От Матфея 18:19 - Новый Завет на эскимосском языке

¹⁹ Иляңаныңлъю уңипа̄нъақамси, нунами хўани ма̄лӷугулютык итагнақутңукуфтык а̄пналютык сямың алңунак, Атама қилягмылңӯм апыӷӣҳлъықа̄ лъпытыгнун.

От Матфея 18:19 Iomraidhean Croise

От Матфея 21:22

Сямың алңунак а̄птыкуфси юӷакун ухпықилъылгукуфси алъхыӷусяҳқа̄гуси».

От Матфея 5:24

тунусян унилъюку илялӣӷьяҳтуӷнакын. Та̄хкын тагилютың тунусян тӯнакын Кияӷныӷмун.

От Матфея 7:7

«А̄птык, алъхыӷулъықуси; иваӷитык, на̄лъкулъықуси; тыңлюхтуҳтык амихкун, қылъпыӷулъықӣси.

От Марка 11:24

Ынка̄м уңипа̄тамси: сяңўа̄ алңунак аклъюкыхкаҳси юӷа̄ткыхкуфсигу ухпықлъюку алъхыҳсяҳқақаҳси, та̄ўа алъхыҳлъықаҳси.

От Иоанна 15:16

Лъпыси накмикумаңитаҳпысиңа, хўаңа накмикыхкақамси, қыпҳақалитамсилъю. Ынка̄м аӷуляқлъюси пӣтысқуҳтык, пӣтысқулъыҳси нагныӷасқысюўақа. Таўатын пикуфси Атам тӯнылъықӣси сямың алңунак а̄птыкуфси Атымкун.

От Иоанна 15:7

Хўаңамнитыкыстақуфси, акузитынка лъпысинитыстыкуфсики а̄плъыҳа̄си сямың алңунак пиюкыхкаҳпысиның ынка̄м алъхыӷулъықуси.

От Иоанна 16:23

Таўани аӷныӷми а̄пна̄нӷитаҳпысиңа сямың алңунак. Ипа уңипа̄тамси, Атама тӯнылъықӣси сямың алңунак а̄птыкуфси Атымкун.

Деяния 1:14

Та̄кут апостолыт, аӷнатлъю ухпықат, Мариялъю, Иисусым на̄ңа, Иисусым аңлыгутаңилъю қырңуӷулъютың ынңа̄талъ ипапиҳқылъютың юӷаӷақылӷӣт ата̄систун.

Деяния 12:5

Ынка̄м Петр анусимиңлъяӷвигмытыстыка̄. Иўырңа ухпықат юӷа̄ткыҳлъяка̄т Кияӷныӷмун.

Деяния 16:10

Лыган Павелым ысҳаӷўа̄лъҳан киңуңаның ята̄ҳқукут Македониямун пиналюта, қаюҳлъяк лӣгикыхкыфут Кияӷныӷым уңипақисюкаңилъю Пинилӷӣның Уңипаның тама̄ни.

Деяния 6:4

Таўатын пикумта хўаңкута апостолыни юӷа̄маңинаҳлъықукут, уңипақимаңинаҳлъықукут Кияӷныӷым уңипа̄мың».

К Филиппийцам 1:19

А̄а қуяңалъықуңа, қаюҳлъяк лӣсимакақа а̄ньяҳқа̄гуңа анусимиңлъяӷвигмың юӷа̄ткылъыҳпысигун, каюсилъҳакунлъю Иисус Христосым Таӷныӷа̄н.

1е Иоанна 3:22

А̄пнымталъю сямың алңунак алъхыӷутақукут лъңаның қаюҳлъяк қа̄ткақыхкыпут қылӷӯсӣ, атуқақыхкыпутлъю ыфқуӷналӷӣт лъңани.