От Матфея 16:18 - Новый Завет на эскимосском языке

¹⁸ Ынка̄м пӣмкын, Петырыңӯтын, Уйӷак. Хўагун уйӷахкун ныкыфлъықақа юӷаӷвика, туқулъҳым аҳтуӷьяҳқа̄нӷилъҳан кая̄лъқысяҳқақынӷитңхўа̄ӷа̄.

От Матфея 16:18 Iomraidhean Croise

От Матфея 10:2

Укуңӯт қуля ма̄лӷук сӣпнықлъюку апостолыт: сивулиқ, Симон (алъя атылык Петырымың), Андрей (аңлыгутаңа), Иаков Иоанн (Зеведейем иӷныӷык),

От Матфея 11:23

Ынка̄м лъпыси, Капернаумыӷмӣни! Қайўа аңлистыҳлъягьяӷңа̄ҳпыси лъпысиның катам рыпалъ сюмыҳпысини усюқылъыңылъықнилъюси қилягми, йыӷлыги укихлъықӣси геенамун. Алъя̄ҳлъюхўаҳтилъыҳлъягыт пика̄яқата Содомыми, паниның аӷныӷми хўани ныкывӷанаяҳтуқ!

От Матфея 18:17

Иўырңа нагасюнӷилъкаки апыӷнакыси юӷаӷвигым югитнун. Нагасюнӷилъкаки талўа юӷаӷвигым юги, кияӷунъакыси язычнигыңулӷӣстун, налогымыңлъю қырңуҳтистыңулӷӣстун.

От Матфея 4:18

Иисусым иглыӷуткылъюку ысныңани На̄йвам Галилеям, ысҳақакык аңлыгуткулъҳӣк, Симонынкуңуфтук (а̄тҳан а̄лъҳа Петр), Андрейемлъю. Иқалъинӣлӷӣк ныгаҳпахтын милю̄тақлъюку на̄йвамун.

От Матфея 7:24

«Кина алңунак нагалъҳӣ апыҳтуӷилъымнун, қа̄ткыхкумики пыҳқинылӷӣтун юхтун аюқуқ мыңтыӷаңлъяқақ уйӷагым қа̄йңакун.

От Иоанна 1:42

Та̄хкын Симон агля̄тка̄ Иисусымун. Иисусым ысҳаӷлюку пика̄: «Лъпык Симоныңӯтын иӷныӷа Иоанным. А̄тҳын Кифаңулъықуқ, хўатын писиқ, Петр».

Деяния 2:47

Китумун алңунак пиниқниҳлъягыт, усюқумаңинаӷақыхкаңатлъю Кияӷнық. Аҳутаңа тамаҳа̄н Атанӷым югулиңукаңи югыт, ынка̄м ухпықат нулямаңинақат.

Деяния 20:28

Кияӷныӷым юги пынъӣӷыстун аюқут, ынка̄м Аглыӷналӷӣм Таӷныӷам лъпысинун афлъыңакысқӣ катам таўатын пынъӣӷнӣҳтым афлъыңакылъҳатун пынъӣни. Ынка̄м кылыңаңўа̄ӷлюси, Кияӷныӷымлъю юги кылыңакңўа̄ӷлюки. Афлъыңакитыки қаюҳлъяк Кияӷныӷым тукфиқақӣ лъми катам а̄ўмикун.

Деяния 8:1

Савлам итагнақыхка̄ Стефаным туқутылъҳа. Югыт пиниқиңалӷӣт Кияӷныӷмың лъӣфқа̄т Стефан қиякыҳлъягума̄н. Та̄хкын аӷныӷмың кынляңа амью̄ткыҳлъягьягуткӣт ухпықат Иерусалимымылңӯт. Савлам ынңа̄талъ амью̄ткыхкӣ ухпықат на̄ңысқылъюки. Ӣтҳақлъюни ныңитнун қамуҳсӣӷмың а̄нуқуқӣ аӷнатлъю, югытлъю анусимиңлъяҳтысқуӷналюки. Қамахтыңъўа̄ӷлютың ухпықат, пылъыӷмун қимагӯткат нунанун Иудеямылңуӷнунлъю, Самариямылңуӷнунлъю, апостолыңинаҳа̄т қимагумаңилңӯт.

