От Матфея 22:16 - Новый Завет на эскимосском языке

¹⁶ Ынка̄м каяхтыкӣт иляңи малихся̄ҳтытын, иляңилъю Иродианыт Иисусымун. Хўатын пика̄т: «Апыҳтуӷиста, лӣсимакамкын акузӣқутын ипаңулюку. Апыҳтӯсянлъю натын Кияӷныӷым кияҳтысқысюлъҳа ипаңӯқ. А̄ңўа̄ӷуяӷңа̄та, укавансяӷңа̄та паниның апыҳтуӷақатын таўатыҳпигақ.

От Матфея 22:16 Iomraidhean Croise

От Матфея 22:24

Пика̄т: «Апыҳтуӷиста, Моисейем Лӣлиҳтӯсӣ пика̄гут: “Ю̄к нулиҳтуӷлюни туқукан авақутихпынани, аңлыгутаңан тугуяҳқақа̄ угиңиӷақ авақутинъалюку аңлыгутни туқукақ”.

От Матфея 22:26

Тӯңлиҳа̄лъю аңлыгутаңа туқӯқ авақутихпынани. Ынка̄м пиңая̄н аңлыгутаңан туга̄ та̄на аӷнақ. Қамахлъютың туга̄қлъюку туқуляӷа̄тут авақутихпынатың.

От Матфея 26:18

Иисусым кӣмсиқӣ: «Иерусалимымун пикатык. Ю̄к тама̄нтуқ; уңипа̄нъакыси: “Апыҳтуӷиста пӣқ, Пилъыҳқақа ка̄нъақуқ. Малихся̄ҳтыкулъҳӣни ныӷнақаҳпут Пасхам Нықынӷаҳқылъҳа лъпысини”».

От Матфея 26:49

Иудам такўа̄ӷаҳлъюку Иисус пика̄: «Сыӷлыҳалык, Апыҳтуӷиста!» Та̄хкын на̄қа̄.

От Марка 10:17

Иисус иглыҳнықихтақуқлъю, югым кытанқуснақ такулюку мануңакун сыгысқуҳлъюни а̄птыка̄: «Пинилӷӣ Апыҳтуӷиста, натын сялюңа кынлыңилңуқ уңувалъық алъхыҳнаяҳсикун?»

От Марка 12:13

Та̄м киңуңаның Иудеит иглыӷутистыңита каяхтыкӣт иляңи Фарисеитлъю, малихся̄ҳтыңилъю Иродым анагнӣлъқавигӣсқылъюку Иисус. Каяхтыкӣт анагнӣлъқавигӣсқылъюку акузилъҳакун.

От Марка 12:14

Ка̄лъюку пика̄т: «Апыҳтуӷиста, лӣсимакамкын ата̄сӣӷмытутын. Ўа̄кигататын югыт сюмыҳтаӷалъҳит, талўа ўа̄кигататын югыт сяңуяӷңа̄та, иўырңа ипапиҳқылъютын апыҳтӯсяқақан Кияӷныӷым пиюкылъҳа югнун. Уңипа̄таҳтикут, Кияӷныӷым Лӣлиҳтӯся̄ни ылъқуӷутңа̄ лъивикилъыҳқаҳпут налогның Кесарымун? Лъивикилъта̄а налиӷмың пинӷитылъта?»

От Марка 3:6

Ынка̄м Фарисеит а̄наӷыснаӷлютың синагогамың, Иродым иляпхастыңитнун агляӷлютың агӷиткыхка̄т натын туқутылъыҳқамың Иисус.

От Марка 8:15

Иисусым кылыңася̄қӣ: «Кылыңаңўа̄ӷлюси закваскатаңитның Фарисеит, закваскаңаныңлъю Иродым».

От Луки 20:21

Та̄кут рӣрңистыт пика̄т: «Апыҳтуӷиста, хўаңкута лӣсимакамкын акузилъыҳтынлъю, апыҳтуӷилъыҳтынлъю ипаңӯт. Атуныңўа̄қ пикаюгӯтын югнун, апыҳтуӷақатынлъю ипалъыӷмың Кияӷныӷым пиюкылъҳаның аюқылӷӣмың.

От Луки 7:40

Иисусым пика̄: «Симон, уңипа̄таҳсюгамкын сямың». Симоным а̄птыка̄: «Апыҳтуӷиста, сямың?»

От Иоанна 14:6

Иисусым кӣмсиқа̄: «Хўаңа тӯмңӯңа, ипапилъҳӯңа, уңувалъҳӯңа. Кина алңунак Атамун агляӷна̄нӷитуқ ўытқукун хўаңамкун.

