От Матфея 13:31 - Новый Завет на эскимосском языке

^31-32 Алъямың Иисусым а̄пқа̄ уңипаӷа̄н: «Атаныҳпагулъҳа Қилягым пӣтутңатун горчицам аюқуқ. Пӣтутым мыкыста̄лъыҳпигақа̄, иўырңа югым пӣтысиӷаныӷминигу пӣтысиӷаӷвигмикун нунивахсыӷаӷьяхаӷның а̄ңылъыҳпига̄каюгӯқ. Уқфигуҳныӷани қаўа̄гыт тагилютың авая̄кун уңлюсӣқут».

От Матфея 13:31 Iomraidhean Croise

От Матфея 13:24

Та̄хкын Иисусым а̄пқа̄ иляңа уңипаӷа̄н лъңитнун, пикӣ: «Атаныҳпагулъҳа Қилягым юхтун пӣтысиӷақатун пинилӷӣмың пӣтутмың пӣтысиӷаӷвигмини аюқуқ.

От Матфея 17:20

Иисусым кӣмсиқӣ: «Қаюҳлъяк ухпықилъыҳқыста̄ҳа̄лӷӣси. Ипа уңипа̄тамси, ухпықилъылгуяқуфси горчицам пӣтутысқуҳан аңталңатун, уна на̄йӷақ пикуфсигу: “Иңавык нӯхтын!” нӯхнаяҳтуқ. Ынка̄м сяңўа̄ алңунак аҳтуӷнаянӷитаҳси!»

От Луки 17:6

Атанӷым пикӣ: «Ухпықилъылгуяқуфси горчицам пӣтутаңатун аңкалӷӣмың, уна смоковница уқфик хўатын пикуфсигу: “Акуҳтӯмаҳпык ӣклъютын, пӣсяҳта̄ кылъӣкун”, қа̄ткынъаяӷӣси».

От Луки 19:11

Югыт нагатңукаңат Иисус. Сюмыӷмыхни ка̄скуми Иерусалимымун Атаныҳпагулъҳа Кияӷныӷым пӣнлиӷаҳнақнилюку пика̄т. Ынка̄м лӣгикысқылъюки Иисусым уңипаӷа̄ткӣ.

От Луки 20:9

Та̄хкын Иисусым югыт уңипаӷа̄ткӣ: «Ю̄к пӣтысиӷаӷвигмини виноградымың пӣтысиӷа̄малӷӣ. Навӷилъюку афлъыңакистынун та̄хкын иляңанун нунам аӷуляқлъюни мулю̄ҳлъякақ.