От Матфея 24:31 - Новый Завет на эскимосском языке

³¹ Ынка̄м Иӷныӷан Югым қалӷиҳта̄н қалӷиҳтыстыҳлъякумигу каяхлъықӣ яқулыни навык алңунак қырңуҳтысқылъюки накмикыхкани нунатаҳа̄ның тамаҳа̄ның».

От Матфея 24:31 Iomraidhean Croise

От Матфея 13:41

Иӷныӷа Югым яқулыгминың каяхтияҳқа̄гуқ иқитысқылъюки Атаныҳпагулъыӷминың қамахлъюки сыӷлыҳқуситлъю, сыӷлытунлъю пистыт.

От Матфея 24:22

Тама̄кут аӷныӷыт Кияӷныӷым палялъимаңисяқаки, кина алңунак уңуванаянӷитуқ. Иўырңа апалъюқлъюки накмикыхкани аӷныӷыт палялъияҳқақӣ.

От Матфея 24:24

қаюҳлъяк Христосысиӷўа̄ӷытлъю, ӯкналиқистысиӷўа̄ӷытлъю тагилъықут. Алъя̄ҳлъюхўаҳтиҳлъяхлъықут, сяӷӣӷанаҳқыҳлъяхлъықутлъю пӯҳналюки югыт, талўа Кияӷныӷым накмикыхкӣ пӯҳсяқлъыгукумыхтыки.

От Матфея 24:32

«Лӣтфикитыху уқфига смоквам. Ысҳақуфсики авайӣ унӣлъӣӷалӷӣт, қуқуңӣ пӣтыкысталӷӣт, лӣсимакаҳси кӣгьяҳтуңыстаӷа̄.

От Матфея 25:31

«Иӷныӷа Югым тагикуми ниӷуҳқылъыӷмикун, яқулыхтӯмаҳлъягми, та̄хкын ақумылъықуқ ниӷуҳқыңъалӷӣгныкун ақумутагмикун.

От Матфея 28:18

Иисусым такулюки пикӣ: «Қамахлъюни аҳтуӷьяҳқа̄нӷилъық қилягмилъю, нунамилъю хўаңамнун тагивақа̄гуқ.

От Марка 13:27

Та̄хкын яқулгыт каяхлъықӣ қырңуҳтысқылъюки накмикыхкани югыт нунатаҳа̄ның тамаҳа̄ның».

От Луки 24:47

Хўатынлъю игақыхка̄лӷӣ: “Малихся̄ҳтыңи уңипақилъықут А̄тҳакун, пӣнлиӷлютың Иерусалимымың та̄хкын тамаҳа̄нун рамкынун. Уңипа̄сяҳқақӣт авутыҳқылъюки сыӷлыҳқынъанӣсқылъюки Кияӷныӷмун сыӷывутысқылъюки”.

От Иоанна 11:52

Иудеяңина̄т туқуткыхпынаки иўырңа қамахлъюки Кияӷныӷым авақутӣ миңитңалӷӣт тамаңани туқуткысяҳқақӣ ата̄сӣҳтысқылъюки ныңлъюгуткулъҳӣт.

К Римлянам 10:18

Иўырңа пӣқсиңа̄ Израилыӷмӣт нагақӯнъыӷинъилюки уңипа̄мың? А̄а, нагақупыста̄қа̄гут. Акузитни Игақыхкани игақңалӷӣ: «Мыңит аӷуляқума̄т тамаҳа̄нун нунам; акузитаңитлъю кынлыңитнун нунам».

1е Коринфянам 15:52

сюкатыпихлъюта қунқалъылъҳыстун киңулиҳпигақ қалӷиҳтақ нагақуқумтыху. Таўани қалӷиҳталъыӷми ухпықат қамахлъютың туқуляӷа̄ткат уңуваҳтӯсяҳқа̄гут нутаӷамың югусилиӷлютың туқуяҳқа̄нӷилңуӷмың. Та̄хкын хўаңкуталъю паниның уңувалӷӣни нутаӷамың югусиңаӷаҳта̄лъықукут.

К Ефесянам 1:10

Кияӷныӷым успықылъыни апыӷӣҳлъықа̄ пилъыҳқаҳлъюгўа̄ӷми. Қамахтыңъўа̄ӷлюки улима̄ни қилягмылңӯтлъю, нунамылңӯтлъю қырңуҳлъықӣ, Христосымун иглыӷутысқылъюки.

1е Фессалоникийцам 4:16

Атанық лъңа катам қилягмың укихлъықуқ, югыт нагақуҳлъықа̄т игляхтуқақ қылылъық, мыңа архангелым, қалӷиҳта̄таңалъю Кияӷныӷым. Тама̄кут ухпықилютың Христосымың туқуляӷа̄ткат уңуваӷьюха̄ҳлъықут.

2е Фессалоникийцам 2:1

Ухпықа̄лгутымнъи, уңипа̄сюгамси тагилъыҳқа̄ның Атанымта Иисус Христосым, қырңуӷутылъыҳқамнъыңлъю лъңанун.

К Евреям 12:19

Нагақуқа̄т қалӷиҳта̄н қалӷиҳлъыҳӣ, нагақуқа̄тлъю Кияӷныӷым мыңа. Иўырңа ныпӣқӣсқыхка̄т,

Откровение 1:20

Ысҳаӷатын ма̄ӷраӷвинлык иӷалықыта̄ӷыт аӷынқигныӷма ӣханилңӯт, ма̄ӷраӷвинлыклъю золотат кынылӷутат тунымӣт, та̄кут сямың писӣтаңи сялин қайвиҳтылъҳитут. Хўатын писӣгут: Ма̄ӷраӷвинлык иӷалықыта̄ӷыт яқулгӯт. Кияӷныӷым уңипаҳтыкӣ ухпықанун қырңуӷуткаюгның ма̄ӷраӷвинлыгни юӷаӷвигни. Ма̄ӷраӷвинлык кынылӷутам тунымӣ та̄куңӯт ма̄ӷраӷвинлык юӷаӷвигыт».

Откровение 11:15

Та̄хкын ма̄ӷраӷвинлӣтаңита яқулгым қалӷиҳта̄тни қалӷиҳта̄. Игляхтупихлъютың мыт қилягми пӣт: «Атаныҳпагулъҳа нунам атаныҳпагулъқа̄ҳта̄к Атанымталъю, Христосыңанлъю, ынка̄м Лъңа иглыӷутилъықуқ қӯнпырухлъяк кынлыңуна̄н!»

Откровение 7:1

Тама̄кут киңуңитның ысҳаӷанка стамат яқулгыт ныкывӷалъҳӣт ыстамани каңиӷӣтни нунам. Яқулгыт нуқнықыфтӣт стамат ануқыт ануқлъинӷитысқылъюку нунами налиӷмың кылъӣни налиӷмың алңунак уқфигни.

Откровение 8:2

Та̄хкын ысҳаӷанка та̄кут ма̄ӷраӷвинлык яқулгыт ныкывӷалӷӣт Кияӷныӷым сивуңакун. Тамаҳаӷмың қалӷиҳта̄тыңӯтут.