От Матфея 16:27 - Новый Завет на эскимосском языке

²⁷ А̄пҳанка тама̄кут лъпысинун қаюҳлъяк Иӷныӷа Югым тагияҳқа̄гуқ Атаминың аҳтуӷьяҳқа̄нӷилъылиӷлюни яқулыхтӯмаӷми. Та̄хкын тамаҳа̄ ю̄к налъяңиҳтуҳлъықа̄ апыӷӣӷутылъҳатун.

От Матфея 16:27 Iomraidhean Croise

От Матфея 13:41

Иӷныӷа Югым яқулыгминың каяхтияҳқа̄гуқ иқитысқылъюки Атаныҳпагулъыӷминың қамахлъюки сыӷлыҳқуситлъю, сыӷлытунлъю пистыт.

От Матфея 13:49

Таўатысяҳқа̄гуқ кынлытҳӯтылъҳани нунам. Яқулгыт тагилютың авуҳлъықӣт сыӷлыӷыт югыт пинилӷӣның.

От Матфея 24:30

Та̄хкын қилягакун сяңўа̄ алъхыҳлъықуқ лӣсимакусиҳқақ Иӷныӷаның Югым. Та̄хкын қамахтыңъўа̄ӷлютың нунам рамкыңи қивӷум қия̄ӷӯтыҳлъяхлъықут. Ысҳаҳлъықа̄т Иӷныӷа Югым тагилӷӣ қилягўа̄ҳтыхун, аҳтуӷьяҳқа̄нӷилъыҳтӯмаӷмилъю, ниӷуҳқылъылиҳлъяглюнилъю.

От Матфея 25:31

«Иӷныӷа Югым тагикуми ниӷуҳқылъыӷмикун, яқулыхтӯмаҳлъягми, та̄хкын ақумылъықуқ ниӷуҳқыңъалӷӣгныкун ақумутагмикун.

От Матфея 26:64

Иисусым кӣмсиқа̄: «Лъпык пилъыҳпытун аюқуқ. Иўырңа уңипа̄тамси, ӯм киңуңаның ысҳаҳлъықаҳси Иӷныӷа Югым ақумлюни аӷынқигныӷакун Аҳтуӷьяҳқа̄нӷилңӯм, ысҳаҳлъықаҳсилъю тагилӷӣ қиляўа̄ӷитхун қилягам».

От Матфея 8:20

Иисусым пика̄: «Кавӣӷыт рӣхтылгӯт, қаўа̄гыт уңлютылгӯт, иўырңа Иӷныӷа Югым иңаҳфигитақуқ».

От Марка 14:62

Иисусым кӣмсиқа̄: «Та̄наңӯңа. Ысҳаҳлъықаҳси Иӷныӷа Югым ақумгалӷӣ аӷынқигныӷакун Аҳтуӷьяҳқа̄нӷилъылгым. Ысҳаҳлъықаҳсилъю тагилӷӣ қилягым қиляўа̄ӷитхун!»

От Марка 8:38

Ма̄тын аӷныӷым юги ата̄сӣӷмынъыӷитут Кияӷныӷмун, сыӷлыҳқумаңӯтлъю. Ма̄ни аӷныӷни китум алңунак кайңуягускаңаңа, апыҳтӯсянкалъю, хўаңалъю Иӷныӷани Югым кайңуягулъықақа тагикума аҳтуӷьяҳқа̄нӷилъылиӷлюңа Атамның кылъқылъюки аглыӷналӷӣт яқулгыт».

От Луки 21:27

Та̄хкын ысҳаҳлъықа̄т Иӷныӷа Югым тагилӷӣ қилягўа̄ҳқун аҳтуӷьяҳқа̄нӷилъылиӷлюнилъю, ниӷуҳқылъылиҳлъяглюнилъю.

От Луки 22:69

Иўырңа қантаӷақун Иӷныӷа Югым ақумылъықуқ аӷынқигныӷакун Аҳтуӷьяҳқа̄нӷитыҳлъягым Кияӷныӷым».

