От Матфея 24:36 - Новый Завет на эскимосском языке

³⁶ «Китум алңунак налъюка̄ та̄м аӷныӷым афлъюңа қакун ка̄сяҳқа̄таңа. Талўа қилягмылңӯт яқулгыт налъюка̄т, Иӷныӷымлъю налъюка̄, Атаңинаҳа̄м лӣсимака̄.

От Матфея 24:36 Iomraidhean Croise

От Матфея 24:42

Ынка̄ңам кылыңалюси, қаюҳлъяк налъюкңўа̄ӷаҳси нани аӷныӷми Атаныҳпыси тагилъыҳқа̄.

От Матфея 24:44

Ынка̄м тама̄кын апалъюқлъюку лъпысилъю апыӷӣҳсяӷлюси қӯнпың, қаюҳлъяк Иӷныӷа Югым тагияҳқа̄гуқ ўа̄кынӷилъҳаҳлъюси».

От Матфея 25:13

Иисусым уңипаӷа̄тни та̄қниқа̄ хўатын: «Ынка̄ңам кылыңатык, қаюҳлъяк налъюкаҳси натуңутаңа аӷнық налиӷмың натуңутаңа афлъю Иӷныӷан Югым тагилъыҳқа̄».

От Марка 13:32

«Иўырңа китум алңунак налъюка̄ нани аӷныӷмилъю, афлъюмилъю тагияҳқа̄таңа. Талўа яқулгыт қилягмылңӯт налъюка̄т, Иӷныӷымлъю налъюка̄, Атаңинаҳа̄м лӣсимака̄.

Деяния 1:7

Иисусым пикӣ: «Атаңинаҳаӷма лӣсимакӣ қаюҳлъяк лъңан аҳтуӷьяҳқа̄нӷилъыӷмикун успықыхкақӣ. Лъпыси лӣсимаксяҳқақынӷитаси сяңўа̄т қакун пилъыҳқӣ.

1е Фессалоникийцам 5:2

Қаюҳлъяк лъпыси лӣсимакңўа̄ӷаҳси Аӷныӷа Атанӷым тагияҳқа̄гуқ ўа̄кынӷилъҳаӷулъюни тагилъҳатун тыглыгнӣҳтым унугми.

2е Петра 3:10

Иўырңа Аӷныӷа Атанӷым тагилъықуқ тыглыгнӣҳтытун. Таўани Аӷныӷми қиляга авӣӷусяҳқа̄гуқ ыфтуӷӯтыҳлъягмың. Сяңўа̄т қамахлъютың қилягамылңӯт кынӷым уӷухлъықӣ. Қамахлъютыңлъю нунамылңӯт паныҳлъықут.

Откровение 16:15

Атанық пӣқ: «Нагатаҳтык! Тагиңӯңа тыглыгнӣҳтытун! Қуянаҳтуқ тыҳумалӷӣ, а̄ткани пӣфтыңъўа̄ӷлюки аюқыхкаңи. Ынка̄м иглыҳна̄нӷитуқ амсикаӷми, кайңусяӷа̄нъа̄нӷитуқлъю тысқагани югыт ысҳақумыхтыху!»

Откровение 3:3

Нықамиклъюки апыҳтӯткат лъпысинун, нагақуқасилъю. Қа̄ткитыки, авутыҳқитыклъю сыӷлыҳқылъыҳпысиның. Иўырңа таҳтунӷилъкуфси, такулъықамси тыглыгнӣҳтытун. Налъюкылъықаҳси қакун тагилъыҳқақа лъпысинун.