От Матфея 18:10 - Новый Завет на эскимосском языке

¹⁰ Ўатаҳлъяк, укалиқыхпынаки налиҳӣнӣт укут мыкыстаҳа̄т. Уңипа̄тамси, қилягми яқулгита қӯнпың Атама қилягмылңӯм хина̄ ысҳаӷақа̄т.

От Матфея 18:10 Iomraidhean Croise

От Матфея 1:20

Сюмыҳтаӷа̄ткумалюку таўатын пилъыҳқани, Атанӷым яқулган алӣӷвиклъюку қаваңукун пика̄: «Иосиф, Давидым киңунӷа, алиңыхпынаң нулиҳқигу Мария қаюҳлъяк Аглыӷналӷӣм Таӷныӷам ақсяңыстыкақа̄.

От Матфея 12:20

Ӣкна̄нӷита̄ выга̄қ улъыӷңалӷӣ, қа̄мьяҳтӯңыстақак кынылӷутак қа̄мнъа̄нӷита̄к. Таўатын пияҳқа̄гуқ кынляңа қамахлъюни ю̄к хўатын пиюглюни лъӣқан, Кияӷныӷым нанқихтылъҳа югның авутаңитуқ.

От Матфея 18:14

Таўатыҳпигақ Атахпыси қилягмылңӯм пиюкылъқынӷита̄ налиҳӣнӣт ма̄кут мыкыстаҳа̄т ифлъясқылъюки».

От Матфея 18:6

Иўырңа китум алңунак сыӷлыҳқыстыкагу налӣт мыкыста̄ҳа̄т ухпықиңалӷӣт хўаңамның, итагнаӷнаяҳтуқ ю̄к қа̄мқаҳфиклъюку уяқўаҳкун уйӷахлъягмың калыфсяқумыхтыху ӯсқалъҳанун кылъӣм».

От Матфея 2:13

Иӷалықыта̄ӷның лӣткаҳлъягыт аӷуляқсята, қаваңукун Атанӷым яқулган алӣӷвиклъюку Иосиф пика̄: «Макылъютын таӷнуҳақлъю на̄ңалъю анагутикык Египетмун. Таўа̄нлъыҳатын утыӷнӣсқылъымнун кынляңа қаюҳлъяк Иродым иваҳтыснақа̄ таӷнуҳақ туқутысналюку».

От Матфея 2:19

Иосифылъю Египетымылъюки Ирод туқукақ, қаваңукун Атанӷым яқулган алӣӷвикыхка̄ Иосиф

От Матфея 24:31

Ынка̄м Иӷныӷан Югым қалӷиҳта̄н қалӷиҳтыстыҳлъякумигу каяхлъықӣ яқулыни навык алңунак қырңуҳтысқылъюки накмикыхкани нунатаҳа̄ның тамаҳа̄ның».

От Луки 1:19

Яқулгым пика̄: «Гавриилыңӯңа, ныкывӷалӷӣ Кияӷныӷым наю̄тңалъҳани. Лъпынун каяхта̄гуңа, уңипа̄сяҳтӯгамкын хўакын пинилӷӣмың уңипа̄мың.

От Луки 10:16

Малихся̄ҳтыни Иисусым пикӣ: «Китум алңунак нагаскумиси, нагалъықа̄тңа хўаңа. Китум алңунак иҳсякыхкумиси, иҳсякылъықа̄тңа хўаңа, ынка̄м китум алңунак иҳсякыхкумиңа, иҳсякылъықа̄т каяхтистыка».

От Луки 16:22

Тахталми аклъюмалӷӣ ю̄к туқукақ, ынка̄м яқулгыт агля̄тка̄т Авраамым ная̄нун. Аклъюңилңуқлъю ю̄к туқуян лъӣфқа̄т.

Деяния 10:3

Ата̄сими аӷныӷми пиңаюмикылъя̄гми ысҳаӷўа̄қақ. Хўатыҳлъюўа̄қ ысҳақа̄ Кияӷныӷым яқулга итылӷӣ, яқулгым туқлъюқа̄: «Корнилий!»

Деяния 12:15

Иўырңа пика̄т: «Тымңи пӣтын!» Иўырңа сягиқуткӣ ипаңунилюку. Та̄хкын пика̄т: «Яқулъкынӷитагухўа».

Деяния 12:23

Таўаниңинақ Атанӷым яқулган қинуюхтыстыҳлъяка̄ Ирод, қаюҳлъяк тугуклъиқаңа қӯлвалъық Кияӷныӷым пӣңа. Уңуваӷми киңухта̄ҳлъяглюни туқукақ.

Деяния 27:23

Унук Кияӷныӷым яқулган такукақа̄ңа. Та̄ната Кияӷнық манигуӷақыхкыхка, лъңан пика̄ңа.