От Луки 9:26

Китум алңунак кайңукыхкаңаңа, акузитынкалъю, Иӷныӷан Югым кайңукылъықа̄ тагикуми ниӷуҳқылъыӷмикун, ниӷуҳқыңъалъҳитхунлъю Атам, аглыӷналӷӣтлъю яқулгыт.

От Иоанна 21:22

Иисусым кӣмсиқа̄: «Кияҳтысюкумкун кынляңа тагилъымнун, агӷиткысяҳқақынӷитан лъпык. Малихтыңъинаӷңа».

От Иоанна 21:23

Ынка̄м ухпықани уңипақ миңиткақ, та̄на малихся̄ҳта туқуна̄нӷинъилюку. Иўырңа Иисусым пимаңита̄ туқуна̄нӷинъилюку. Хўатын пика̄гуқ: «Кияҳтысюкумкун кынляңа тагилъымнун, агӷиткысяҳқақынӷитан лъпык».

Деяния 1:11

Пикӣт: «Югитни Галилеям, сяңафси қӯлмун ысҳапахтӯтақыстык? Та̄гна Иисус Кияӷныӷым маюҳтыстыкаңа укигьяҳқа̄гуқ ысҳапалъыҳпысистуңўа̄қ маюлъҳатун қилягмун».

К Римлянам 14:12

Ынка̄м қамахлъюта Кияӷныӷмун апыӷьяҳқақаҳпут сялъыҳпут, сяңанлъю таўатын пиматфут.

К Римлянам 2:6

Нанқихлъықӣ тамаҳӣта югыт апыӷӣӷутылъҳистун.

1е Коринфянам 15:23

Қамахлъютың туқуляӷа̄ткат пилъыҳқатың ка̄нъыӷата уңуваӷақна̄ҳтут: Христос сивулиҳпига̄люни уңувақа̄гуқ. Та̄хкын тагинқихтыкан тама̄кут лъңан пиңи уңуваӷьяҳқа̄гут.

1е Коринфянам 3:13

Сяңўа̄ атуқыхкаҳпут ысҳаӷьяҳқақаҳпут ата̄сикаҳта̄мта қамахтыңъўа̄ӷлюта аӷныӷми таўани Христосым нанқихтилъыҳқа̄ни. Кынӷым ысҳаҳтысяҳқақа̄ қыпҳақаҳпут натытуляңа.

1е Коринфянам 8:8

Иўырңа нықа пикатңунӷитуқ. Кияӷныӷым усюқатаӷаӷна̄нӷитӣси ныӷылъыҳпысигун нықмың. Аҳқуткыхкамың ныӷынӷилъкумта сяңўа̄ алңунак ифлъяна̄нӷитаҳпут Кияӷныӷмың аюқылӷӣ. Талўа ныӷыӷңа̄мта алъхыӷунъанӷитукут лъңаның.

2е Коринфянам 5:10

Қамахлъюта ныкывыпыста̄ӷьяҳқа̄гукут Христосым сивуңакун нанқихтысқылъюта. Ата̄сикаҳта̄мта алъхыӷулъықукут пинилӷӣмың налиӷмың сыӷлыӷмың апыӷӣӷутылъымтыстун югусимтыхун.

К Ефесянам 6:8

Нықамиклъюку Атанӷым акилыҳтуӷьяҳқақӣ югыт қамахлъюки, пинитун пилъҳитнун. Атанық таўатын пилъықуқ қыпҳаҳтыля̄ӷнунлъю, қыпҳаҳтыля̄ӷунӷилңуӷнунлъю.

К Колоссянам 3:25

Иўырңа кина алңунак сыӷлытун писта налъяңиӷьяҳқа̄гуқ сыӷлытун пилъҳанун қаюҳлъяк Кияӷныӷым нанқихсяҳқақа̄ тамаҳа̄н ю̄к таўатыҳлъюўа̄қ.

