От Матфея 13:36 - Новый Завет на эскимосском языке

³⁶ Та̄хкын Иисусым унилъюки юлӷутыт ӣтқақ мыңтыӷамун. Малихся̄ҳтыңита такулюку а̄птыка̄т: «Сямың писӣгўат уңипаӷа̄ткыхкаҳтын плевелыт пӣтысиӷаӷвигмылңӯт?»

От Матфея 13:36 Iomraidhean Croise

От Матфея 13:1

Таўани ата̄сими аӷныӷми Иисус а̄нлюни мыңтыӷамың, на̄йвам ысныңакун ақумлюни апыҳтуӷикақ.

От Матфея 13:11

Иисусым кӣмсиқӣ: «Лъпысинун Кияӷныӷым лӣтыстыкақа̄ талюӷңалӷӣ ипапиҳқылъҳа Атаныҳпагулъҳан Қилягым, иўырңа лъңитнун лӣтысимаңита̄.

От Матфея 13:18

«Нагатыху сямың пӣқутаңа уңипаӷа̄ткыхкақа пӣтысиӷаҳта.

От Матфея 13:25

Унугми ата̄сими қавасималюки, аңуяга тагилюни пӣтысиӷақақ плевелымың акулңитхун пшеницат, та̄хкын аӷуляқыхкақ.

От Матфея 14:22

Та̄хкын Иисусым малихся̄ҳтыни каяхтыкӣ аңьякун аӷвиқыстӣсқылъюки на̄йвам иңлюңанун, лъңан агляҳтӯтысималюки юлӷутыҳлъягыт.

От Матфея 15:39

Та̄хкын Иисусым юлӷутыҳлъягыт агляҳтӯтыслъюки лъңитнун лъңа аңьямун ӯхлъюни увитаңанун Магдалам агляқақ.

От Матфея 9:28

Ага мыңтыӷамун итыӷьян малихтыка̄к, ынка̄м Иисусым а̄птыкӣ: «Ухпықыстынъа̄ на̄лъҳутилъыҳқақа?» Кӣмсиқа̄к: «А̄а Атанық!»

От Марка 4:34

Қӯнпың югыт апыҳтуӷақыхкаңи уңипаӷа̄тытхун, иўырңа малихся̄ҳтыкулъҳӣт лъңина̄ҳныӷмыхни хўатыҳлъюўа̄қ лӣгикыстақыхкаңи сямың писӣтаңи уңипаӷа̄тыт.

От Марка 6:45

Лыган та̄кут Иисусым малихся̄ҳтыни қылъқӣ аңьякун иглыҳтыкыстӣсқылъюки Вифсаидамун, на̄йвам иңлюңанилңуӷмун. Та̄хкын лъңан юлӷутыт агляҳтӯтыстыкӣ ныңитнун.

От Марка 7:17

Иисусым унилъюки юлӷутыт итыӷьян малихся̄ҳтыңита а̄птыка̄т уңипаӷа̄н сямың писӣтаңа.