаңисимазигу сивуклъюку».

К Римлянам 16:18

Югыт таўатын пикаюгыт қыпҳа̄тңунӷита̄т Христос Атаныҳпут. Та̄ўаңинаҳақ лъмың катам ыфқуқыхкаҳӣнатың пӣқӣт. Апыҳтуӷиныӷмыхни акузитыҳлъюхўа̄т атуқақӣт, усюқӯҳтақӣтлъю югыт пӯҳналюки пӯҳсюгумалӷӣт.

2е Коринфянам 11:20

Тугуклъиӷақаси қылылъҳит никимқун лъпыси қыпҳаҳтыля̄ӷыт лъңитнун. Кагукақыстақуси, тыглыгвикыстақуси, укалиқыстақусилъю, талўа хинаҳпысигун қасяҳтыстақлъюси.

К Филиппийцам 3:19

Сю̄мқақӣт югусимың пиюкылъҳит кияң, Кияӷнық авылӷаӷлюку. Кайңуюгусиҳқақсяқытың а̄ңа̄югусиқақӣт. Сюмыҳтаӷа̄ткақа̄т нунамылңуҳӣнақ кияҳта̄лъыҳтың ынка̄м на̄фқылъыңьяҳқа̄гут геенами.

1е Петра 5:3

Агӷиткақыхпынаки афлъыңакыхкаси, иўырңа малихсюгнаҳқитык лъңитнун.

От Иуды 1:12

Нықынӷаҳқусяҳтуныҳпысини, причастиямаҳпыси, тама̄кутлъю апыҳтуӷистыт пӣқут. Якуӷнаҳтут ухпықанун катам таўатын уйӷахлъяк мыӷым асиңанилңуқ якуӷналӷӣ аңьянун. Ныӷақут қырңаӷмың ныңляҳқасимаӷмың, акузимаӷмың ныпухлъягыт кайңуюхпынатың. Лъңинаӷмың ныӷақут килъю тӯныхпынаки. Сясӣнӷитут қиляўа̄ӷыстун ыслъялъюгилңуӷыстун аюқут, ануқым наӷуӷускаңи қӯлңакун нунам мыӷисяхлъягым. Сясӣнӷитут пӣтыстиңигалңуӷыстун уқфигыстун аюқут, унатаӷвигми. Пӣтыстиңигалңӯт уқфигыт туқукастун аюқут. Тама̄кын апалъюқлъюку пӣтысиӷаҳтым нусюгақӣ паныҳналюки. Ынка̄м ма̄лӷугыгның туқукалъҳӯӷақут.

Откровение 13:7

Аҳтуӷьяҳқа̄нӷилъылита̄ пилъюўӣсқылъюки Кияӷныӷым юги, кая̄лъқысқылъюкилъю. Иглыӷусяҳқа̄ҳтыстӣ қамахлъюки рамкыт, югыт, улют, нуната̄нилңӯтлъю югыт.

Откровение 16:6

Югыт туқуқуқақӣт юхтын, ӯкналиқистытынлъю, ынка̄м мыӷьяҳқалитатын а̄ўмың. Таўатын аӷью̄ӷьяҳқа̄лютың лъмыхның алъхыҳтыкақа̄т!»

Откровение 17:6

Ысҳаӷақа аӷнақ сю̄мылӷӣ а̄ўитның Кияӷныӷым югита, а̄ўитныңлъю туқуқуқат қаюҳлъяк ата̄сӣӷмылңӯт Иисусымун. Ысҳаӷлюку аӷнақ сяӷӣӷаюхлъяхтуңа.