От Матфея 18:3 - Новый Завет на эскимосском языке

³ Пикӣ: «Ипа уңипа̄тамси, итыӷна̄нӷитңўа̄ҳтуси Атаныҳпагулъҳанун Қилягым ўытқукун таӷнуҳаӷыстун лъӣқуфси.

От Матфея 18:3 Iomraidhean Croise

От Матфея 13:15

қаюҳлъяк лъңита умьюгӣт пиныҳлъюхтыка̄гут. Сигутңит тусяқныҳлъю̄хтыка̄гут, ийытыңлъю қуныҳтыкақӣт. Таўатылңӯнӷисяқумың ӣймыхның ысҳа̄нъаяҳтут, сигутмыхның нагақӯнъаяҳтут, умьюгамыхтыхун лӣгикнаяҳтут, ынка̄м қӣвнаяҳтут хўаңамнун на̄лъҳутысқылъютың”.

От Матфея 18:2

Иисусым тахсиӷлюку таӷнуҳақ ныкывыстыка̄ қукӣтхун.

От Матфея 18:4

Кина алңунак укалӣҳлъыҳӣ ӯтун таӷнуҳаҳтун, аңылъыҳпига̄гуқ Атаныҳпагулъҳани Қилягым.

От Матфея 19:14

Иўырңа Иисусым пикӣ: «Йықай таӷнуҳа̄т тагилит хўаңамнун. Иныҳтыхпынаки, қаюҳлъяк Атаныҳпагулъҳа Қилягым таӷнуҳаӷыстун аюқылӷӣт пика̄т».

От Матфея 19:23

Та̄хкын Иисусым малихся̄ҳтыни пикӣ: «Ипа пӣмси, пияқнаӷьяҳқа̄гуқ аклъюңилңуӷмун югмун итылъыҳқа̄ Атаныҳпагулъҳанун Қилягым.

От Матфея 5:18

Ипа пӣмси, қилягылъю нунамлъю кынлытҳӯтылъҳыхкынун кынляңа, талўа сясқувыгаҳақ алъяңуҳна̄нӷитуқ Лӣлиҳтӯсянилңуқ кынляңа қамахлъютың Лӣлиҳтӯсянилңӯт апыӷӣлъҳитнун.

От Матфея 5:20

Ынка̄м уңипа̄тамси, итыӷна̄нӷитуси Атаныҳпагулъҳанун Қилягым, ўыткуқун қа̄ткутңа̄ӷатаӷақуфси Кияӷныӷмун, апыҳтуӷикаюгның Лӣлиҳтӯсяның, Фарисеиныңлъю».

От Матфея 6:16

«Постаныҳпысини ӣлъқысюгниҳқыхпынаси пинӣюгныӷыстун. Аӷмигигатут, мысю̄наңигатут лӣгикысқылъютың постаңунилютың. Ипа уңипа̄тамси, акилыҳтӯсяңўа̄ӷлютың аюқут.

От Матфея 6:2

Ынка̄м тӯникувык аклъюмалӷӣнун, пинӣюгныӷыстун пихпынаң. Қалӷиҳтаҳтыстикаюгӯт тӯнивагилгамың ысҳӣсқылъютың. Таўатын пӣқут, синагоганилъю, тумынилъю усюқысқылъютың. Ипа уңипа̄тамси акилыҳтӯсяңўа̄ӷлютың аюқут.

От Матфея 6:5

«Юӷаныҳпысини пинӣюгныӷыстун пихпынаси. Юӷаӷьюныҳтӯт ныкывӷаӷмың синагоганилъю, тумынилъю ысҳӣсқылъютың югнун. Ипа уңипа̄тамси акилыҳтӯсяңўа̄ӷлютың аюқут.

От Марка 4:12

Ынка̄м: “Ысҳа̄нъақақут, ысҳа̄нъақақут ысҳа̄тыхпынатың. Нагатақут, нагатақут лӣгикыхпынатың. Пика̄яқуйың қӣвнаяҳтут Кияӷныӷмун, ынка̄м сыӷывунъаяӷӣ”».

От Луки 13:24

«Сягиқлъюси итыӷнақитык кахпыста̄ҳаҳқун амихкун. Уңипа̄тамси, угля̄пихлъыӷӣт югыт итыӷнақуткулъықут, та̄ўаңинақ итыҳпагниңитут.

От Луки 22:32

Иўырңа юӷа̄ткума̄мкын Симон, ухпықилъҳын пыхтыфқа̄н писқылъюку. Ынка̄м ухпықынқихтыкувңа, икнақуҳсяӷьяҳқақатын малихся̄ҳтылгутыхпык ухпықилъҳитнын».

От Иоанна 1:51

Та̄хкын пикӣ: «Ипа уңипа̄тамси, ысҳаҳлъықаҳси қиляк қылъпылӷӣ, Кияӷныӷымлъю яқулги маюлӷӣт, укилӷӣт Иӷныӷакун Югым».

От Иоанна 3:3

Иисусым пика̄: «Ипа уңипа̄тамкын, китум алңунак ысҳаӷна̄нӷита̄ Атаныҳпагулъҳа Кияӷныӷым ўыткуқун алъхынқихтыкуми».

От Иоанна 3:5

Иисусым кӣмсиқа̄: «Ипа пӣмкын, кина алңунак итыӷна̄нӷитуқ Атаныҳпагулъҳанун Кияӷныӷым ўыткуқун алъхынқихтыкуми мыҳқунлъю, Таӷныӷагныкунлъю.

Деяния 14:22

Такӯӷақамыгни тама̄ни апыҳтуқӣт ухпықат ухпықилъҳит ўата икнақуҳтысқылъюки, кайымыхкӣклъю ухпылъҳит аӷулӣтысқылъюки. Пикӣк: «Угляпыста̄қ сыӷлылӣлъық атуқсяҳқапыста̄қаҳпут итыӷьяҳқа̄ҳналюта Атаныҳпагулъҳанун Кияӷныӷым».

Деяния 28:27

Та̄кут югыт таўатытут қаюҳлъяк умьюгӣт пиныҳлъю̄хтыка̄гут ынка̄м сигутытыңлъю, ийытыңлъю ся̄пыхкақӣт. Таўатынъыӷисяқумың ысҳа̄нъаяҳтут, нагақӯнъаяҳтут, лӣгикнаяҳтут, қӣвнаяҳтутлъю хўаңамнун на̄лъҳутысқылъютың”».

Деяния 3:19

Тама̄кын апалъюқлъюку авутыҳқылъюси, сыӷлыҳқынъаниӷлюси қӣвитык Кияӷныӷмун. Ухпықитыху Атанық ынка̄м сяңихлъықӣ сыӷлыҳқылъыси.

1е Коринфянам 14:20

Ухпықа̄лгутымни, сюмыҳтаӷаҳпынаси таӷнуҳаҳаӷыстун. Сюмыҳтаӷаӷақитык аңликастун, иўырңа сыӷлыҳқысюлъыҳси таӷнуҳаҳаӷыстун аюқуқ.

1е Петра 2:2

Алъхынҳаҳа̄т қӯнпың мамаӷьюгақут. Лъңистун қӯнпың мамаӷьюхтык пылюңилңуӷмың таӷныӷам мама̄ның. Аңтанӣтыслъықа̄ югулилъыҳси,

2е Петра 1:11

Ынка̄м Кияӷныӷым қуякусиқыҳлъяглюси итыҳтыслъықӣси кынлыңилңуӷмун Атаныҳпагулъҳанун Атанымталъю, Югулиӷистымталъю Иисус Христосым.