От Матфея 13:19 - Новый Завет на эскимосском языке

¹⁹ Пӣтутыт тумыт ся̄ӷўитхун тыкиткат успутңа̄т китумун алңунак нагақӯлъҳӣмун уңипа̄мың Атаныҳпагулъыӷмың аюқылӷӣмың. Лӣгикынӷилъкагу уңипақ Туӷныӷа̄м тагилюни ўаяҳлъықа̄ тыкитка̄ялӷӣ илюңакун.

От Матфея 13:19 Iomraidhean Croise

От Матфея 12:26

Таўатыҳпигақ Туӷныӷа̄м а̄ныстыкумигу Туӷныӷақ, та̄ўа лъңаның пилъюўа̄гуқ ынка̄м атаныҳпагулъҳа кынлытҳӯлъықуқ.

От Матфея 13:20

Тама̄кут пӣтутыт уйӷахтуқакун сюнакун тыкиткат успутңа̄т китумун алңунак нагақӯлъҳӣмун уңипа̄мың, таўаниңинақ уңипақ тугуклъиқа̄ қуякусиқлъюку.

От Матфея 13:38

пӣтысиӷаӷвик нунаңӯқ; пинилӷӣт пӣтутыт югӯт Атаныҳпагулъҳым пикӣ; плевелыт югӯт Туӷныӷа̄м пикӣ.

От Матфея 4:23

Иисус иглыӷакақ тамаңи Галилеями, синагогаңитни апыҳтуӷӣқлъюни. Нани алңунак уңипақақ Пинилӷӣның Уңипа̄мың Атаныҳпагулъҳым, на̄лъҳуқуқақ тамаҳа̄ның ақниӷныӷныңлъю, қинуюгныңлъю.

От Матфея 5:37

Йыӷлыги лыган “а̄ңӷа̄си”, налиӷмың “нака̄ҳа̄си”. Сяңўа̄т иляскуфсики та̄кугнун Туӷныӷаӷмың пиңӯт».

От Марка 4:15

Иляңи югыт қылъиҳлъякастун тумыстун аюқут. Пӣтутыт тыкинъыӷата тумытхун қаўа̄гыт ныӷақӣт. Таўатыҳпигақ тама̄кут югыт нагақӯнъыӷата Кияӷныӷым акузитаңаның таўаниңинақ Туӷныӷа̄м пуйгустақӣ.

От Луки 10:9

На̄лъҳуқуҳтыки қинуюхтӣӷит, хўатынлъю пӣқлъюки: “Атаныҳпагулъҳа Кияӷныӷым хўа̄ ма̄нтуқ”.

От Луки 9:2

Та̄хкын уңипақияҳтӣсқыхкӣ Атаныҳпагулъҳаның Кияӷныӷым, на̄лъҳуқӣсқылъюкилъю қинуюлӷӣт.

От Иоанна 18:38

Пилатым а̄птыка̄: «Сяңа̄ўа ипапиҳқылъық?» Таўатын пилюни Иудеит а̄нвиклъя̄тақӣ. Пикӣ: «Уна ю̄к на̄лъкыфикынӷитақа сямың анахусиматаңа аӷью̄ӷусиҳқамың.

От Иоанна 8:43

Лӣгикигатаҳси сямың пилъқа қаюҳлъяк тугуклъиӷьяҳқақынӷилъкыси апыҳтуӷилъҳынка.

Деяния 17:32

Нагалъюку Павелым а̄пқаңа ю̄к уңуваҳтысиманилюку туқулъыӷмың, иляңита лыгасӣӷўа̄ткыхка̄т, иўырңа иляңита пика̄т Павел: «Ўатақа̄ӷақ нагасюўаҳпут алъя апыӷнақыхкувгу».

Деяния 18:15

Иўырңа уна ю̄к таўатын пимаңитуқ. А̄ҳтӣра̄ӷуткыңъунӷитаси Римым лӣлиҳтӯсӣ, а̄ҳтӣра̄ӷуткыңъўа̄си лъпыси катам Лӣлиҳтӯсяси, акузитытлъю, а̄тҳытлъю сямың писӣтаңи. Тама̄кын нанқихтияҳқа̄нӷитуңа, лъпысиның пикатыки».

