От Матфея 24:14 - Новый Завет на эскимосском языке

¹⁴ Укутлъю Пинилӷӣт Уңипат Кияӷныӷым Атаныҳпагулъҳаның аюқылӷӣт уңипақсяҳқа̄гут нунатаҳа̄ни тамаҳа̄ни рамкыңитнун нагақӣсқылъюки. Та̄хкын нуна иқухлъықуқ».

От Матфея 24:14 Iomraidhean Croise

От Матфея 10:7

Навык алңунак пиныҳпысини хўатын уңипаӷақитык: “Атаныҳпагулъҳа Қилягым ка̄сяҳтӯма̄қ!”

От Матфея 18:19

Иляңаныңлъю уңипа̄нъақамси, нунами хўани ма̄лӷугулютык итагнақутңукуфтык а̄пналютык сямың алңунак, Атама қилягмылңӯм апыӷӣҳлъықа̄ лъпытыгнун.

От Матфея 24:3

Иисус ақумьян Елеоным найӷаҳакун, малихся̄ҳтыңита такулюку лъңинаҳа̄ма̄ӷлютың а̄птыка̄т: «Уңипа̄тикут, қакун тама̄кут пияҳқа̄ўат? Сяңулъықа лӣсимакусиҳқаҳпут тагилъыҳқаҳпынун, нунамлъю иқухтылъыҳқа̄нун?»

От Матфея 24:6

Нагақӯлъықуси пилъюўаның, акусқаҳта̄ткылъҳитныңлъю пилъюўат; алиңыхпынаси қаюҳлъяк тама̄на пияҳқа̄гуқ. Иўырңа сялин иқухнақңунӷитуқ.

От Матфея 4:23

Иисус иглыӷакақ тамаңи Галилеями, синагогаңитни апыҳтуӷӣқлъюни. Нани алңунак уңипақақ Пинилӷӣның Уңипа̄мың Атаныҳпагулъҳым, на̄лъҳуқуқақ тамаҳа̄ның ақниӷныӷныңлъю, қинуюгныңлъю.

От Матфея 9:35

Та̄хкын Иисус иглыҳтыкақ тамаҳа̄ни Галилеями, апыҳтуӷимаӷми синагогаңитни, уңипақимаӷмилъю Пинилӷӣның Уңипа̄мың Атаныҳпагулъҳым. На̄лъҳуқуқӣ қамахлъюки ақниӷнылгытлъю, қинуюлӷӣтлъю.

От Марка 13:10

Пинилӷӣт Уңипат уңипақсяҳқа̄гут тамаңанун рамкынун сивуңани иқухтылъҳым.

От Луки 2:1

Киңуңаның Иоанным алъхылъҳан, тама̄ни пилъыӷни Римым Умӣлыхпига̄н Августым, қылъқа̄ ю̄к қамахтыңъўа̄ӷлюку, а̄тҳит игақыстысяҳтӣсқылъюки игалӷутмикун. Таўатын пистыкӣ кысналюки югыт угляҳталяңит иглыӷуткаминилңӯт нунани.

От Луки 24:47

Хўатынлъю игақыхка̄лӷӣ: “Малихся̄ҳтыңи уңипақилъықут А̄тҳакун, пӣнлиӷлютың Иерусалимымың та̄хкын тамаҳа̄нун рамкынун. Уңипа̄сяҳқақӣт авутыҳқылъюки сыӷлыҳқынъанӣсқылъюки Кияӷныӷмун сыӷывутысқылъюки”.

От Луки 4:5

Та̄хкын Туӷныӷа̄м маю̄тка̄ ӯсқапихлъыҳӣмун, натыңӣҳақ кылгувикыхка̄ нунам атаныҳпагулъҳитның.

Деяния 11:28

Ата̄сиқ Агавыңуфтуқ, ныкывлюни ӯкналиқыхкақ Таӷныӷагныкун нықаңисяхлъягнақнилюку тамаңани. Та̄ўа нықаңисяхлъякақ Клавдий Умӣлыхпига̄люку.

Деяния 17:31

Кияӷныӷым таўатын қылъқақӣ қаюҳлъяк ныкыхтыкақа̄ аӷнық нанқихтивигулюку. Накмикыхкамикун юхкун ю̄к тамаҳа̄н таўатыҳлъюўа̄қ нанқихсяҳқақа̄. Лӣтысналюку накмикыхкани ю̄к уңуваҳтыстыкақа̄ туқулъыӷмың».