1е Коринфянам 15:55

«Туқу, кая̄лъқӣлъҳын на̄гу? Туқу, аҳтуӷьяҳқа̄нӷилъҳын ақниҳқӯсин хўаңкунъун на̄гу?»

К Галатам 2:9

Ынка̄м та̄кут иглыӷутистыт Иаковым, Петырым, Иоанным ныкывӷатилӷӣт ухпықанун, лӣгика̄т Кияӷныӷмун тунусялисиманилюңа таўатын қыпҳӣсқылъюңа язычнигнун. Тама̄кын апалъюқлъюку Варнавалъю ӣхыпут аӷулятӣт тугуклъиӷнилюку қыпҳа̄ңулъыҳпут язычнигнун, лъңит Иудеянун.

К Ефесянам 3:10

Та̄хкын қилягнилңӯт: иглыӷутилӷӣтлъю, аҳтуӷьяҳқа̄нӷилъылгытлъю, Кияӷныӷым лӣтыслъықӣ алъя̄ҳӣнаӷмың пыҳқинылъыӷминың. Таўатын пилъықуқ югмикун юӷаӷвигнилңуҳтыхун.

К Ефесянам 5:32

Та̄м Акузитым Игақыхкам қайвиҳта̄ мыгнунапихлъыҳӣ ипапилъық: Христосылъю, ухпықатлъю ата̄сӣгут.

К Колоссянам 1:18

Лъңа на̄сқӯгуқ ухпықанун юӷаӷвигмылңуӷнун, лъңан югусиқӣ. Лъңан югусиқ уңуваңустыңъўа̄. Лъңаңӯқ уңуваӷьюхўа̄қақ туқулъыӷмың, ынка̄м қулиҳпига̄гуқ сямун тамаҳа̄нун.

1е Тимофею 3:15

Ынка̄м кима̄ўимакума посланияма лӣсимакыслъықа̄тын натын ухпықат кияҳсяҳқа̄таңи Кияӷныӷым ныңлъюгутаңанилңӯт. Лъңитңут ухпықистыңи уңувалӷӣм Кияӷныӷым, аӷвыӷақыта̄гут, тумыңутлъю ипапилъыӷмун.

1е Тимофею 3:5

Иглыӷутиста иглыӷутилъхискуми лъми катам ныңлъюгутминың, натынңам афлъыңакылъықаки ухпықистыңи Кияӷныӷым?

К Евреям 12:28

Тама̄кын апалъюқлъюку игамсиқаюгвикылътыху Кияӷнық қаюҳлъяк тӯныхкаңилъю атаныҳпагулъыӷмың уфсюгусяҳқа̄нӷилңуӷмың. Ынка̄ңам манигӯлътыху Кияӷнық ыфқуӷналъкыхка̄тун алиңылъылиӷлюталъю, қӯлваӷилъылиӷлюталъю,

Откровение 11:15

Та̄хкын ма̄ӷраӷвинлӣтаңита яқулгым қалӷиҳта̄тни қалӷиҳта̄. Игляхтупихлъютың мыт қилягми пӣт: «Атаныҳпагулъҳа нунам атаныҳпагулъқа̄ҳта̄к Атанымталъю, Христосыңанлъю, ынка̄м Лъңа иглыӷутилъықуқ қӯнпырухлъяк кынлыңуна̄н!»

Откровение 21:14

Ныҳлъягым миңлъютаңа тунымиқа̄фтуқ қуля ма̄лӷук сӣпнықлъюку уйӷагның. Ата̄сикаҳтаӷмың уйӷагыт игақфикңафтут атыӷмың қуля ма̄лӷук сӣпнықлъюку апостолаңаның Пынъӣӷаҳа̄м.