От Матфея 13:11 - Новый Завет на эскимосском языке

¹¹ Иисусым кӣмсиқӣ: «Лъпысинун Кияӷныӷым лӣтыстыкақа̄ талюӷңалӷӣ ипапиҳқылъҳа Атаныҳпагулъҳан Қилягым, иўырңа лъңитнун лӣтысимаңита̄.

От Матфея 13:11 Iomraidhean Croise

От Матфея 13:10

Та̄хкын малихся̄ҳтыңита такулюку Иисус а̄птыка̄т: «Сяңан уңипаӷа̄тмың атуқақсин апыҳтуныҳпыки югыт?»

От Матфея 16:17

Иисусым пика̄: «Қуястылъылгӯтын, Симон, иӷныӷа Ионам! Қаюҳлъяк югмың лӣсимаңитан, Атама қилягмылңӯм лъпынун лӣтыстыкақа̄.

От Матфея 19:11

Иўырңа Иисусым пикӣ: «Та̄на апалъюқ тамаҳаӷми тугуклъиӷна̄нӷита̄т, иўырңа Кияӷныӷым иляңитнун тугуклъиӷьяҳқа̄ҳтыстыкақа̄.

От Матфея 20:23

Иисусым пики: «Қайўа қаю̄симның мыӷылъықутык, иўырңа хўаңаңунӷитуқ накмӣӷьяҳқақ кимлъю ақумьяҳқа̄ткык аӷынқигнымкунлъю, сяӷумигнымкунлъю. Атама ята̄ҳқыхкақа̄к та̄кук ақумвихкак накмикыхкаминун».

От Марка 10:40

Иўырңа хўаңа накмиксяҳқақынӷитанка килъю ақумьяҳқа̄таңи аӷынқигнымкунлъю, сяӷумигнымкунлъю, ята̄ҳқуткат тама̄кут ақумьяҳқа̄гут».

От Марка 4:11

Иисусым пикӣ: «Лъпысинун Кияӷныӷым лӣгикыста̄ талюӷңалӷӣ ипапиҳқылъҳа Атаныҳпагулъҳым. Сивунӷани лӣтысимаңисяӷа̄. Иўырңа тама̄кут иқитңалӷӣт Кияӷныӷым Атаныҳпагулъҳаның нагақуӷақут сямың тамаҳа̄ның уңипаӷа̄тытхун.

От Луки 8:10

Кӣмсиқӣ: «Кияӷныӷым накмикумӣси лӣгикысқылъюки талюӷңалӷӣт ипапилъҳи Атаныҳпагулъыӷми. Иўырңа иляңитни югни уңипаӷа̄тңина̄ўақут. Ынка̄м ысҳа̄тыӷңа̄ӷмың ысҳа̄сигатут, нагатыӷңа̄ӷмың лӣгикигатут».

От Иоанна 6:65

Иисусым пикӣ: «Иляхпыси ухпықинӷитылъҳа апалъюқлъюку хўатын пика̄гуңа: “Атам тагисныӷилъкумигу ю̄к хўаңамнун, тагина̄нӷитңўа̄ҳтуқ”».

От Иоанна 7:17

Китум алңунак Кияӷныӷым пиюкылъҳа атуқсюгукумигу лӣсимаксяҳқақа̄, апыҳтуӷилъқа Кияӷныӷмың пиңутаңа, налиӷмың хўаңамның катам пиңутаңа.

Деяния 16:14

Ата̄сиқ нагалъҳӣ Лидияңуфтуқ, Фиатираӷмӣ, акилъпыгақаюк ысныгрукыхтамың қӣпаӷаӷмың, манигӯткаюк Кияӷныӷмун. Атанӷым лӣгикыстыңъўа̄қӣ Павелым акузитаңи Лидиямун ынка̄м ухпықыхкӣ.

К Римлянам 11:25

Ухпықа̄лгутымни, лӣгикысюгамси сямың қайвиҳсимаңилңуӷмың сивунӷани. Апыӷью̄гусиқа лъпысинун унаңӯқ: пыҳқинӷуюгныӷуфқа̄фси писқылъюси сюмыҳтаӷаткаҳтыкилъю. Иляңита Израилыӷмӣт ухпықсюгумаңита̄т Кияӷнық. Таўатылъықут кынляңа Кияӷныӷым накмикыхкӣ язычнигыт қамахлъютың тагиляӷа̄тылъҳитнун лъңанун.

К Римлянам 16:25

Усюқылътыху Кияӷнық! Лъңан айыпсюгиҳсяӷьяқлъыгўӣ ухпықилъыси Пинилӷӣтхун Уңипатхун Иисус Христосымың аюқылӷӣмың уңипақумаңинаӷақыхкымнун югнун. Та̄наңӯқ аксяқыхкақ уңипақ Кияӷныӷым қайвиҳсимаңитка̄ има пӣнлиӷьюха̄лъҳаның нунам.

