От Матфея 19:29 - Новый Завет на эскимосском языке

²⁹ Ынка̄м хўаңа апалъюқлъюңа килъю алңунак унискумыхтыки мыңтыӷатың, аңлыгутытың, наятың, ататың, на̄тың, авақутатың, налиӷмың пӣтысиӷаӷвитың, нулялъықут ю̄к талъиматалъпаглюку. Кынлыңилңуӷмыңлъю уңувалъыӷмың алъхыӷулъықут.

От Матфея 19:29 Iomraidhean Croise

От Матфея 10:22

Хўаңамның апалъюқлъюси югым қамахлъюни угумикылъықӣси. Иўырңа нуқынъыҳтуқат кынляңа кынлымун югулилъыңьяҳқа̄гут.

От Матфея 13:23

Тама̄кут пӣтутыт тыкиткат сюнакыхтакун успутңа̄т югнун нагақӯлъҳӣнунлъю лӣгикилӷӣнунлъю уңипа̄мың. Ынка̄м пӣтысқуӷақут иляңи 100, иляңи 60, иляңи 30».

От Матфея 13:8

Иўырңа иляңи пӣтутыт тыкиткат сюнакыхтакун пӣтыстикат зерномың, иляңи 100, иляңи 60, иляңи 30.

От Матфея 16:25

Қаюҳлъяк китум алңунак уңувалъыни лъңанун катам пикникумигу ифлъяяҳқақа̄. Китум алңунак пыхтыкумигу уңувалъыни хўаңа апалъюқлъюңа алъхыҳлъықа̄.

От Матфея 19:16

Та̄хкын югым такулюку Иисус а̄птыка̄: «Апыҳтуӷиста, сяңўа̄ пинилӷӣ пияҳқақсикун алъхыӷутусиҳқа̄люку кынлыңилңуӷмың уңувалъыӷмың?»

От Матфея 25:34

Та̄хкын Умӣлгым аӷынқигныӷминилңӯт пилъықӣ: “Тагитык, Атама қуястыкӣтни, пилӣтыху Атаныҳпагулъық ята̄ҳқыхка̄қ лъпысинун има нуна улима̄қңан.

От Матфея 25:46

Ынка̄м та̄кут агляҳлъықут кынлыңилңуӷмун аӷью̄лъыӷмун, иўырңа ылъқуӷутңалӷӣт агляҳлъықут кынлыңилңуӷмун уңувалъыӷмун».

От Матфея 5:11

Қуястылъылгӯси югыт сыӷлықӯқаңиси, амью̄ткыхкаңиси, иқлъыңиқуткыхкаңиси малихся̄ҳтыңутыхпысиның хўаңамнун.

От Матфея 6:33

Тама̄кын апалъюқлъюку кияҳтылъыҳпысини мыгнуналъыҳпига̄ҳтыстыки Кияӷныӷым Атаныҳпагулъҳалъю, пиюкылъҳалъю. Таўатын пикуфси Кияӷныӷым тӯнылъықӣ қамахлъюки аклъюкыхкаси.

От Луки 14:26

«Кина алңунак тагилӷӣ хўаңамнун малихся̄ҳтыкна̄нӷитақа ўыткуқун пиниқатаӷақумиңа пакихулъюңа атаминың, на̄миның, нулӣӷминың, авақутаминың, аңлыгутминың, наягминың, лъңаның лъю катам.

От Луки 5:11

Аңьяк қӯтмун сяюглюкык, униткӣт сяңўа̄т қамахлъюки ынка̄м малихтыка̄т Иисус.

От Луки 6:22

Қуяслъылгӯси югыт угумикынӷиси, иҳсякынӷиси, сыӷлықӯнӷиси, сыӷлыӷуникаңисилъю. Таўатын пӣқӣси қаюҳлъяк малихся̄ҳтыкыхкаңиси Иӷныӷан Югым!

От Иоанна 15:19

Нунам пиксяқумиси, юган пиниқнаяӷӣси пиниқутутылъыӷмыгыстун. Иўырңа хўаңа накмикыхкақамси хўакын нунамың ынка̄м нунам пикынӷитӣси. Тама̄кын апалъюқлъюку нунам юган угумикӣси.

От Иоанна 4:36

Ю̄к унаталӷӣ пшеницамың акилыҳтӯсяңьяҳқа̄гуқ қыпҳақаминун, ынка̄м қуяяҳқа̄гуқ малигулъюни пӣтысиӷақамун. Таўатыҳпигақ югым уңипалъыӷмикун кынлыңилңуӷмың уңувалъыңыстыкумики акилыҳтӯсяңьяҳқа̄гуқ. Та̄налъю қуяяҳқа̄гуқ малигулъюни уңипақиюхўа̄қанун хўаңамның.

Деяния 9:16

Лӣгикыснақңўа̄қа а̄ңлюку икфиқылъыӷмың хўаңа апалъюқлъюңа».

1е Коринфянам 2:9

Игақыхкани Акузитни игақыхка̄гуқ: «Тама̄кут ийым ысҳамаңилъкаңи, тама̄кут сигутым нагақӯмаңилъкаңи, тама̄кут умьюгам сюмыҳтаӷа̄ткумаңилъкаңи. Кияӷныӷым ята̄ҳқыхкақӣ пиниқистыминун».

2е Коринфянам 5:16

Хўакын кынлыклъюку кина алңунак сюмыҳтаӷа̄ткынъанӣма̄ҳпут нунам юган сюмыҳтаӷа̄ткылъҳатун. Қайўа ата̄симың сюмыҳтаӷа̄ткыхкақаҳпут Христос нунам юган пилъҳатун, таўатын сюмыҳтаӷа̄ткынъанӣма̄ҳпут.

К Филиппийцам 3:8

Ипа сяңўа̄т қамахлъюки ифлъяма̄нка апалъюқлъюку мыгнунаҳтулңа лӣтңўа̄лъымның Христос Иисусым, Атанқа. Лъңа апалъюқлъюку сяңўа̄т қамахлъюки ыхсима̄нка. Ысҳаӷанка малъястун аюқлъюки алъхыҳтыпигналюку Христос,

1е Петра 4:14

Сыӷлықӯқаңиси апалъюқлъюку малихся̄ҳтыңумалъыҳси Христосымун, қуястылъылгӯси қаюҳлъяк Кияӷныӷым Таӷныӷакык ниӷуҳқыңъалӷӣк кияҳтыңӯқ лъпысини.

3е Иоанна 1:7

қаюҳлъяк иглыӷаңӯт апалъюқлъюку Христос. Тугуклъиӷиңигатут ухпықа̄нӷилңуӷның каюсилъыӷмың