От Матфея 17:20 - Новый Завет на эскимосском языке

²⁰ Иисусым кӣмсиқӣ: «Қаюҳлъяк ухпықилъыҳқыста̄ҳа̄лӷӣси. Ипа уңипа̄тамси, ухпықилъылгуяқуфси горчицам пӣтутысқуҳан аңталңатун, уна на̄йӷақ пикуфсигу: “Иңавык нӯхтын!” нӯхнаяҳтуқ. Ынка̄м сяңўа̄ алңунак аҳтуӷнаянӷитаҳси!»

От Матфея 17:20 Iomraidhean Croise

От Матфея 13:31

Алъямың Иисусым а̄пқа̄ уңипаӷа̄н: «Атаныҳпагулъҳа Қилягым пӣтутңатун горчицам аюқуқ. Пӣтутым мыкыста̄лъыҳпигақа̄, иўырңа югым пӣтысиӷаныӷминигу пӣтысиӷаӷвигмикун нунивахсыӷаӷьяхаӷның а̄ңылъыҳпига̄каюгӯқ. Уқфигуҳныӷани қаўа̄гыт тагилютың авая̄кун уңлюсӣқут».

От Матфея 14:29

Иисусым пика̄: «Таги». Ынка̄м Петр атыӷлюни аңьямың, мыӷым қа̄йңакун пиюгмың агляқақ Иисусымун.

От Матфея 17:17

Иисусым пикӣ: «Лъпыси югни, ухпықилъҳитусилъю, сыӷлыӷўа̄ӷӯсилъю! Натын тахка̄н лъпысининъақсиңа ухпықысқылъюңа? Мыкылӷӣқ хўавык тагитыху!»

От Матфея 17:19

Та̄хкын Иисус лъңина̄ҳсян малихся̄ҳтыңита такулюку а̄птыка̄т: «Сяңан хўаңкута а̄нысныӷмың аҳтуӷыстыху туӷныӷақ?»

От Матфея 17:9

Укигуткылъюку на̄йӷамың Иисусым иныҳтыңъўа̄қӣ: «Китумун алңунак апыӷьяқуна̄н ысҳаӷўа̄лъық пинакыси кынляңа Иӷныӷа Югым уңуваҳтыкан туқулъыӷмың».

От Матфея 21:21

Иисусым кӣмсиқӣ: «Ипа пӣмси, малӷуклъилъңуна̄н ухпықилъылгукуфси, хўаңамтун пилъықуси, ысҳапалъыҳпысистун смоквам уқфига. Таўатыңинақ пина̄нӷитуси талўа уна на̄йӷақ каяхтыкуфсигу: “Ӣклъютын лъпынун мыӷмун милю̄тын”, лыган пилъықуқ.

От Матфея 8:26

Иисусым пикӣ: «Сяңафси алиңыстык? Ухпықилъыҳқыста̄пигӯси!» Та̄хкын ныкывлюни иныҳтыкакык ануқалъю, имаҳлъюгытлъю ынка̄м амсянаҳлъюгуҳтыкақ.

От Марка 11:22

Иисусым пикӣ: «Ухпықитыху Кияӷнық.

От Марка 11:23

Ипа уңипа̄тамси, китум алңунак малӷуклъилъңунани илюмикун, ухпықыхкумикилъю акузитни пияҳқа̄таңи, уна на̄йӷақ хўатын пикумигу: “Кылъӣнун а̄тҳи”, та̄ўа апыӷӣӷьяҳқа̄гуқ лъңанун.

От Марка 4:31

Атаныҳпагулъҳа Кияӷныӷым горчицам пӣтутңатун аюқуқ. Мыкыста̄лъыҳпига̄гуқ пӣтутның нунами хўани иўырңа югым пӣтысиӷаныӷминигу,

От Марка 9:23

Иисусым пика̄: «Сяңавык таўатын пизин: “Пияҳқа̄кувык”? Кияӷныӷым сяңўа̄ алңунак пияҳқақа̄ югмун ухпылӷӣмун».

От Луки 1:37

қаюҳлъяк Кияӷныӷми сяңўа̄ қамахлъюни пияқнӣтуқ».

От Луки 17:6

Атанӷым пикӣ: «Ухпықилъылгуяқуфси горчицам пӣтутаңатун аңкалӷӣмың, уна смоковница уқфик хўатын пикуфсигу: “Акуҳтӯмаҳпык ӣклъютын, пӣсяҳта̄ кылъӣкун”, қа̄ткынъаяӷӣси».

От Луки 18:27

Иисусым кӣмсиқӣ: «Югыт пияҳқақынӷилъкаңит, Кияӷныӷым пияҳқақӣ».

От Иоанна 11:40

Иисусым пика̄: «Уңипа̄ткақамкын ухпыӷьяқувык ысҳаҳлъықан Кияӷныӷым аҳтуӷьяҳқа̄нӷилъҳа».

1е Коринфянам 12:9

Та̄м ата̄сим Таӷныӷам ухпықилъылитаӷақақӣ иляңи югыт, иляңи аҳтуӷьяҳқа̄нӷилъылитақӣ на̄лъҳутияҳқа̄люки ақниӷныӷның.

1е Коринфянам 13:2

Ӯкналиқыхкаюгуӷңа̄ӷма, лӣгикыхкаюгуӷңа̄мки алӣнъыӷилңӯт қамахлъюки, лӣсималъық қамахтыкақсяӷңа̄мкун, ухпықилъылгуӷңа̄ӷма на̄йӷанун нӯхтисиҳқамың, пикатңуна̄нӷитуңа пиниқинӷилъкума.

К Евреям 3:19

Та̄ўа лӣгикаҳпут итыҳпагниңитка̄гут таўавык мыӷна̄ливигмун қаюҳлъяк ухпықынӷилъкаңат.