От Матфея 13:21 - Новый Завет на эскимосском языке

²¹ Иўырңа уңипақ илюңани мулюмаңилңуқ қаюҳлъяк акуңылъҳилңуқ. Ынка̄м сыӷлылӣӷьялӷӣми налиӷмың амьюқыта̄ткылъыңьялӷӣми, апалъюқлъюку уңипақ таўаниңинақ ухпықинаниҳтуқ.

От Матфея 13:21 Iomraidhean Croise

От Матфея 10:22

Хўаңамның апалъюқлъюси югым қамахлъюни угумикылъықӣси. Иўырңа нуқынъыҳтуқат кынляңа кынлымун югулилъыңьяҳқа̄гут.

От Матфея 11:6

Кина алңунак ухпықинанинӷилъкуми хўаңамның қуястыка̄гуқ!»

От Матфея 13:20

Тама̄кут пӣтутыт уйӷахтуқакун сюнакун тыкиткат успутңа̄т китумун алңунак нагақӯлъҳӣмун уңипа̄мың, таўаниңинақ уңипақ тугуклъиқа̄ қуякусиқлъюку.

От Матфея 13:57

Ынка̄м тугуклъиӷьюнӷитка̄т. Иисусым пикӣ: «Нани алңунак югыт сӣвакақа̄т ӯкналиқиста иўырңақун лъңан катам нунаңанилъю ныңлъюгутаңанилъю».

От Матфея 13:6

Иўырңа сиқинық пӣсялӷӣми ма̄тныӷан паныҳтыкӣ қаюҳлъяк акупагилңӯт.

От Матфея 24:13

Иўырңа кина алңунак нуқынъыҳтуқақ кынлымун югулилъыңьяҳқа̄гуқ.

От Матфея 26:31

Та̄хкын Иисусым пикӣ: «Унугми хўани, хўаңа апалъюқлъюңа униқаӷа̄лъықаҳпысиңа, қаюҳлъяк Акузитни Игақыхкани Кияӷнық пика̄гуқ: “Туқулъықақа пынъӣӷнӣҳта ынка̄м пынъӣӷыт миңиқылъықут”.

От Матфея 26:33

Петырым пика̄ Иисус: «Апалъюқлъютын лъпык қайўа иляма униқаӷа̄тыӷңа̄тын, хўаңа унинъа̄нӷитңўа̄ӷамкын!»

От Марка 4:17

Иўырңа ухпықңўа̄ӷигалъкаңит акузитаңи ынка̄м ухпылъҳит мулюңигатут. Сыӷлылӣныӷмыхни, налиӷмың амью̄ткылъыңныӷмыхни апалъюқлъюку ухпықилъыҳтың Кияӷныӷым акузитаңаның таўаниңинақ ухпықинаниӷақут.

От Луки 8:13

Пӣтутыт тыкиткат уйӷахтуқакун успутңа̄т нагатканун Кияӷныӷым акузитаңаның. Нагалъюки акузитыт қуякусиқлъюки тугуклъиӷақӣт, иўырңа қамавырухлъяк илюмыхнун итыҳтысигатӣт. Ухпықӣҳлъютың, иўырңа нанӷӣқулъыңныӷмыхни ухпықинаниӷақут.

От Иоанна 6:26

Иисусым кӣмсиқӣ: «Ипа уңипа̄тамси, иваӷаҳпысиңа қаюҳлъяк ныӷылӷӣси нықыкшаңлъямың кыпсюӷа̄ӷлюси. Иванӷитаҳпысиңа алъя̄ҳлъюхўаҳтилъҳынка апалъюқлъюки.

К Римлянам 2:7

Иляңи югыт пинитун пимаңинаӷақут қаюҳлъяк Кияӷныӷмың алъхыҳсюкаңит усюқилъық, қӯлвалъық, югусиқлъю туқуяҳқа̄нӷилңуқ. Ынка̄м Кияӷныӷым кынлыңилңуӷмың уңувалъылилъықӣ.

К Галатам 5:6

Христос Иисусым пикңукаңисилъю, ю̄к мыгнунанӷитуқ обрезанияка̄куми налиӷмың обрезаниялъҳилъкуми. Уна ысҳа мыгнуналӷӣ, ухпықилъық Христосыкун пиниқистилӷӣ юлгутымнъың.

К Галатам 6:12

Югыт ысҳаҳсяқсюныҳтуқатлъю қанаткиюныҳтуқатлъю пинитун қыпҳалъыӷмыхның, лъңиңӯт обрезаниясқӯӷўа̄ӷилӷӣт лъпысиның. Таўатын пӣқут қаюҳлъяк алиңақылӷӣт амьюқыта̄ткылъыңнаюкамың уңипақыхкумыхтыху қақӯраҳӣна̄ Христосым, авылӷаӷлюку обрезаниялъық.

К Галатам 6:15

Мыгнунанӷитуқ ю̄к обрезанияка̄куми, налиӷмың обрезаниялъҳилъкуми. Уна мыгнуналӷӣңӯқ: Кияӷныӷым улимакақӣлъю нутаӷа̄люта югни.

К Ефесянам 3:17

Юӷа̄ткамси Христос кияҳтысқылъюку илюхпысини ухпықилъыҳпысигун. Юӷа̄ткамси акулгусқылъюсилъю, тунымалгусқылъюсилъю пиниқылъыҳқун.

К Филиппийцам 1:6

Лӣсимакңўа̄ӷақа Кияӷнық пӣнлиӷикақ пинилӷӣмың қыпҳақамың илюхпысини, лъңан апыӷӣҳлъықа̄ Христос Иисус утыӷниқан.

2е Тимофею 1:15

Лӣсимакан қамахтывзиӷлютың ухпықат Асиямылңӯт каюсиӷьюгнанӣма̄тңа, талўа Фигеллымлъю, Ермогенымлъю.

2е Тимофею 4:10

Димасым пиниқсялӣсима̄ нунам кияҳта̄лъҳа ынка̄м унисима̄ңа, аӷуляқума̄қ Фессалоникамун. Крискента Галатиясима̄қ ынка̄м Тит Далматиямун пима̄қ.

От Иакова 3:2

Қамахлъюта анахутаӷаныҳтуҳлъяхтукут. Кина алңунак ю̄к акузилъыӷмикун анахусигалңуқ ылъқуӷутңапыста̄ӷӯқ. Югым ылъқуӷутңалӷӣм талўа югусинилъю агӷиткылъюку аюқсяҳқақа.

1е Петра 1:5

Кияӷныӷым аҳтуӷьяҳқа̄нӷилъыӷмикун пақнӣҳсяҳлъықӣси ухпықилъыҳпысигун. Ынка̄м кынлытҳӯтылъыӷми алӣҳлъықа̄ югулилъық ята̄ҳқыхка̄қ лъпысинун.

Откровение 2:13

Лӣсимакамси на̄нтыстык, таўантуси Туӷныӷа̄м умӣлгутивиган ақумутахкыни. Хўаңамнун ата̄сӣӷмытуси, ухпықнанилъҳитаҳпысиңалъю. Таўатытка̄гуси талўа Антипа, ата̄сӣӷмылңуқ уңипаҳтыка, кияҳтыңъулюку. Таўани Туӷныӷа̄м кияҳфигани туқуткақа̄т.