23 Юлӷутыҳлъягыт агляҳтӯтысямики лъңинаӷми на̄йӷамун маюқақ юӷаӷналюни. Таўани иӷивгаӷми Иисус лъңина̄малюку,
Та̄хкын Иисусылъю малихся̄ҳтыкулъҳӣт ка̄ткат таўавык атилъқылӷӣмың Гефсиманиямың. Пикӣ: «Ақумӯтык та̄хун, иңавык юӷаӷьяҳтӯмалюңа».
Иўырңа юӷаӷнақныҳпыни, итыӷлютың ныхпынун ӯмгулъютын юӷаӷақи Атахпынун алӣнъыӷилгуӷмун. Атахпык лӣсимака̄ аксяқлъюку сялъҳын ынка̄м акилыҳтуҳлъықа̄тын.
Сялин аҳсюгнӣтыҳлъяглюку, Иисус макылъюни а̄ныхкақ юӷаӷналюни килга̄ни.
Агляҳтӯтысямики юӷаӷьяҳтуқақ қымимун.
Киңуңитның қамахлъютың югыт крестиӷыстылъҳита, Иисусылъю крестиӷыстыкақ. Иисус юӷа̄малюку, қиляк қылъпықақ,
Иўырңа килга̄нун аўын аӷуляқақылӷӣ юӷаӷналюни.
Таўани пилъыӷми Иисус на̄йӷамун маюқақ юӷаӷналюни. Унулъқусиқ юӷақақ Кияӷныӷмун.
Ата̄сими аӷныӷми Иисус лъңинаӷми юӷалӷӣ. Малихся̄ҳтыңи қантаӷанлыңӯт ынка̄м а̄птыкӣ: «Югыт кинаңунилюңа пӣқатңа?»
Таўатын Иисус акузилюни, пиңаюның иңлюлык аӷныӷыт атуӷлюки, кылъқыхкӣ Петырылъю, Иоаннылъю, Иаковылъю. Маюқат на̄йӷамун юӷаӷналюни.
Таўатын пикумта хўаңкута апостолыни юӷа̄маңинаҳлъықукут, уңипақимаңинаҳлъықукут Кияӷныӷым уңипа̄мың».