Деяния 5:19

Иўырңа унугьян яқулган Атанӷым қылъпыҳтыкӣ анусимиңлъяӷвигым амиги. Ынка̄м а̄нулъюки апостолыт пикӣ:

К Римлянам 14:10

Лъпыси, сяңан нанқихтақыстыки ухпықа̄лгутыси? Сяңанлъю сӣвакигастыки ухпықа̄лгутыси? Нықамиклъюку, қамахлъюта ныкывьяҳқа̄гукут сивуңакун Кияӷныӷым, лъңанун нанқихтысқылъюта.

К Римлянам 14:21

Итагнаӷьяҳқа̄гуқ кымыкшахтунӷитылъық, винотунӷитылъық, сяңўа̄лъю алңунак на̄хтыстияҳқақ ухпықа̄лгутыхпысинун.

К Римлянам 15:1

Хўаңкута ухпықилъыҳтуқани каюсӣсяҳқақапут ухпықилъыҳқыста̄ҳа̄т сыӷлылӣнӷата. Ыфқуҳсяҳқа̄нӷитукут хўаңкунъың.

1е Коринфянам 11:22

Ныӷигастык, мыӷигастык ныныхпысини? Налиӷмың угумикыстыкӣ Кияӷныӷым юги? Кайңусяӷа̄тыснақуткақыстыкӣ аваңилңӯт? Сямың пилямси? Усюқлъямсӣ? Нака̄, усюқна̄нӷитамси!

1е Коринфянам 16:11

Қамахлъюси аситңина̄ҳпына̄н, ынка̄м қуяңа̄н каяхнакыси хўаңамнун. Утақа̄қақа малигулъюку ухпықа̄лгутнун.

1е Коринфянам 9:22

Кая̄лңуӷни кияҳнымни лъңистун лъӣӷақуңа, ухпықысқылъюку Христос. Ынка̄ңам кинкустун алңунак кияҳтақуңа натысяӷңа̄та, натын алңунак югулилъыңысқылъюки.

2е Коринфянам 10:1

Иляңита юхпыси пӣқа̄тңа тытухтаӷнилюңа лъпысининъымни, иўырңа тытугиганъӣқа̄тңа лъпысининъыӷинъымни. Хўаңа Павел, хўаңамның катам, Христосым қусывыгңалъҳакунлъю, пиниқылъҳакунлъю,

2е Коринфянам 10:10

Иляңита пӣқӣт Павелым посланияңи сыӷлыҳлъягунилюки аҳся̄ӷмикаӷңанилюки, нақам хўаңкунъинъыӷмини, аҳся̄н аюқақуқ, акузийӣтақуқлъю!

К Галатам 6:1

Ухпықа̄лгутымни, кина сыӷлыҳқылъҳым ка̄тфалъюхтыкагу, лъпыси кияҳлъыҳӣни Таӷныӷагныкун, пинитуңўа̄қ якуқлъюку каюсӣтыху малигунъықихтысқылъюку Атаныӷмун. Лъпысилъю, кылыңаңўа̄ӷлюси лю̄рақ нанӷӣқулъыңнаюкафси.

1е Фессалоникийцам 4:8

Ынка̄ңам китум алңунак қа̄ткынӷилъкумики тама̄кут апыҳтӯсят, Кияӷныӷӯқ қа̄ткынӷилъкаңа нака̄н ю̄к. Кияӷныӷӯқ тӯнистызи Аглыӷналӷӣгның Таӷныӷагның.

1е Тимофею 4:12

Китумун алңунак паляқыстыхпына̄н аңлинҳа̄малъҳын. Иўырңа ухпықанун успута̄ўи акузилъыҳпыгун, сялъыҳпыгун, пиниқылъыҳпыгун, ухпықилъыҳпыгун, пылюңилъютын кияҳтылъыҳпыгун.

К Евреям 1:14

Сяңа̄ўанңам яқулгыт? Қамахлъютың таӷныӷа̄гут қыпҳа̄тилӷӣт Кияӷныӷмың, каяхтақӣлъю каюсӣтысқылъюки тама̄кут югулилъыңьяҳқат.

К Евреям 9:24

Христос ӣтҳумаңитуқ Аглыӷналъыҳпигаӷмун Нымун югыт улима̄ӷитнун. Та̄на ипапихтун қилягмылңуҳтун аюқуқ. Йыӷлыги қилягмун ӣтқа̄гуқ ынка̄м ма̄тын Кияӷныӷмытуқ Первосвященнигаңулюни хўаңкунъун.

Откровение 8:2

Та̄хкын ысҳаӷанка та̄кут ма̄ӷраӷвинлык яқулгыт ныкывӷалӷӣт Кияӷныӷым сивуңакун. Тамаҳаӷмың қалӷиҳта̄тыңӯтут.