От Матфея 16:20 - Новый Завет на эскимосском языке

²⁰ Та̄хкын Иисус малихся̄ҳтыминун апыҳтыснаниӷўа̄қақ китумун алңунак Христосыңунилюни.

От Матфея 16:20 Iomraidhean Croise

От Матфея 1:16

Иаков атака̄ Иосифым. Иосиф угӣка̄ Мариям. Мария на̄ка̄ Иисусым. Иисус Мессияңӯқ.

От Матфея 16:16

Симон Петырым кӣмсиқа̄: «Христосыңӯтын, Иӷныӷа уңувалӷӣм Кияӷныӷым».

От Матфея 17:9

Укигуткылъюку на̄йӷамың Иисусым иныҳтыңъўа̄қӣ: «Китумун алңунак апыӷьяқуна̄н ысҳаӷўа̄лъық пинакыси кынляңа Иӷныӷа Югым уңуваҳтыкан туқулъыӷмың».

От Матфея 8:4

Та̄хкын Иисусым пика̄: «Ўатаҳлъяк кина алңунак уңипа̄тыхпына̄н на̄лъҳутылъыҳпының, йыӷлыги агля̄ священнигмун ысҳаӷлигу на̄лъҳутылъҳын. Та̄хкын аҳқыша̄ҳа̄тын Моисейем Лӣлиҳтӯся̄н писқылъҳатун ипапиҳқысқылъюку на̄лъҳутылъҳын».

От Марка 8:30

Та̄хкын Иисусым иныҳтыңъўа̄қӣ: «Китумун алңунак апыҳпынаңа».

От Марка 9:9

Укигуткылъюку на̄йӷамың Иисусым уңипақыснаниӷўа̄қа̄ ысҳа̄тылъҳат кынляңа Иӷныӷа Югым туқулъыӷмың уңуваҳтыкан.

От Луки 2:11

Аӷныӷми хўани лъпысинун алъхыӷақуқ Югулиӷиста, ныҳлъягани Давидым, Христосыңӯқ Атанық.

От Луки 9:21

Иўырңа Иисусым иныҳтыңъўа̄қӣ уңипа̄тыфқа̄н кина алңунак писқылъюку.

От Луки 9:36

Ма ныпӣӷьялӷӣми Иисус лъңина̄фтуқ. Малихся̄ҳтыт сямың пимаңилңӯт, ысҳақаҳтыңлъю а̄пҳумаңилъкаңат китумун алңунак.

От Иоанна 1:41

Таўаниңинақ Андрей аңлыгутминун Симонымун агляӷлюни пика̄: «На̄лъкума̄ҳпут Мессия». («Мессия» хўатын писӣгуқ: «Христос».)

От Иоанна 1:45

Та̄хкын Филиппым иваӷьяҳтуӷлюку Нафанаил уңипа̄тка̄: «Налъя̄ма̄ҳпут ю̄к Моисейем игақыхка̄ игӣтхун Лӣлиҳтӯсят, ӯкналиқистытлъю игақыхкақа̄т игамыхтыхун. Иисусыңӯқ Назаретыӷмӣ, иӷныӷа Иосифым».

От Иоанна 11:27

Марфам кӣмсиқа̄: «А̄а Атанық, ухпықамкын Христосыңӯтын, Иӷныӷа Кияӷныӷым. Лъпыңӯқ тагияҳқа̄ника̄т нунамун».

От Иоанна 20:31

Иўырңа укут игақңалӷӣт игақыхка̄гут лъпысинун ухпықысқылъюку Иисус, Христосыңутаңа, Иӷныӷа Кияӷныӷым. Ухпықылъыҳпысигун уңувалъыңылъықуси А̄тҳакун.

Деяния 2:36

Уңипа̄таҳлъямси қамахлъюси Израилыӷмӣни, Кияӷныӷым ипапыста̄қ накмикыхкақа̄ Иисус Атанӷулюкулъю, Христосыңулюкулъю. Та̄наңӯқ Иисус қақӯрақаҳси!»

1е Иоанна 2:22

Кина иқлъыңиқыстыңўа̄? Иқлъыңиқыстыңӯқ хўатын пилӷӣ: «Иисус, Христосыңунӷитуқ». Та̄наңӯқ аңуякилӷӣ Христосымың қаюҳлъяк иҳсякыхкык Атаңалъю, Иӷныӷалъю.

1е Иоанна 5:1

Китум алңунак ухпықңукумигу Иисус, Христосыңутаңа, авақутақа̄ Кияӷныӷым, китум алңунак пиниқыхкумигу Ата пиниқсяҳқақӣ авақутӣ.