1е Фессалоникийцам 1:10

Утақа̄қаҳсилъюңуқ Кияӷныӷым Иӷныӷа, Иисус, тагияҳқақ қилягмың. Лъңаңӯқ Кияӷныӷым уңуваҳтыка̄ туқулъыӷмың, югулӣқа̄қалъю Кияӷныӷым сякша̄лъҳаның ка̄сяҳқамың.

1е Фессалоникийцам 4:16

Атанық лъңа катам қилягмың укихлъықуқ, югыт нагақуҳлъықа̄т игляхтуқақ қылылъық, мыңа архангелым, қалӷиҳта̄таңалъю Кияӷныӷым. Тама̄кут ухпықилютың Христосымың туқуляӷа̄ткат уңуваӷьюха̄ҳлъықут.

От Иакова 5:7

Ухпықа̄лгутымни, қыляныҳпынаси кынляңа Атанӷым тагинқихтылъыҳқа̄нун. Пӣтысиӷаҳта успутақитыху. Нунами пӣтысиӷаӷлюни қыляныӷьюкаҳпынани утақӣгақуқ укся̄ӷымлъю, упынӷа̄млъю ыслъялъюўаның нагустикаюгмың пӣсяҳқаның.

1е Петра 1:17

Юӷаныҳпысини Кияӷныӷмун Атакнӣқаҳси. Нанқихтақа̄ атуныңўа̄қ ю̄к тамаҳа̄н сялъыҳтулңатун. Ынка̄м талъюқитыху нуната̄малюси нунами хўани.

1е Иоанна 2:28

Таӷнуҳамни, Христосымытыкыстаҳтык ынка̄м ука алӣқан илютуяҳқа̄люта, ӣӷнақыфқа̄мта кайңуюгым лъңаның пилӷа̄кут таўани Аӷныӷми тагилъҳани.

От Иуды 1:14

Енохыңуқ ма̄ӷраӷвинлӣткыхкаңат киңунӷита Адамым, лъңан ӯкналиқуткыхкақӣ тама̄кут югыт. Хўатын пика̄гуқ: «Ысҳаҳтык, Атанық тагияҳқа̄гуқ аглыӷналӷӣт яқулылӷутыҳлъяни кылъқылъюки,

Откровение 1:7

Ӣи! Иисус тагӣқуқ қилягўа̄хтыхун. Тамаҳаӷми югым ысҳаҳлъықа̄т, талўа тама̄кут панасқылъюку пика̄т ысҳаҳлъықа̄т. Қамахлъютың нунам рамкыңи қия̄ӷӯтыҳлъяхлъықут апалъюқлъюку лъңа. А̄а, тама̄кут пияҳқа̄гут! Аминь.

Откровение 2:23

Туқулъықанкалъю авақутӣ. Ынка̄м қамахлъютың ухпықат юӷаӷвигнилңӯт лӣлъықа̄тңа хўаңаңӯқ лӣсимакилӷӣ югым тамаӷаҳми сюмыҳтаӷалъҳитныңлъю, илюмикыхкӣтныңлъю. Аӷью̄ӷьяҳқақамси тамаӷаҳпыси сыӷлыҳқытулыхпысистун.

Откровение 20:12

Ысҳаӷанкалъю туқуляӷа̄ткат, укалӣўақлъютыңлъю, а̄ңўа̄ӷўа̄қлъютыңлъю аюқылӷӣт. Ныкывӷатңуфтут сивуңани умӣлгусим ақумутаҳлъягым. Та̄хкын игат қылъпыҳтӣт, Игӣ Уңувалъҳым, игақуӷвикыхкат а̄тҳитның тама̄кут уңуваяҳқат қӯнпырухлъяк. Иляңилъю игалӷутыт қылъпыҳтӣт игақуӷвикыхкат туқукат кияҳта̄лъҳитның аюқылӷӣт. Кияӷныӷым нанқихтӣ атуқлъюки игақуқат игатхун.