От Матфея 19:17 - Новый Завет на эскимосском языке

¹⁷ Иисусым пика̄: «Сяңан а̄псиңа сяңўа̄ пинӣтаңа? Ата̄сиҳа̄гуқ пинилӷӣ. Кынлыңилңуӷмың уңувалъыңьюкувык қа̄ткики Кияӷныӷым қылӷусӣ».

От Матфея 19:17 Iomraidhean Croise

К Римлянам 10:5

Моисей игақа̄гуқ Кияӷныӷмың налъҳусяӷилӷӣмың югның ылъқуӷутңалъыӷминун қа̄ткутылъҳитхун Лӣлиҳтӯсянун. Хўатын игақыхкақа̄: «Югым қа̄ткумакаки Лӣлиҳтӯсят, та̄кутхун кияҳлъықуқ».

От Иакова 1:17

Қамахлъютың пинилӷӣтлъю, сялъҳўа̄ҳӣлңӯтлъю тунусят қилягмың пиңӯт. Тама̄кут Атамың пиңӯт улимаӷистыңаның қамахлъюни ниӷугым; алъяңуҳсигатуқлъю, мамлыхтыстиңигатуқлъю.

1е Иоанна 4:16

Ынка̄м хўаңкута лӣсимакаҳпутлъю, ухпықаҳпутлъю Кияӷныӷым пиниқылъҳа хўаңкунъун. Кияӷнық пиниқылъҳӯқ, ынка̄м кина алңунак кияҳлъыҳӣ пиниқылъыӷми кияҳтыңъӯқ Кияӷныӷми, Кияӷнық лъңани.