От Матфея 21:41 - Новый Завет на эскимосском языке

⁴¹ Первосвященнигытлъю, сӣванлъыӷытлъю кӣмсиқа̄т: «Сыӷлыпыста̄тун туқулъықӣ та̄кут сыӷлыӷыт югыт. Та̄хкын навӷилъықа̄ пӣтысиӷаӷвини алъянун пӣтысиӷаҳтынун. Сяӷналъыҳқақ ка̄скан ныңӣлъықа̄т».

От Матфея 21:41 Iomraidhean Croise

От Матфея 21:34

Сяӷнаяҳқа̄ҳсята виноградыт, пӣтысиӷаӷвилгым қыпҳаҳтыни каяхтыкӣ ныңини ақфасқылъюки.

От Матфея 21:40

Иисусым а̄птыкӣ: «Пӣтысиӷаӷвилгым тагикуми сялъықаки пӣтысиӷаҳтыт?»

От Матфея 21:43

Ынка̄ңам уңипа̄тамси, Атаныҳпагулъҳа Кияӷныӷым лъпысиның аўисяҳқа̄гуқ, ынка̄м тӯньяҳқа̄гуқ югнун пӣтыстияҳқанун плодыңаның Атаныҳпагулъҳым».

От Матфея 3:12

Та̄на тагияҳқақ нанқихтияқлъыхӣна̄гуқ. А̄фсяҳқақӣ пинилӷӣт югыт сыӷлыӷның, катам пӣтысӣӷаҳтым пыкутаминың малъӣлъҳатун зернот. Кахпаглюки зернот малъяқ тама̄на милю̄сяҳқақа̄ қа̄мьяҳқа̄нӷилңӯгнун кынӷыгнун».

От Луки 20:16

Тагилюни туқуқуҳлъықӣ, ынка̄м пӣтысиӷаӷвини тӯнылъықа̄ иляңитнун». Нагасямыхтыху таўатын пилӷӣ, пика̄т: «Кияӷныӷым таўатылъюку апыӷӣҳтысныӷилъигу!»

Деяния 15:7

Акузиткынъыҳпахлъяка̄т. Та̄хкын Петырым ныкывлюни пикӣ: «Ухпықа̄лгутымни, лӣсимакаҳси қавңақ Кияӷныӷым накмикыхкақа̄ңа язычнигнун уңипақисқылъюңа Пинилӷӣның Уңипаның ухпыӷысқылъюки.

Деяния 18:6

Иудеит кипулъхина̄ӷьятнилъю, сыӷлытунлъю акузиткысятни, а̄тками пагуляңи уфсюгулъюки пикӣ: «Ифлъякуфси лъпыси пилъқаҳси, хўаңа пилъқынъа̄нӷитақа. Хўакын кынлыклъюку язычнигнун уңипақинақуңа».

Деяния 28:28

Павелым та̄қнӣткун пикӣ: «Лъпысинун лӣгикысюгақа, Кияӷныӷым каяхтыңъўа̄қақӣ уңипаҳтыни уңипӣсқылъюки югулилъыӷмың язычнигнун. Лъңит нагатыпыста̄ӷьяҳқа̄гут».

Деяния 28:8

Атаңа пуқлъыӷаңуфтуқ ақсялъиқумаӷми. Павелым ысҳаӷьяҳтуӷлюку юӷа̄ткылъюку, ся̄фсяқминигу на̄лъҳутуқ.

1е Фессалоникийцам 2:16

аӷулӣҳнақуткылъыӷмыхтыхун уңипақилъыҳпут язычнигнун югулилъыңнаюката. Таўатын пилъыӷмыхтыхун илямаңинаӷӣт сыӷлыҳқылъытың ынка̄м қынўатлъю Кияӷныӷым угумиягутыҳлъяглюки қантаӷақун аӷью̄ҳлъықӣ.

К Евреям 12:25

Ынка̄м кылыңатык, нагасюнӷитыхпына̄н Кияӷнық акузилӷӣ. Сивунымта нагасюнӷиткақа̄т кылыңася̄ӷилъҳа нунами хўани, ынка̄м анагумаңита̄т аӷью̄ӷилъҳа. Хўаңкута аӷью̄ӷатаӷаҳлъықӣнкутлъю нагасюнӷилъкумтыху кылыңася̄лъҳа қилягмың.

К Евреям 2:3

Ынка̄м иҳсякумакумтыху Кияӷныӷым югулиӷилъыҳлъяга анахпагниңитаҳпут аӷью̄ӷилъыҳқа̄. Атанӷым апыӷьюха̄қақа̄ та̄на югулилъық. Та̄хкын тама̄кут нагақӯткат лъңаның, ипапиҳқа̄т хўаңкунъун.