Деяния 20:25

Лӣсимакақа алъямың ысҳаӷна̄нӷитаҳпысиңа, лъпыси уңипиқуткамни Атаныҳпагулъҳаның Кияӷныӷым.

Деяния 28:23

Та̄хкын накмикыхка̄т аӷнық ата̄сиқ қырңуӷутфигулюку. Та̄на аӷнық ка̄сян угляпихлъютың тагиляӷа̄ткат Павелым кияҳфиганун. Уна̄ҳа̄ның унулъҳанун кынляңа апыҳтуқӣ Атаныҳпагулъҳаның Кияӷныӷым, лӣгикыстыңъўа̄ӷнақуткыхкӣлъю Иисусымың атуқлъюки Лӣлиҳтӯсӣ Моисейем, ӯкналиқистытлъю игақыхкӣт.

К Римлянам 1:28

Тама̄кут югыт сюмыӷмыхни сятңунӷинъӣқа̄т лӣсимакылъық Кияӷныӷмың аюқылӷӣ. Ынка̄м Кияӷныӷым пыхтӣ сятңунӷилңуӷнун сюмыҳтаӷалъҳитнун, атуҳқақынӷисяқаңитнунлъю.

К Римлянам 14:17

Қаюҳлъяк Кияӷныӷым Атаныҳпагулъҳани сяңўа̄т ныӷыхкапутлъю, мыӷыхкапутлъю мыгнунанӷитут. Укут мыгнунаҳтут: ылъқуӷутңалъық, ныкыхмылъық, қуялъықлъю; та̄кут Аглыӷналӷӣгның Таӷныӷагның пиңӯт.

К Римлянам 2:8

Иўырңа иляңи югыт лъңина̄югныӷӯт. Ухпықсюгигата̄т ипапилъық сыӷлыпыста̄тун пиналютың. Ынка̄м Кияӷныӷым сякшитутыҳлъяглюки, аӷью̄ҳлъяхлъықӣ.

К Ефесянам 3:8

Укалиҳпига̄гуңа тамаҳӣтның Кияӷныӷым юганың. Таўалъӣма Кияӷныӷым наңлъыхталъыӷмикун тунусялита̄ңа хўатын: накмика̄ңа язычнигнун уңипақысқылъюки Пинилӷӣт Уңипат Христосым аклъюңиңаның аюқылӷӣт. Аклъюңиңи иңья̄тңа̄т югыт лӣгикылъҳитның.

2е Фессалоникийцам 2:12

Ынка̄м қамахтыңъўа̄ӷлютың ухпықинӷилңӯт ипапилъыӷмың нанқихсяҳқа̄гут аӷью̄ӷьяҳқа̄лютың қаюҳлъяк пиниӷью̄гусиқыхкаңат сыҳлъыҳқылъық.

К Евреям 2:1

Тама̄кын апалъюқлъюку сюмыҳтаӷа̄ткыңъўа̄ӷылътыки ипапилъҳыт нагақуқапут лю̄рақ ўа̄кнаниқыстаӷнаюкамтыки.

1е Иоанна 3:12

Каинтун аюқсяҳқа̄нӷитукут. Каин Туӷныӷа̄м пика̄ ынка̄м туқуткақа̄ лъми катам аңлыгутни. Сяңан туқутагу? Қаюҳлъяк сялъҳи анахутңалӷӣт нақам аңлыгутаңан сялъҳи ылъқуӷутңалӷӣт.

1е Иоанна 5:18

Лӣсимакаҳпут кина алңунак Кияӷныӷым авақута̄ сыӷлыҳқумаңинаӷна̄нӷитуқ, қаюҳлъяк Иӷныӷан Кияӷныӷым афлъыңакңукаңа ынка̄м Туӷныӷа̄м сыӷлытун пина̄нӷита̄.

1е Иоанна 5:20

Лӣсимакаҳпут Иӷныӷан Кияӷныӷым тагилюни лӣгикыстыкақӣлъю лӣсимакысқылъюку Кияӷныпик. Кияӷныпигмытукут Иӷныӷанитутымнъың Иисус Христосыми. Та̄ната Кияӷныпиклъю, кынлыңилңуқлъю уңувалъық.