От Матфея 13:22 - Новый Завет на эскимосском языке

²² Тама̄кут пӣтутыт сикуҳлъюхтуқакун сюнакун тыкиткат успутңа̄т китумун алңунак нагақӯлъҳӣмун уңипа̄мың, та̄ўаңинақ тыхылъҳӣлъҳан кияҳта̄ӷусиҳқамың, аклъюңиӷиюлъыҳлъяганлъю пӣтфигиӷақа̄ уңипақ. Тама̄кын апалъюқлъюку пӣтыстиңигатуқ.

От Матфея 13:22 Iomraidhean Croise

От Матфея 12:32

Китум алңунак кипулъыгмун сямың пикумигу Иӷныӷа Югым, сыӷывутылъыңьяҳқа̄гуқ. Иўырңа китум алңунак кипулъыгмун сямың пикумикык Аглыӷналӷӣк Таӷныӷак, сыӷывутылъыңна̄нӷитуқ ма̄тын кияҳта̄лъыӷми, налиӷмың тӯңлиҳа̄ни».

От Матфея 13:39

Аңуяк пӣтыстикақ плевелымың Туӷныӷа̄гуқ. Унаталъық нунам кынлытҳӯтылъқа̄, унатаҳтыт яқулгӯт.

От Матфея 13:40

Унаталъыӷми плевелыт қырңуҳлъюки паныҳтақӣт. Таўатыҳпигақ кынлытҳӯтылъҳани нунам, югыт Туӷныӷа̄м пиңи қырңуҳлъюки паныҳсяҳқа̄гут.

От Матфея 13:7

Иляңи пӣтутым тыкиткат сикуҳлъюхтуқакун, сикуҳлъюгыт пӣсялӷӣмың пӣтфигиқӣт пӣтутыт.

От Луки 12:15

Та̄хкын қамахлъюки пикӣ: «Кылыңалюси алъя̄ҳӣнаӷмың пакигнӣҳтылъыӷмың, қаюҳлъяк югым уңувалъыҳпига̄ сяӷьӣҳтылъыҳқун аюқынӷитуқ».

От Луки 12:21

Иисусым та̄қниқӣ: «Та̄тун юхтун аюқут тама̄кут сямың тамаҳа̄ның кахпагилӷӣт лъмыхнун катам, иўырңа Кияӷныӷми аклъюмалӷӣңӯт».

От Луки 21:34

«Кылыңалюси, аҳсяҳпа̄хтыхпынаси нықынӷаҳқымъың, мыӷӯтылъыӷмың, налиӷмың сюмыӷьялихпынаси нунам пиңаның. Таўатын пикуфси та̄м аӷныӷым ка̄тқаӷнаюкаңиси на̄плъыҳӣстун.

От Луки 8:14

Пӣтутыт тыкиткат сикуҳлъюхтуқакун успутңа̄т нагатканун Кияӷныӷым акузитаңаның. Иўырңа сюмыӷьялилъю, аклъюңилъю, тыӷигна̄нлъю уңувалъҳым пӣтфигиӷақӣ, ынка̄м пӣтыстыкӣт аңтанӣсигатут.

Деяния 8:18

Симоным ысҳапакакык апостолык, ся̄фныӷмыгныки ухпықат алъхыӷутақылӷӣт Аглыӷналӷӣгның Таӷныӷагның.

К Римлянам 12:2

Ӯм нунам югатун кияҳтыхпынаси. Йыӷлыги Кияӷныӷмун алъяңуҳтыстык нутаҳтыслъюки умьюгаси. Та̄хкын лӣгикылъықаҳси пиюкылъҳа Кияӷныӷым пинилӷӣ, тугуклъиӷьюгналӷӣ, қамахтӣңўа̄ӷңалӷӣлъю.

1е Коринфянам 1:20

Ынка̄м сянақанңам нунам пыҳқинылӷӣңи? Сянақанңам апыҳтуӷистыңи Лӣлиҳтӯсят? Сянақанңам а̄ҳтӣра̄ҳтыт? Қамахтыңъўа̄ӷлюни лӣтылъыҳлъялъҳат сясӣнӷитуқ қаюҳлъяк Кияӷныӷым тымңитхўаңлъяқақа̄ пыҳқинылъҳа нунам.

1е Коринфянам 2:6

Аңтанӣтканун ухпықанун апыҳтӯсяқақа Кияӷныӷым пыҳқинылъҳа. Иўырңа та̄на пыҳқинылъық нунамың пиңунӷитуқ, талўа иглыӷутистыңаның. Қантаӷақун авӣӷусяҳқа̄гут.

1е Коринфянам 2:8

Налиҳӣнӣта̄ нунам иглыӷутистыңита лӣгикумаңита̄т та̄на пыҳқинылъық. Лӣгикыхкақсяқумыхтыху, қақӯраӷнаянӷита̄т Атанӷа ниӷуҳқылъҳым.

1е Коринфянам 3:18

Кина алңунак пӯҳтыфқа̄ми лъңаның пили. Налиҳси сюмыҳтаӷа̄ңукуми лӣтыпахлъяка̄нилюни нунам пыҳқинылъҳаның, йықай малихлъигу Христос, ухпықа̄нӷилңӯт тымңиңуниӷңа̄тху. Таўатын пикуни ынңа̄талъ пыҳқинӷуҳтыпӣхлъықа̄.

2е Коринфянам 4:4

Лъңита ухпықигата̄т уңипаҳпут қаюҳлъяк Туӷныӷа̄м, ӯм нунам Кияӷныӷын, ая̄стыкақӣ умьюгӣт. Ысҳанӷитыстақа̄ ниӷуга Пинилӷӣм Уңипам ниӷуҳқылъҳаның Христосымың аюқылӷӣ. Христос Кияӷныҳтун аюқуқ.

К Галатам 1:4

Христос лъңаның аҳқуткыхка̄гуқ сыӷлыҳқылъымнъун, итымунъалюта хўакын сыӷлыӷмың кияҳта̄лъыӷмың. Кияӷнымта Атам пиюкылъҳатун пика̄гуқ.

К Ефесянам 2:2

Таўатысяҳтуси кияҳтыңъулюси нунам сыӷлыӷмун иглыӷныӷанун. Қа̄ткыңъуяӷаҳсилъю иглыӷутистыңат туӷныӷа̄т қилягамылңӯт. Лъңаңӯқ а̄ңылъыҳпигақ туӷныӷақ иглыӷутилӷӣ югның қа̄ткусигалңуӷның Кияӷныӷмун.

1е Тимофею 6:17

Қука̄юхтыснаниҳқи тама̄кут аклъюңилңӯт нунами хўани, талўа сиӷимаснаниҳқи аклъюңиңитхун налъюнықналӷӣтхун. Иўырңа сиӷимасқики Кияӷныҳқун. Лъңан иӷлыгутыхпына̄мта тӯнақӣлъю сямың тамаҳа̄ның пиниӷью̄гусиҳқамың.

2е Тимофею 4:10

Димасым пиниқсялӣсима̄ нунам кияҳта̄лъҳа ынка̄м унисима̄ңа, аӷуляқума̄қ Фессалоникамун. Крискента Галатиясима̄қ ынка̄м Тит Далматиямун пима̄қ.