От Матфея 24:45 - Новый Завет на эскимосском языке

⁴⁵ «Кинаңа̄ўа ата̄сӣӷмылңуқ пыҳқинылӷӣ қыпҳаҳта? Та̄наңӯқ умӣлган иглыӷутистыңлъяқа̄ қыпҳаҳтылгутаңанун, нықылита̄тӣсқылъюкилъю аҳутаңа тамаҳа̄н.

От Матфея 24:45 Iomraidhean Croise

От Матфея 10:16

«Укуҳси! Каяхтыкумси пынъӣӷыстун қуңаңитнилңуӷыстун ама̄стун лъӣӷлықуси ынка̄м пыҳқинӷулюси нымыӷьястун, ныкыхмылъюси голубистун.

От Матфея 13:52

Та̄хкын пикӣ: «Тамаҳаӷми апыҳтуӷикаюк Лӣлиҳтӯсяның апыҳтуқақ Атаныҳпагулъҳаның Қилягым хўатылңӯгуқ: мыңтыӷалык ю̄к нусюгралӷӣ кахпагвигминың нутаӷамыңлъю, ныӷиҳтамыңлъю».

От Матфея 24:46

Та̄на қыпҳаҳта қуястылъыңьяҳқа̄гуқ умӣлган ка̄лъюни ысҳақумигу қылылъыӷмитун пилӷӣ.

От Матфея 25:2

Талъимат налъю̄қат талъимат пыҳқинылӷӣт.

От Матфея 25:21

Умӣлган пика̄: “Сыӷлыҳалык итагнапихтутын, пиниҳтутын ата̄сӣӷмылңуқ қыпҳаҳта! Ата̄сӣӷмытка̄тыхпының паляҳаӷнун афлъыңакистыңуҳтыснақамкын углялӷӣнун. Ӣтҳи қуялгусиӷьяҳтуӷңа!”

От Матфея 25:23

Умӣлган пика̄: “Сыӷлыҳалык итагнапихтутын, пиниҳтутын ата̄сӣӷмылңуқ қыпҳаҳта! Ата̄сӣӷмытка̄тыхпының паляҳаӷнун афлъыңакистыңуҳтыснақамкын углялӷӣнун. Ӣтҳи қуялгусиӷьяҳтуӷңа!”

От Матфея 7:24

«Кина алңунак нагалъҳӣ апыҳтуӷилъымнун, қа̄ткыхкумики пыҳқинылӷӣтун юхтун аюқуқ мыңтыӷаңлъяқақ уйӷагым қа̄йңакун.

От Луки 19:17

Умӣлгым пика̄: “Сыӷлыҳалык, пинилӷӣңӯтын қыпҳаҳта! Ата̄сӣӷмытутыхпының сясқуҳаӷмун, иглыӷутистыңлъяӷнақамкын қуляӷьягнун ныҳлъягнун”.

Деяния 20:28

Кияӷныӷым юги пынъӣӷыстун аюқут, ынка̄м Аглыӷналӷӣм Таӷныӷам лъпысинун афлъыңакысқӣ катам таўатын пынъӣӷнӣҳтым афлъыңакылъҳатун пынъӣни. Ынка̄м кылыңаңўа̄ӷлюси, Кияӷныӷымлъю юги кылыңакңўа̄ӷлюки. Афлъыңакитыки қаюҳлъяк Кияӷныӷым тукфиқақӣ лъми катам а̄ўмикун.

1е Тимофею 1:12

Игамсиқаюгвикақа Христос Иисус Атаныҳпут, икнақуҳсяқақа̄ңа қыпҳақамнун. Игамсиқаюгвикақа ысҳақақа̄ңа ата̄сӣӷмылъюңа накмиклъюңа қыпҳа̄тысқылъюни.

2е Тимофею 2:2

Лъпыклъю таўантыкалӷитын нагаткақаси апыҳтӯсянка. Ынка̄м апыҳтӯсянка ныӷьюкутики ата̄сӣӷмылңуӷнун. Та̄хкын лъңита апыҳтӯсяқлъыгулъықӣт илямыхнун.

К Евреям 3:5

Моисей ата̄сӣӷмытка̄гуқ қыпҳаҳта Кияӷныӷым мыңтыӷа̄ни, уңипа̄ткақӣлъю югыт Кияӷнық сямың апыӷьяҳқалгунилюку та̄ганиқа̄ӷақ.

Откровение 2:13

Лӣсимакамси на̄нтыстык, таўантуси Туӷныӷа̄м умӣлгутивиган ақумутахкыни. Хўаңамнун ата̄сӣӷмытуси, ухпықнанилъҳитаҳпысиңалъю. Таўатытка̄гуси талўа Антипа, ата̄сӣӷмылңуқ уңипаҳтыка, кияҳтыңъулюку. Таўани Туӷныӷа̄м кияҳфигани туқуткақа̄т.