Деяния 17:6

Иўырңа на̄лъкынӷисямыхтыкык, Иасонлъю, иляңилъю ухпықат қамуҳсӣқӣт Фессалоникам иглыӷутистыңитнун. Акилӷӯкат: «Павелылъю, Силалъю навык алңунак пиныӷмыгни сыӷлылӣҳқӣгақук, хўа̄ ма̄нилъю таўатын пӣқук.

Деяния 19:27

Сыӷлыҳалык сянӷилъкумта қыпҳақаҳпут укаваҳлъықуқ. Лӣсимакаҳси қамахлъютың Асияӷмӣтлъю, нунатаҳа̄нилңӯтлъю манигуӷақа̄т аӷнақ кияӷнық Артемида. Сянӷилъкумта югыт сюмыҳтаӷа̄ткысягулъықа̄т храм мыгнунӣнъилюку, Артемидамлъю а̄ңылъыҳлъяга сятңунаниҳлъықуқ».

Деяния 20:25

Лӣсимакақа алъямың ысҳаӷна̄нӷитаҳпысиңа, лъпыси уңипиқуткамни Атаныҳпагулъҳаның Кияӷныӷым.

К Римлянам 10:18

Иўырңа пӣқсиңа̄ Израилыӷмӣт нагақӯнъыӷинъилюки уңипа̄мың? А̄а, нагақупыста̄қа̄гут. Акузитни Игақыхкани игақңалӷӣ: «Мыңит аӷуляқума̄т тамаҳа̄нун нунам; акузитаңитлъю кынлыңитнун нунам».

К Колоссянам 1:23

Кияӷнық таўатын пилъықуқ нагнықуфси ухпықлъюки Пинилӷӣт Уңипат айгуӷикылъңунаки. Иқитыхпынаси сиӷмалъыӷмың алъхыҳтыкаҳпысиның нагақуӷақңафсики Пинилӷӣт Уңипат. Та̄кут Пинилӷӣт Уңипат уңипақңӯт тамаҳа̄ни нунам. Кияӷныӷым накмикыхкақа̄ңа, хўаңа Павел, қыпҳаҳтыңулюңа лъңанун уңипақысқылъюки Пинилӷӣт Уңипат.

К Колоссянам 1:6

Пинилӷӣт Уңипат қуястимаңина̄гут югнун. Ынка̄м Пинилӷӣт Уңипат миңитңӯт ӣңунаҳа̄нун нунам, катам таўатын қуястилъҳистун лъпысинун нагақуӷьюхўа̄ӷақңафсигу Кияӷныӷым наңлъыхталъҳа. Та̄хкын кынляңа лӣтаҳси Кияӷныӷым наңлъыхталъҳа.

К Евреям 1:6

Кияӷныӷым каяхсяҳқа̄ҳсямигу Иӷнықсюхўа̄ни нунамун, хўатынлъю пика̄гуқ: «Йықай қамахлъютың Кияӷныӷым яқулгита манигуӷлитху».

К Евреям 2:5

Кияӷныӷым накмикылъҳитӣ яқулгыт иглыӷутисқылъюки сивумылңуӷмун нунакаҳқамун. (Та̄наңӯқ нуна акузиткыхкыфут.)

Откровение 14:6

Та̄хкын ысҳаӷақа иляңа яқулык тыңа̄лӷӣ қӯлваҳпани. А̄пҳӣ кынлыңилңӯт Пинилӷӣт Уңипат нунами кияҳлъыҳӣнун, тамаҳӣтнун нуната̄нилңуӷнун югнун, рамкынун, улюнун, югнунлъю.

Откровение 16:14

Та̄кут туӷныӷа̄т алъя̄ҳлъюхўаҳтикаюгуфтут. Аӷуляқут умӣлгитнун нунатаҳа̄н тамаҳа̄н қырңуҳналюки пилъюўамун аӷныҳлъягани Кияӷныӷым Аҳтуӷьяҳқаҳа̄нӷилңӯм.

Откровение 3:10

Қылъқақамси нуқытысқылъюси. Қа̄ткыхкақутыхпысиның қылӷилъқа пақнӣҳсяҳлъықамси сыӷлылӣлъыӷның ка̄нъақылӷӣның нунатаҳаӷының тамаҳа̄ның. Тама̄кут сыӷлылӣлъҳыт нанӷӣқулъықӣт қамахлъюки югыт кияҳлъыҳӣт нунами.