14 Таўатыҳпигақ Атахпыси қилягмылңӯм пиюкылъқынӷита̄ налиҳӣнӣт ма̄кут мыкыстаҳа̄т ифлъясқылъюки».
Ипа пӣмси, на̄лъкыхкумигу қуякыҳлъягьяҳқақа̄ пакихулъюку 99ының аӷуляқумаңилңуӷның.
«Ухпықа̄лгутыхпык сыӷлытун пикаңатын, лъңина̄ҳалюку уңипа̄нъакын анахутылъҳаның. Нагаскумитын та̄ўа илялӣӷунъықихлъықутык.
Таўатыҳпигақ ниӷухси кӯкхутыстыху югнун ысҳӣсқылъюку аныӷныҳқилъыҳси, ынка̄м усюқнакаңат Атази қилягмылңуқ».
Язычнигыт тама̄на нулъқавӣгуткақа̄т. Атахпыси қилягмылңӯм лӣсимакӣ қамахлъюки аклъюкыхкаси.
Ынка̄м хўатын юӷаӷақитык: “Хўаңкута Атавут қилягмылңуқ памани, аглыӷналӷӣ а̄тҳын қӯлвалъыңли.
«Алиңыхпынаси пынъӣҳамни, қаюҳлъяк Атахпыси қуякусиқлъюку тӯньюгақа̄ лъпысинун Атаныҳпагулъық.
Лъңитнилъюңа афлъыңакыхкақанка аҳтуӷьяҳқа̄нӷилъҳакун атыҳпык, тагивақаҳтын хўаңамнун. Кылыңакыхкақанка, ынка̄м талўа ата̄сиқ ифлъялъҳитуқ, иўырңақун ата̄сиқ ю̄к ифлъяяҳқақ, Акузитыт Игақыхкат апыӷӣӷысқылъюки.
Та̄қсямың ныныӷмың Иисусым а̄птыка̄ Симон Петр: «Симон, иӷныӷа Иоанным, пиниқатаӷаҳсиңа̄ укуның?» Кӣмсиқа̄: «А̄а Атанық, лӣсимакаҳпыңа пиниқыхкымкын». Иисусым пика̄: «Ныҳқики пынъӣӷаӷа̄нка».
Ынка̄м икфиқусиқсюглюку аюқақа сяңўа̄ тамаҳа̄н Кияӷныӷым накмикыхкӣ югулилъыңысқылъюки Христос Иисусыкун. Югулилъыӷмыхтыхун ниӷуҳқылъыңылъықут кынлыңилңуӷмың.
Таклъяҳтики тӯмңи тутмалъыҳпык, та̄хкын кая̄лңуқ иӷун а̄нқаӷна̄нӷитуқ нафлъюминың, иўырңа на̄лъҳулъықуқ.
Атанық ыгна̄ңинъыӷитуқ акықусяни пияҳқа̄люку, иляңита югыт сюмыҳтаӷалъҳистун. Йыӷлыги ныкыхмытутақӣси қаюҳлъяк кина алңунак ифлъяюгунӷилъкаңа. Итупилъ тамаҳа̄н ю̄к агўитысқысюгўа̄ сыӷлыҳқылъҳитның.