От Матфея 21:31 - Новый Завет на эскимосском языке

³¹ Иисусым а̄птыкӣ: «Налӣм иӷныӷан қа̄ткыхкақагу атани?» Кӣмсиқа̄т: «Сивулӣм». Ынка̄м Иисусым пикӣ: «Уңипа̄тамси налогмың қырңуҳтыстытлъю, аӷнатлъю акикикаюгыт югусимыхның сивухпысини итыӷа̄тңӯт Атаныҳпагулъҳанун Кияӷныӷым.

От Матфея 21:31 Iomraidhean Croise

От Матфея 12:50

Кина алңунак Атама қилягмылңӯм пиюкылъҳатун пикуми, аңлыгуткақа, наякақа, на̄кақалъю!»

От Матфея 18:3

Пикӣ: «Ипа уңипа̄тамси, итыӷна̄нӷитңўа̄ҳтуси Атаныҳпагулъҳанун Қилягым ўытқукун таӷнуҳаӷыстун лъӣқуфси.

От Матфея 20:16

Та̄хкын Иисусым пикӣ: «Ынка̄м тама̄кут киңулӣт сивулӣҳсяҳқа̄гут, сивулӣт киңулӣҳсяҳқа̄гут».

От Матфея 21:30

Та̄хкын тӯңлиҳа̄нун иӷныӷми пилюни, таўатыҳпигақ пика̄. Иӷныӷан пика̄: “А̄а, пилъықуңа”, иўырңа пимаңилңуқ».

От Матфея 5:18

Ипа пӣмси, қилягылъю нунамлъю кынлытҳӯтылъҳыхкынун кынляңа, талўа сясқувыгаҳақ алъяңуҳна̄нӷитуқ Лӣлиҳтӯсянилңуқ кынляңа қамахлъютың Лӣлиҳтӯсянилңӯт апыӷӣлъҳитнун.

От Матфея 5:46

Кияӷныӷым акилыҳтуҳлъықисӣи пиниқистыңинаҳаси пиниқыхкуфсики? Талўа налогмың қырңуҳтистыт пиниқақӣт пиниқистытың.

От Матфея 6:5

«Юӷаныҳпысини пинӣюгныӷыстун пихпынаси. Юӷаӷьюныҳтӯт ныкывӷаӷмың синагоганилъю, тумынилъю ысҳӣсқылъютың югнун. Ипа уңипа̄тамси акилыҳтӯсяңўа̄ӷлютың аюқут.

От Матфея 7:21

Иисусым апыҳтӯсяни нагныӷуткӣ: «Иляңи югым хўаңамнун малихся̄ҳтыкнӣқут ынка̄м пӣқа̄тңа: “Атанқамкын” иўырңа итыӷна̄нӷитут Атаныҳпагулъҳанун Қилягым. Тама̄куңина̄т атуқилӷӣт пиюкылъҳаның Атама қилягмылңӯм итыӷьяҳқа̄гут Атаныҳпагулъҳанун Қилягым.

От Матфея 9:9

Та̄м киңуңаның Иисусым иглыӷуткылъюку ысҳақа̄ налогмың қырңуҳтистыңа, ақумлюни қыпҳаӷвигмини; Матфейеңуфтуқ. Пика̄: «Малихтиңа». Ынка̄м Матфейем ныкывлюни малихтыка̄.

От Луки 15:10

Уңипа̄тамси, таўатыҳпигақ Кияӷныӷым яқулги қуя̄қут ата̄сиқ сыӷлыҳқыста авутыҳқылъюни сыӷлыҳқынъанилӷӣ».

От Луки 19:22

Умӣлгым пика̄: “Уюқ, сыӷлық қыпҳаҳта. Акузитытын лъпынун нанқихтусиқнақанка. Лӣсимакаҳпыңа а̄ҳсяҳқа̄нӷилңӯгуңа. Тугуткаюгӯңа хўаңа пикынӷилъкымның, унатақаюгӯңалъю пӣтистыкақынӷилъкымның.

От Луки 7:29

(Қамахлъютың тама̄кут югыт, талўа налогмың қырңуҳтистыт, нагасямыхтыки Иисусым апыҳтуӷилъҳи тугуклъиӷӣт Кияӷныӷым қылӷусӣ ылъқуӷутңанилюки. Таўатын пика̄гут қаюҳлъяк сивунӷани тугуклъиқақыхкаңит Иоанным апыҳтуӷилъҳи. Ынка̄м Иоаннымун крестиӷыстыка̄лӷӣт.

От Иоанна 3:3

Иисусым пика̄: «Ипа уңипа̄тамкын, китум алңунак ысҳаӷна̄нӷита̄ Атаныҳпагулъҳа Кияӷныӷым ўыткуқун алъхынқихтыкуми».

От Иоанна 3:5

Иисусым кӣмсиқа̄: «Ипа пӣмкын, кина алңунак итыӷна̄нӷитуқ Атаныҳпагулъҳанун Кияӷныӷым ўыткуқун алъхынқихтыкуми мыҳқунлъю, Таӷныӷагныкунлъю.

Деяния 17:30

Сивунӷани агани югыт сялин налъюклъюку Кияӷнық, аӷью̄ӷьюгумаңитӣ аӷью̄сяқыӷңа̄та. Иўырңа ма̄тын қылӷўӣ қамахлъюки югыт на̄нсяӷңа̄та авутыҳқылъюки, сыӷлыҳқынъанӣсқылъюки.

К Римлянам 3:19

Лӣсимакапут Иудеит Лӣлиҳтӯсялгит қа̄ткысяҳқақӣт қылӷусӣт. Ынка̄м та̄кут Лӣлиҳтӯсят ныпӣҳқылъықӣт югыт хўатын пилъыҳқӣтның: «Налъюкапут сяңутаңи сыӷлыҳқылъҳыт». Лӣлиҳтӯсятлъю лӣгикыслъықӣт Кияӷныӷмун нанқихлъықнилюки қамахлъюки нунам юги.

К Римлянам 5:20

Лӣлиҳтӯсят Кияӷныӷым тӯныхкӣ Моисейемун югыт лӣся̄ӷаҳтыстӣт сыӷлыҳқылъыӷмың. Иўырңа югыт сыӷлыҳқатаӷаӷьята Кияӷныӷым наңлъыхталъҳа нуляңинақақ.

2е Петра 3:9

Атанық ыгна̄ңинъыӷитуқ акықусяни пияҳқа̄люку, иляңита югыт сюмыҳтаӷалъҳистун. Йыӷлыги ныкыхмытутақӣси қаюҳлъяк кина алңунак ифлъяюгунӷилъкаңа. Итупилъ тамаҳа̄н ю̄к агўитысқысюгўа̄ сыӷлыҳқылъҳитның.