От Матфея 13:42 - Новый Завет на эскимосском языке

⁴² Ынка̄м кынӷыгнун милю̄лъықӣт, таўани қия̄ӷўаҳлъяхлъықут, хутытың тышқита̄хта̄мӣта.

От Матфея 13:42 Iomraidhean Croise

От Матфея 13:50

Ынка̄м сыӷлыӷыт кынӷыгнун милю̄лъықӣт, таўани қия̄ӷўаҳлъяхлъықут, хутытың тышқита̄хта̄мӣта».

От Матфея 22:13

Та̄хкын умӣлгым қыпҳаҳтыт пикӣ: “Ӣхилъю, итыгӣлъю асиҳлъюки қагавык мамлыгмун милю̄тыху, таўани югыт қиялъықут хутытыңлъю тышқита̄хтаҳлъықӣт”».

От Матфея 25:41

Та̄хкын Умӣлгым сяӷумигныӷминилңӯт пилъықӣ: “Лъпысиңӯт Кияӷныӷым аӷью̄ӷьяҳқӣ. Аўӣтык хўаңамның, агляҳтык кынлыңилңӯгнун кынӷыгнун Кияӷныӷым ята̄ҳқыхка̄нун Туӷныӷаӷмунлъю, яқулганунлъю!

От Матфея 3:12

Та̄на тагияҳқақ нанқихтияқлъыхӣна̄гуқ. А̄фсяҳқақӣ пинилӷӣт югыт сыӷлыӷның, катам пӣтысӣӷаҳтым пыкутаминың малъӣлъҳатун зернот. Кахпаглюки зернот малъяқ тама̄на милю̄сяҳқақа̄ қа̄мьяҳқа̄нӷилңӯгнун кынӷыгнун».

От Матфея 8:12

Иўырңа тама̄кут Атаныҳпагулъыӷмысяҳқа̄ялӷӣт а̄нысяҳқа̄гут мамлыхлъягмун, таўани ынңа̄талъ қия̄ӷўаҳлъяхлъықут хутытың тышқита̄хта̄мӣта авутыҳқым аңталяңаның».

От Луки 13:28

Та̄хкын қия̄ӷўаҳлъяхлъықуси, хутысилъю тышқита̄хта̄мӣта. Таўатын пилъықуси ысҳақуфсики Авраамылъю, Исаакалъю, Иаковылъю, қамахлъюкилъю ӯкналиқистыт. Лъңит Атаныҳпагулъҳанилъықут Кияӷныӷым, иўырңа лъпыси ыслъятмун милю̄лъықӣси!

Откровение 14:10

мыӷьяҳқақа̄ виноңа Кияӷныӷым сякша̄лъҳан. Та̄на вино мылӣмаңилңуқ кӯвыхкақ қаю̄симун Кияӷныӷым сякша̄лъқа̄! Кина алңунак манигӯткақ та̄кугнун икфиқыҳлъягьяҳқа̄гуқ кыныӷмилъю, уқумьягмилъю, сивуңитни аглыӷналӷӣтни яқулгыт, Пынъӣӷаҳа̄млъю.

Откровение 19:20

Тугўа̄хкыт тыӷикусялъю̄гылъю, ӯкналиқистысиӷўа̄ӷылъю алъя̄ҳлъюўаҳтӣӷа̄тақақ таўанлъюку тыӷикусялъю̄к. (Алъя̄ҳлъюўаҳтӣқылъыӷмикун пӯҳқуқӣ налъюнӣлъыңыхкат тыӷикусялъю̄гмың, манигуқа̄тлъю наңаӷныӷа.) Тыӷикусялъю̄клъю, ӯкналиқистысиӷўа̄ӷылъю уңува̄хкынка милю̄та̄к на̄йвам кынӷанун кумаӷулӷӣмун уқумьягмун.

Откровение 20:10

Та̄хкын Туӷныӷақ пӯҳтикақ нунатаның, Кияӷныӷым яқулгита милю̄лъықа̄т на̄йвамун кумаӷулӷӣ уқумьягмың. Таўавык милю̄ткақыхкыхкыт тыӷикусялъю̄гылъю, ӯкналиқистысиӷўа̄қлъю. Таўани икфиқыҳлъяхлъықут аӷныҳтӯма̄н унухтӯма̄н қӯнпырухлъяк кынлыңуна̄н.

Откровение 21:8

Иўырңа тама̄кут қуюҳталӷӣт, ухпықилъҳилңӯт, сыӷлылъыҳпигаӷның сыӷлыҳқылӷӣт, юхтаҳтыт, ныңуҳтыхпынатың атуқулъҳӣт, алигналӷӣт, манигӯткаюгыт кияӷныңлъяқанун, қамахлъютыңлъю иқлъыңалӷӣт, ныкаҳқа̄т на̄йва̄гуқ кумаӷулӷӣ кыныӷмыңлъю, уқумьякмыңлъю. Та̄наңӯқ тӯңлӣ туқулъҳым».

Откровение 9:2

Иӷалықыта̄ӷым қылъпыҳта̄ асилиӷныӷилңуқ ля̄ўа̄қ. Тысямакын агыпсюқ а̄нуқ катам агыпся̄тун ыхлъюҳлъягым рыпалъ сиқинықлъю, қилягалъю мамлыхта̄ агыпсюм.