От Матфея 17:18 - Новый Завет на эскимосском языке

¹⁸ Иисусым аӷью̄қа̄ туӷныӷақ, та̄хкын а̄ныхкақ мыкылӷӣӷмың ынка̄м таўаниңинақ на̄лъҳуткақ мыкылӷӣқ.

От Матфея 17:18 Iomraidhean Croise

От Матфея 12:22

Та̄хкын Иисусымун тагитка̄т ю̄к ая̄кақ, акузиңигалңуқ қаюҳлъяк илюмикун туӷныӷалык. Иисусым на̄лъҳутка̄ ынка̄м акузиягуткақлъю ысҳа̄сягуткақлъю.

От Матфея 15:28

Та̄хкын Иисусым пика̄: «Аӷнақ лъпык, ухпықилъыҳтупихтутын! Апыӷӣӷли пиюкылъыҳпытун». Таўаниңинақ панига на̄лъҳуткақ.

От Матфея 17:17

Иисусым пикӣ: «Лъпыси югни, ухпықилъҳитусилъю, сыӷлыӷўа̄ӷӯсилъю! Натын тахка̄н лъпысининъақсиңа ухпықысқылъюңа? Мыкылӷӣқ хўавык тагитыху!»

От Матфея 17:19

Та̄хкын Иисус лъңина̄ҳсян малихся̄ҳтыңита такулюку а̄птыка̄т: «Сяңан хўаңкута а̄нысныӷмың аҳтуӷыстыху туӷныӷақ?»

От Матфея 9:22

Иисусым қӣвуткылъюку ысҳаӷлюку аӷнақ пика̄: «Панимни алиңыхпынаң! Ухпықилъыҳпыгун на̄лъҳутутын». Ага аӷнақ на̄лъҳуткақ.

От Марка 1:34

Ынка̄м Иисусым углялӷӣт на̄лъҳуқуқӣ алъя̄ҳӣнаӷның ақниӷныӷитның, а̄нысқуқӣлъю туӷныӷа̄т юлӷутыт илюңитның. Туӷныӷа̄т сямың писимаңилъкаңи, қаюҳлъяк кинаңутаңа лӣсимакыхкаңат.

От Луки 4:41

Туӷныӷа̄тлъю а̄нлыӷа̄ткат югның акилӷӯмаӷмың: «Лъпык Кияӷныӷым Иӷнықа̄тын!» Иўырңа аӷью̄қӣ, акузиснаниқӣлъю қаюҳлъяк лӣсимакыхкаңат лъңа Христосыңулӷӣ.

От Луки 9:42

Тагималюку туӷныӷа̄м улъыҳлъюку сяюхпахтаҳтыстыка̄. Иўырңа Иисусым қылъқа̄ туӷныӷақ а̄нысқылъюку, ынка̄м на̄лъҳулъюку мыкылӷӣқ атаңанун тӯныхка̄.

Деяния 16:18

Қафсиныхлъяк аӷнық таўатын пӣқ. Қынўатлъю Павелым қинуягулъюку туӷныӷақ илюңанилңуқ қӣвлюку пика̄: «А̄тҳакун Иисус Христосым қылӷамкын а̄нысқылъютын лъңаның!» Таўаниңинақ туӷныӷақ илюңаның а̄ныхкақ.