От Матфея 23:34 - Новый Завет на эскимосском языке

³⁴ Ынка̄м уңипа̄тамси каяхфикамси ӯкналиқистыныңлъю, лӣсималӷӣныңлъю, апыҳтуӷистыныңлъю. Иляңит туқуқуҳлъықаси, иляңит қақӯраҳлъықаси, ынка̄м иляңит синагогахпысини кахсягмихлъықаси, иляңит нунаӷның иляңитнун малиҳқуҳлъықаси.

От Матфея 23:34 Iomraidhean Croise

От Матфея 10:23

Такукаҳпысини амью̄ткыхкаңиси, иляңанун нунамун қимаха̄си. Ипа уңипа̄тамси, қамахна̄нӷитаси Израилым нунаӷи, сивуңани Иӷныӷан Югым тагилъыҳқа̄н.

От Матфея 13:52

Та̄хкын пикӣ: «Тамаҳаӷми апыҳтуӷикаюк Лӣлиҳтӯсяның апыҳтуқақ Атаныҳпагулъҳаның Қилягым хўатылңӯгуқ: мыңтыӷалык ю̄к нусюгралӷӣ кахпагвигминың нутаӷамыңлъю, ныӷиҳтамыңлъю».

От Матфея 23:31

Таўатын акузилъыҳпысигун лӣгикыстуси, киңунқынъилюси туқуқуҳтыңитнун ӯкналиқистыт.

От Луки 24:47

Хўатынлъю игақыхка̄лӷӣ: “Малихся̄ҳтыңи уңипақилъықут А̄тҳакун, пӣнлиӷлютың Иерусалимымың та̄хкын тамаҳа̄нун рамкынун. Уңипа̄сяҳқақӣт авутыҳқылъюки сыӷлыҳқынъанӣсқылъюки Кияӷныӷмун сыӷывутысқылъюки”.

От Иоанна 16:2

Югыт иқитыслъықӣси синагогамыхның. А̄а, пилъыҳқақ тагиңӯқ, китум алңунак туқускумиси сюмыҳтаӷаӷьяҳқа̄гуқ қыпҳа̄тңунилюку Кияӷнық.

От Иоанна 20:21

Та̄хкын Иисусым пиля̄тақӣ: «Ныкыхмылъық лъпысинилъи. Катам таўатын Атам каяхтылъҳатун хўаңа, таўатыҳпигақ каяхтамси».

Деяния 1:8

Иўырңа аҳтуӷьяҳқа̄нӷилъыңылъықуси Аглыӷналӷӣк Таӷныӷак ӣтқайык илюхпысинун. Та̄хкын уңипақылъықаҳпысиңа Иерусалимыми, Иудеями, Самариями, уяваҳпанилъю нунани».

Деяния 11:27

Тама̄ни иляңи ӯкналиқистым Иерусалимымың Антиохиямун тагикат.

Деяния 12:2

Иоанным аңлыгутаңа Иаков туқутыстыка̄ сявихпахкун.

Деяния 13:1

Антиохиями ухпықам иляңи ӯкналиқистыңуфтутлъю, апыҳтуӷистыңуфтутлъю. Та̄куңуфтут Варнава, Симеон, атилъқылӷӣ Нигерымың, Луций (Киринеямың пи), Манаил (аңлилгутаңа умӣлгым Иродым), Савлалъю.

Деяния 14:19

Та̄хкын иляңи Иудеит Антиохиямыңлъю, Икониямыңлъю ка̄ткат Листрамун. Листраӷмӣнун на̄вгӯлъюкык угумӣтыстыкахкыт. Ынка̄м Иудеитлъю, Листраӷмӣтлъю Павел милюҳпага̄таӷлюку қамуқа̄т ным кылютаңанун сюмыӷмыхни туқуманилюку.

Деяния 15:32

Иуданкук, Силанкук, лъпыклъю ӯкналиқистыңулӷӣк, ынка̄м уңипақӣӷа̄таҳлъякак ухпықанун ухпылъҳит икнақуҳтысқылъюки.

Деяния 5:40

Та̄хкын кылыңакистынун итҳутыслъюки апостолыт кахсягмихтыстыкӣт. Иныҳтыңъўа̄қӣтлъю уңипақнанӣсқылъюку Иисус. Апыӷӣӷьямыхтыки а̄ныстыкӣт.

1е Коринфянам 2:6

Аңтанӣтканун ухпықанун апыҳтӯсяқақа Кияӷныӷым пыҳқинылъҳа. Иўырңа та̄на пыҳқинылъық нунамың пиңунӷитуқ, талўа иглыӷутистыңаның. Қантаӷақун авӣӷусяҳқа̄гут.

1е Коринфянам 3:10

Кияӷныӷым наңлъыхталъық тагивақа̄ атуқлъюку пӣнлиқақақа қыпҳақақ лъпысини. Пыҳқинылӷӣстун тунымиқақақа мыңтыӷақ улимаяҳқақ. Иисус Христосыңина̄гуқ тунымақ, алъя ся̄ӷўакун тунымаҳқӣтуқ. Иляңита улимавикңўа̄т қа̄йңакун. Қамахлъюни пира̄мсилюни улимали.

К Колоссянам 1:28

Ынка̄м уңипақңўа̄ҳпут Христос тамаҳа̄нун. Қамахлъюку пыҳқинылъыҳқун, кылыңася̄ӷақапутлъю, апыҳтуӷақапутлъю қамахлъюки югыт. Таўатын пӣқукут тагинъалюки ата̄сикаҳтӣта югыт Кияӷныӷым наю̄тңалъҳанун аңтанӣтка̄люки Христосыкун.

1е Фессалоникийцам 2:16

аӷулӣҳнақуткылъыӷмыхтыхун уңипақилъыҳпут язычнигнун югулилъыңнаюката. Таўатын пилъыӷмыхтыхун илямаңинаӷӣт сыӷлыҳқылъытың ынка̄м қынўатлъю Кияӷныӷым угумиягутыҳлъяглюки қантаӷақун аӷью̄ҳлъықӣ.

К Евреям 11:37

Иляңи милюҳпага̄тамың туқутақӣт, иляңи югусӣт пиляхтуӷлюки малӷуҳқақӣт, иляңи туқутақӣт сявихпахкун. Иляңи тымги тама̄ни иглыҳтақут а̄лъютың пынъӣӷымлъю, козёлымлъю амӣның. Иляңи аклъюмапихлъыҳӣт, югыт амьюқыта̄ткыхкӣт, сыӷлытунлъю кияӷуткӣт.

Откровение 11:10

Та̄кук ӯкналиқистык икфиқыстиҳлъяка̄лӷӣк нунам югитнун. Ынка̄м югыт қуяҳлъяхлъықут, тунқӯлъықутлъю тунусямың илямыхнун, апалъюқлъюку туқулъҳыхкынун.