От Матфея 23:13 - Новый Завет на эскимосском языке

¹³ «Иўырңа сыӷлыӷўа̄ӷунақңӯси лъпыси апыҳтуӷикаюгни Лӣлиҳтӯсяның, Фарисеинилъю! Пинӣюгныӷӯси! Ӯмгутақаси итыӷнақылӷӣт Атаныҳпагулъҳанун Қилягым. Лъпыси катам ӣтҳигатуси, аӷулӣҳтақасилъю итыӷьюлӷӣт!

От Матфея 23:13 Iomraidhean Croise

От Матфея 23:16

Сыӷлыӷўа̄ӷунақңӯси лъпыси, ая̄кани иглыӷутистыни! Апыҳтуӷӣқуси хўатын: “Кина хўатын пикуми: ‘Акықӣңа Храмкун’ та̄на пикатңунӷитуқ. Иўырңа кина хўатын пикуми: ‘Акықӣңа золотаңакун Храмым’ пияҳқапыста̄қа̄ акықусяни”.

От Матфея 23:23

Сыӷлыӷўа̄ӷунақңӯси лъпыси апыҳтуӷикаюгни Лӣлиҳтӯсяның, Фарисеинилъю! Пинӣюгныӷӯси! Кияӷныӷмун тӯнақаси қуляҳқылъҳи нықмун нықниҳся̄тыт, мятат, укропыт, тминыт. Иўырңа авылӷаӷақаси апыҳтӯсят мыгнунаӷатаӷалӷӣт Лӣлиҳтӯсянилңӯт катам: танӣлъҳитылъық, наңлъыхталъық, ата̄сӣӷмытылъық. Та̄кут атуҳқақсяӷаси авылӷафқӣта иляңилъю Лӣлиҳтӯсят.

От Матфея 23:25

Сыӷлыӷўа̄ӷунақңӯси лъпыси апыҳтуӷикаюгни Лӣлиҳтӯсяның, Фарисеинилъю! Пинӣюгныӷӯси! Қаю̄сисилъю сягнысилъю қа̄йңи сяңихтақаси, нақам имиӷңа̄т ўаяӷнӣқаҳпысиныңлъю, пакигнӣлъыҳпысиныңлъю.

От Матфея 23:27

Сыӷлыӷўа̄ӷунақңӯси апыҳтуӷикаюгни Лӣлиҳтӯсяның, Фарисеинилъю! Пинӣюгныӷӯси! Туқукат сялңагистун аюқуси пӣнықыхкат қатылӷӣмың. Ысҳақа̄лютың қа̄йңи пиниҳалык, иўырңа қама имақут ныҳқуӷругмыңлъю, аӷулъыӷмыңлъю.

От Матфея 23:29

«Сыӷлыӷўа̄ӷунақңӯси лъпыси апыҳтуӷикаюгни Лӣлиҳтӯсяның, Фарисеинилъю! Пинӣюгныӷӯси! Мыңтыӷасқўа̄ңлъяӷақаси лъӣвӷитхун ӯкналиқистыт, пиниӷнаҳсяӷақасилъю лъӣвӷит тама̄кут кияҳтыкат ылъқуӷулъютың Кияӷныӷмун.

От Матфея 3:7

Иоанным ысҳаӷлюки Фарисеилӷутытлъю, Саддукеилӷутытлъю тагилӷӣт лъңанун крестиӷысқылъютың пикӣ: «Лъпыси нымыӷьяни! Китум анагысқиси Кияӷныӷым нанқихтылъыҳқа̄ның ка̄нъақылӷӣмың?

От Луки 11:52

Сыӷлыӷўа̄ӷунақңӯси лъпыси лӣсималъылыхлъягни Лӣлиҳтӯсяның! Аӷуляқусима̄ҳси қипытақ қылъпыӷусиҳқақ амиганун лӣсималъҳым Кияӷныӷмың аюқылӷӣ; лъпыси итыӷьюгигатуси ынка̄м тама̄кут итыӷнақылӷӣт аӷулӣҳтақаси».

От Иоанна 9:22

Аңаюқакык таўатын пикак алиңлютык Иудеит иглыӷутистыңитның. Иглыӷутистыт ата̄сӣҳтыңъўа̄қат китум алңунак ухпықникагу Иисус, Христосыңунилюку иқитысяҳқа̄люку синагогамың.

От Иоанна 9:24

Ынка̄м Иудеит иглыӷутистыңита туқлъюнқихлъюку ая̄ңаялӷӣ ю̄к, пика̄т: «Усюқигу Кияӷнық. Лӣсимакаҳпут та̄на ю̄к, Иисус, сыӷлыҳқыстыңӯқ».

От Иоанна 9:34

Пика̄т: «Сыӷлыҳқыстыңӯтын има алъхынӷаҳа̄тыхпының, сяңанңам хўаңкута апыҳтуӷнақуткысикут?» Та̄хкын а̄ныстыстыка̄т синагогамың.

Деяния 13:8

Иўырңа ВарИисусым алигналӷӣм, атқылгим Елимамың, а̄ҳтӣра̄қакык правитель ухпыӷнаюкан. (Атық Елима, Грегыстун хўатын писӣлӷӣ, алигналӷӣ.)

Деяния 5:28

«Иныҳтыңъўа̄қақсяӷамси алъямыңлъю апыҳтуӷифқа̄фси А̄тҳакун Иисусым писқылъюси, иўырңа қа̄ткумаңитаҳпысикут! Йыӷлыги алъюлъютың Иерусалимыӷмӣт лӣта̄т апыҳтӯсяҳси, хўаңкуталъю авуткыснақуткаҳпыкут Иисусым туқулъҳанун».

Деяния 5:40

Та̄хкын кылыңакистынун итҳутыслъюки апостолыт кахсягмихтыстыкӣт. Иныҳтыңъўа̄қӣтлъю уңипақнанӣсқылъюку Иисус. Апыӷӣӷьямыхтыки а̄ныстыкӣт.

Деяния 8:1

Савлам итагнақыхка̄ Стефаным туқутылъҳа. Югыт пиниқиңалӷӣт Кияӷныӷмың лъӣфқа̄т Стефан қиякыҳлъягума̄н. Та̄хкын аӷныӷмың кынляңа амью̄ткыҳлъягьягуткӣт ухпықат Иерусалимымылңӯт. Савлам ынңа̄талъ амью̄ткыхкӣ ухпықат на̄ңысқылъюки. Ӣтҳақлъюни ныңитнун қамуҳсӣӷмың а̄нуқуқӣ аӷнатлъю, югытлъю анусимиңлъяҳтысқуӷналюки. Қамахтыңъўа̄ӷлютың ухпықат, пылъыӷмун қимагӯткат нунанун Иудеямылңуӷнунлъю, Самариямылңуӷнунлъю, апостолыңинаҳа̄т қимагумаңилңӯт.

2е Тимофею 3:8

Тама̄кут апыҳтуӷилӷӣт лъңитнун кипулъхина̄ҳлъықа̄т ипапилъық, катам Ианнийым Иамврийым кипулъхина̄лъҳыхкытун Моисей. Умьюгаҳлъю̄хлъықут, ухпықилъҳатлъю ипаңунӷилъықуқ.

2е Тимофею 4:15

Лъпыклъю кылыңаклъюку таўатын пинаюкаңатын қаюҳлъяк уңипаҳпут угумикыпихта̄.