От Матфея 18:9 - Новый Завет на эскимосском языке

⁹ Ийыхпыклъю сыӷлыҳқыстыкаңатын ипуглюку ыхнакын! Итагнаӷатаӷаӷнаяҳтутын кынлыңилңуӷмун уңувалъыӷмун ӣтқувык иңлюпигақ ӣскылъюку, милю̄тылъыҳқаҳпының кынӷанун геенам иңлюхтун ийылгулютын.

От Матфея 18:9 Iomraidhean Croise

От Матфея 16:26

Сяңўа̄ңам югым пиниҳқусиқылъықагу пилӣлъюку нунаҳлъяк, ифлъякумигу уңувасигни? Та̄ўа аваңитуқ выҳтусиҳқамың уңувасигминун.

От Матфея 18:8

Ӣхыхпык налиӷмың итыгаҳпык сыӷлыҳқыстыкаңатын, кыплъюки ыхнакытын! Итагнаӷатаӷаӷнаяҳтутын кынлыңилңуӷмун уңувалъыӷмун ӣтқувык, ӣхитыӷңа̄ҳпык налиӷмың итыгӣтыӷңа̄ҳпык милю̄тылъыҳқаҳпының кынлыңилңӯгнун кынӷыгнун, иңлюхтун ӣхылиӷлютын налиӷмың итыгалиӷлютын.

От Матфея 19:17

Иисусым пика̄: «Сяңан а̄псиңа сяңўа̄ пинӣтаңа? Ата̄сиҳа̄гуқ пинилӷӣ. Кынлыңилңуӷмың уңувалъыңьюкувык қа̄ткики Кияӷныӷым қылӷусӣ».

От Матфея 5:22

Иўырңа хўаңа пӣмси, китум алңунак угумиягускумигу юлгутни, нанқихтивигмун агляҳсяқлъыгӯқ. Китум алңунак пикумигу юлгутни: “Уюқ налъюҳлъяк”, агӷистынун агляҳсяқлъыгӯқ. Китум алңунак сясӣнӷинъикумигу юлгутни, агляҳсяқлъыгӯқ кумаӷулӷӣмун геенамун.

От Матфея 5:29

Ынка̄м аӷынқигныӷым ийыхпык сыӷлыҳқыстыкаңатын, ӣклъюку ыхнакын! Итагнаӷьяҳқа̄гуқ югусин налиӷныӷитыӷңа̄ӷми, ӣңунаӷми геенамун милю̄тылъыҳқа̄ның.

От Марка 9:47

Ийыхпык сыӷлыҳқыстыкаңатын, ипугнакын! Пиниӷатаӷаӷнаяҳтутын Атаныҳпагулъҳанун Кияӷныӷым ӣтқувык иңлюпигаӷмың ӣскылъютын, иңлюхтун ийылгулютын геенамун милю̄тылъыҳқаҳпының.

Деяния 14:22

Такӯӷақамыгни тама̄ни апыҳтуқӣт ухпықат ухпықилъҳит ўата икнақуҳтысқылъюки, кайымыхкӣклъю ухпылъҳит аӷулӣтысқылъюки. Пикӣк: «Угляпыста̄қ сыӷлылӣлъық атуқсяҳқапыста̄қаҳпут итыӷьяҳқа̄ҳналюта Атаныҳпагулъҳанун Кияӷныӷым».

К Евреям 4:11

Тама̄кын апалъюқлъюку итыӷнақыҳлъягылъта Кияӷныӷым мыӷна̄ливиганун. Қа̄ткынӷитыфқа̄н пилътыху Кияӷнық сивунымта пилъҳистун.

Откровение 21:27

Иўырңа ныҳлъягмун итыӷьяҳқа̄нӷитуқ сяңўа̄ сыӷлық, талўа кина алңунак сыӷлыӷнатун писта, налиӷмың иқлъыңиқыста. Иўырңа ныҳлъягмун итыӷьяҳқа̄гут тама̄куңинаҳа̄т а̄тҳит игақңалӷӣт Ига̄кун Уңувалъҳым. Та̄кут Игат Пынъӣӷаҳа̄м пикӣ.