От Матфея 24:4 - Новый Завет на эскимосском языке

⁴ Иисусым кӣмсиқӣ: «Кылыңалюси, китумун алңунак пӯҳтыстыхпынаси.

От Матфея 24:4 Iomraidhean Croise

От Марка 13:22

Христосысиӷўа̄ӷытлъю ӯкналиқистысиӷўа̄ӷытлъю алъхыҳтӯсяҳқа̄гут. Алъя̄ҳлъюхўаҳтиҳлъяга̄таӷьяҳқа̄гутлъю, сяӷӣӷанаҳқыҳлъяга̄таӷьяҳқа̄гутлъю пӯҳқуӷналюки югыт, талўа Кияӷныӷым накмикыхкӣ пӯҳсяқлъыгукумыхтыки пилъықӣт.

От Луки 21:8

Кӣмсиқӣ: «Кылыңатык, пӯҳтыстыхпынаси, қаюҳлъяк угляқ тагинақңӯқ а̄тқа атуқлъюку хўатын пимаӷмың: “Хўаңа Христосыңӯңа!” пӣқылъықутлъю: “Пилъыҳқақ ка̄туқ!” Иўырңа малихсяқунаки.

К Галатам 6:3

Кина сюмыҳтаӷақуми сяңунилюни, сяңунӷитыӷңа̄ӷми, лъңаның пӯҳтыңъӯқ.

К Ефесянам 4:14

Ынка̄м таӷнуҳаҳа̄наниҳлъықукут. Тама̄кын апалъюқлъюку пӯҳтысна̄нӷитукут югнун тымңимың апыҳтуӷилъҳитхун. Апыҳтуӷилъҳит ануқыстунлъю, имаҳлъюгыстунлъю аюқут нӯхта̄талӷӣт югның. Тама̄кут пыҳқинылӷӣт, иқлъыңалӷӣт югыт, иқлъыңатың ипасюгниҳсяӷақӣт маӷьяҳқуныҳлъюхналюки югыт.

К Ефесянам 5:6

Югнун пӯҳтыстыхпынаси уңипа̄скаңиси тама̄кут сыӷлыҳқылъҳыт сыӷлыӷунӷинъилюки. Иўырңа таўатылңӯт сыӷлыҳқылъҳыт Кияӷнық сякша̄стыҳлъягақа̄т қа̄ткунъыӷилңӯт лъңанун.

К Колоссянам 2:18

Иляңи югым қусывыгңасюгниҳқысюныҳтӯт, манигуӷақӣтлъю яқулгыт. Ӣўлың акузиткақӣт ысҳаӷўа̄лъытың ысҳақатың. Лъңитнун уңипа̄тыстыхпынаси анахутңанилюси. Лъңит ыслъықңа̄т тымңитхўамың қука̄юхлъыӷмың қаюҳлъяк сюмыӷныӷит югым сюмыӷнықӣ.

К Колоссянам 2:8

Кылыңалюси! Китумун алңунак аӷуляқутыстыхпынаси тымңитхўатхун апыҳтуӷалъҳитхун. Тама̄кут апыҳтуӷалъҳыт югыт сюмыҳтаӷалъҳитның пиңӯт, туӷныӷаӷныңлъю пиңӯт, иглыӷутилӷӣт хўани нунами. Христосымың пиңунӷитут,

2е Фессалоникийцам 2:3

Иўырңа пӯҳтыстыхпынаси! Та̄на Аӷныӷа Атанӷым ка̄нъа̄нӷитуқ кынляңа югыт малиҳқутақсюгнанилӷитнун Кияӷныӷым иглыӷутилъҳанун, ка̄тылъҳанунлъю Сыӷлыпыста̄ӷым Югым. (Лъңа на̄фқысяҳқа̄гуқ геенами.)

1е Иоанна 4:1

Пиниқыхкамни, ухпықыхпынаки қамахлъюки таӷныӷат. Йыӷлыги лӣгикнақақитыки Кияӷныӷмың пиңутаңи, қаюҳлъяк угляпихлъыҳӣт ӯкналиқистысиӷўа̄ӷыт миңисима̄т нунами.