От Иоанна 18:37

Пилатым пика̄: «Та̄ўа умӣлгуфтутын!» Иисусым пика̄: «Лъпык умӣлгунӣҳпыңа. Тагика̄гуңа нунамун уна апалъюқлъюку: апыӷналюку ипапиҳқылъық югнун; та̄на апалъюқлъюку алъхықа̄гуңа. Қамахлъюни пиниқиңалӷӣ ипапилъыӷмың нагаткаюгӯқ хўаңамнун».

От Иоанна 7:18

Кина алңунак апыҳтуӷилӷӣ лъми катам сюмыҳтаӷалъыӷминың қӯлвалъыңнақуткыңъӯқ. Иўырңа кина алңунак қӯлвалъыңыстинақуткылӷӣ каяхтикамун, акузиңӯқ ипапигмың, иқлъыңиқигатуқ.

2е Коринфянам 2:17

Угляпихлъыҳӣстун кинкустун аюқынӷитукут сялин қыпҳаӷьяҳқа̄нӷилңуӷыстун тама̄кын қыпҳақамың. Пинилӷӣт уңипат пӣқӣт иляңистун қыпҳақастун аюқнилюки алъхыӷутусиҳқат кияҳта̄ӷусиҳқамун. Иўырңа хўаңкута ата̄сӣӷмылъюта ипапиҳқылъюта қыпҳаӷақукут; а̄пҳақапут уңипат Кияӷныӷым писқылъҳатун, каяхтылъҳатун уңипаҳтыңулюталъю, қыпҳаҳтыңулюталъю Христосымун.

2е Коринфянам 4:2

Иҳсяягуткақапут аксяқыхкатлъю, кайңуналӷӣтлъю. Пӯҳсигатапут югыт, алъяңуҳсигатапутлъю Кияӷныӷым акузитаңи. Хўатыҳлъюўа̄қлъю апыҳтӯсяқақапут Кияӷныӷым ипапилъҳи, ынка̄ңам югыт лӣлъықӣлъю натылңӯтфут ысҳа̄манӷани Кияӷныӷым.

2е Коринфянам 5:16

Хўакын кынлыклъюку кина алңунак сюмыҳтаӷа̄ткынъанӣма̄ҳпут нунам юган сюмыҳтаӷа̄ткылъҳатун. Қайўа ата̄симың сюмыҳтаӷа̄ткыхкақаҳпут Христос нунам юган пилъҳатун, таўатын сюмыҳтаӷа̄ткынъанӣма̄ҳпут.

К Галатам 1:10

Таўатын акузилъымкун ыфқуҳнақуткыңъунӷитанка югыт. Нака̄, Кияӷныҳӣна̄гуқ ыфқуҳсюкақа. Паниның югнун ыфқуҳтинақуткыңъукума, Христосымун қыпҳаҳтыңуна̄нӷитуңа.

К Галатам 2:6

Та̄кут ухпықат иглыӷутистыңита алъяңуҳсимаңитӣт Пинилӷӣт Уңипат уңипақақыхкынка. (Иглыӷутистыңуяӷңа̄та, хўаңамни алъяңуӷутңитут қаюҳлъяк Кияӷнық танӣлъҳитуқ.)

1е Фессалоникийцам 2:4

Йыӷлыги, уңипақақапут Пинилӷӣт Уңипат қаюҳлъяк Кияӷныӷым итагнақлъюта ныӷьюкуткақӣ хўаңкунъун. Акузилъымтыхун ыфқуҳнақуткыңъунӷитапут югыт, иўырңа ыфқуҳсюкаҳпут Кияӷныӷӯқ, нанқихтиңалӷӣ илюмта сюмыҳтаӷалъҳаның.

От Иакова 3:17

Иўырңа пыҳқинылъық қиляхтақ кияң пылюңитуқ. Амалъықа ныкыхмытуқ, кавьюгитуқ, малиҳқутақиңа̄қ, наңлъыхтаҳтуқ, пинистаҳӣнатун пикаюгӯқ, танӣлъҳитуқ, юпӣнӷӯқ.

1е Иоанна 5:20

Лӣсимакаҳпут Иӷныӷан Кияӷныӷым тагилюни лӣгикыстыкақӣлъю лӣсимакысқылъюку Кияӷныпик. Кияӷныпигмытукут Иӷныӷанитутымнъың Иисус Христосыми. Та̄ната Кияӷныпиклъю, кынлыңилңуқлъю уңувалъық.