От Матфея 13:44 - Новый Завет на эскимосском языке

⁴⁴ «Атаныҳпагулъҳа Қилягым аклъюңистун аюқуқ ӣӷңалӷӣ пӣтысиӷаӷвигми. Югым на̄лъкылъюки ӣнқихтыкӣ. Қуям аңталяңаның, аӷуляқлъюни қамахлъюки сяӷьяни акиклъюки, та̄хкын та̄на пӣтысиӷаӷвик тукфиқа̄».

От Матфея 13:44 Iomraidhean Croise

От Матфея 13:24

Та̄хкын Иисусым а̄пқа̄ иляңа уңипаӷа̄н лъңитнун, пикӣ: «Атаныҳпагулъҳа Қилягым юхтун пӣтысиӷақатун пинилӷӣмың пӣтутмың пӣтысиӷаӷвигмини аюқуқ.

От Матфея 13:46

На̄лъкунъыӷмини пинӣпихлъыҳӣмың акитуқамың, акикуӷақа̄ қамахлъюку сяӷьяни, тукфиӷналюку та̄на жемчуг».

От Матфея 13:47

«Атаныҳпагулъҳа Қилягым, ныгаҳпахтунлъю аюқуқ. Иқалъинӣҳтыт ныгаҳпахтың на̄йвамун атыҳлъюку аҳқылъя̄қут ынка̄м алъя̄ҳӣнаӷмың иқалъюхтыҳлъягақут.

От Матфея 19:21

Иисусым кӣмсиқа̄: «На̄михтыңъўа̄ӷьюкувгу Кияӷныӷым писқылъҳа лъпынун, агляӷлютын қамахлъюку сяӷьян акиклъюку, акиңа тама̄на аклъюмалӷӣнун тунқуӷнакын. Ынка̄м қилягми аклъюңилгулъықутын, та̄хкын тагилютың малихнакывңа».

От Матфея 19:27

Та̄хкын Петырым пика̄: «Ысҳақаҳқутқун, сяңўа̄ қамахлъюку унилъюку малихтыкақамкын. Сяңўа̄ңам алъхыҳлъықыстыху?»

От Матфея 19:29

Ынка̄м хўаңа апалъюқлъюңа килъю алңунак унискумыхтыки мыңтыӷатың, аңлыгутытың, наятың, ататың, на̄тың, авақутатың, налиӷмың пӣтысиӷаӷвитың, нулялъықут ю̄к талъиматалъпаглюку. Кынлыңилңуӷмыңлъю уңувалъыӷмың алъхыӷулъықут.

От Матфея 6:21

Сюмыҳтаӷа̄ткумаңинаҳлъықаҳси аклъюңихпысинун кахпагвихси».

От Луки 14:33

Иисусым нагныӷуткӣ: «Ынка̄м уна сюмыхтаӷа̄ткитыху, китум алңунак пыхсюнӷилъкумики қамахлъюки лъми пини, малихся̄ҳтыкыпагниңитақа».

От Иоанна 6:35

Иисусым пикӣ: «Хўаңаңӯқ нықыкшаңлъяқ уңувалъылитикаюк. Кина та̄на тагилӷӣ хўаңамнун алъямыңлъю игатаӷна̄нӷитуқ. Китум та̄м ухпықыхкумиңа алъямыңлъю мықсюгна̄нӷитуқ.

К Римлянам 15:4

Сивунӷани Акузитыт Игақыхкат игақыхка̄гут апыҳтуӷналюта. Нуқынъыҳтустӣлъю, кайымилъюлъю сиӷималъыңнаюкамта.

К Колоссянам 2:3

Қамахлъюки Кияӷныӷым пыҳқинылъҳилъю, лӣгикиңалъҳилъю Христосымытут. Та̄кук аклъюңистун аюқук ӣӷңалӷӣк Христосыми.

К Колоссянам 3:16

Йықай Христосым апыҳтӯсӣ кымнаӷлютың кияҳлъит илюхпысини. Апыҳтӯтутақлъюси, кылыңася̄ӷутутақлъюсилъю тамаҳа̄кун пыҳқинылъыҳқун. Илягаҳтык Кияӷныӷмун игамсиқаюлъылиӷлюси илюхпысигун, илягаҳтык псалмының, иляга̄тның, манигӯтмунлъю иляга̄тның.

К Евреям 10:34

Наңлъыкақаси анусимиңлъяӷвигмылңӯт. Талўа қуяңа̄қуси югыт тугулянӷатки сяӷьяси қаюҳлъяк лӣсимакаҳси паниның сялгӯси пиниӷатаӷалӷӣмың қӯнпыкаҳқамың.

Откровение 3:18

Тама̄кын апалъюқлъюку уңипа̄тамси аклъюңиӷисқылъюси тукфиҳтыху золото қигыҳтыңъўа̄қақ кыныҳқун, тыңьяҳтуҳтык хўаңамнун. Тукфиӷитыклъю хўаңамның қатылӷӣның а̄тканың ся̄пысқылъюки кайңуналӷӣт амсикаӷмытылъыси. Тукфиӷитыклъю хўаңамның аӷакаҳқамың ийыхпысинун ысҳа̄сягутысқылъюси.