1е Коринфянам 13:2

Ӯкналиқыхкаюгуӷңа̄ӷма, лӣгикыхкаюгуӷңа̄мки алӣнъыӷилңӯт қамахлъюки, лӣсималъық қамахтыкақсяӷңа̄мкун, ухпықилъылгуӷңа̄ӷма на̄йӷанун нӯхтисиҳқамың, пикатңуна̄нӷитуңа пиниқинӷилъкума.

1е Коринфянам 15:51

Уңипа̄таҳлъямси қайвиҳсимаңилңуӷмың: қамахлъюта туқуна̄нӷитукут, иўырңа қамахлъюта алъяңуҳсяҳқа̄гукут,

1е Коринфянам 2:14

Иўырңа кина алңунак алъхыӷусимаңилңуқ Аглыӷналӷӣгның Таӷныӷагның, тугуклъиӷиңигатуқ тунусяның Таӷныӷагның пиның. Тама̄кут тунусят тымңитхўаңӯт лъңани. Лӣгикыпагниңитӣ қаюҳлъяк Аглыӷналӷӣм Таӷныӷам каюсилъҳӣна̄кун лӣгиксяҳқа̄гуқ.

1е Коринфянам 2:7

Пыҳқинылъық апыҳтӯсяқа Кияӷныӷым пыҳқинылъқа̄, налъюка̄т югыт. Югыт налъюкңўа̄ӷьяқаңат та̄на пыҳқинылъық кынляңа Кияӷныӷым лӣтыстылъҳанун. Талўа нунаңлъя̄маңилъюни Кияӷныӷым усюқсяҳқа̄люта пикақӣлъю пыҳқинылъыӷмикун.

1е Коринфянам 4:1

Сюмыҳтаӷа̄ткитыкут қыпҳаҳтыкнилюта Христосымун. Қыпҳаҳтыңӯкут апыҳтуӷилӷӣт ипапиҳқылъыӷмың Кияӷныӷым апыҳтӯтка̄ның хўаңкунъун.

1е Коринфянам 4:7

Китум пиниӷатаӷаҳтыстиси ухпықа̄лгутыхпысиның? Сяңўа̄ қамахлъюку Кияӷныӷмың пикаҳси. Кияӷныӷым тӯнумакаңиси, а̄ңа̄юхтыхпынаси. Уңипаҳпынаси хўатын: «Сяңўа̄ қамахлъюку хўаңамның пикақақа».

К Ефесянам 1:18

Юӷа̄ткақа ниӷук кӯкхутысқылъюку илюхпысинун, лӣгикысқылъюку сиӷималъық Кияӷныӷым лъпысинун пикыстыка̄ қаюҳлъяк накмикыхкақӣси. Юӷа̄ткамсилъю лӣгикысқылъюки кымнаҳлъягыт қуястылъыҳлъягыт Кияӷныӷым акықусяқыхкӣ югминун.

К Ефесянам 1:9

успықылъыӷминың сялин алӣҳсигалъкымъиның сивунӷани. Та̄наңӯқ Кияӷныӷым успықыхка̄, пикақа̄ Христосыкун.

К Ефесянам 5:32

Та̄м Акузитым Игақыхкам қайвиҳта̄ мыгнунапихлъыҳӣ ипапилъық: Христосылъю, ухпықатлъю ата̄сӣгут.

К Ефесянам 6:19

Хўаңалъю юӷа̄ткитыңъа Кияӷныӷмун акузитылитысқылъюңа. Та̄хкын тытухпынаңа апыҳлъықақа сяңўа̄ Кияӷныӷым сялин лӣгикыстылъҳилъкаңа Пинилӷӣның Уңипаның аюқылӷӣ.

К Колоссянам 2:2

Таўатын пӣқуңа илюңит илютуҳтысқылъюки, ата̄сӣҳтысқылъюкилъю пиниқылъыҳқун. Ынка̄м лӣгикңўа̄ҳлъықа̄т сяңўа̄ Кияӷныӷым қайвиҳсимаңилъкаңа сивунӷани. Та̄на Кияӷныӷым қайвиҳтыка̄ Христосыңӯқ.

1е Тимофею 3:16

Налъюнықнаҳаңунаки ухпықапут апыҳтӯсят Кияӷныӷым қайвиҳтыкӣ сыӷлыҳлъягӯтлъю, ипапыста̄ӷӯтлъю: Христос алъхықа̄гуқ югусипигулюни, Кияӷныӷым Таӷныӷахкынка лӣсимакыстӣ тама̄кут лъңан пикӣ ылъқуӷутңатаңи, яқулгытлъю ысҳақақа̄т. Уңипақыхка̄гуқ нунатаҳа̄ни тамаҳа̄ни, ухпықыхкақа̄т нунатаҳа̄ни тамаҳа̄ни, та̄хкын қилягмун маю̄ткагуқ.

1е Тимофею 3:9

Пыхсяҳқақынӷитӣт апыҳтӯсят Кияӷныӷым қайвиҳқыхкӣ, умьюгӣтлъю сыӷлыӷьюгисяҳқа̄гут.

От Иакова 1:5

Налиҳси пыҳқинылъыңьюкуми туңсиӷли Кияӷныӷмың. Кияӷнық иӷлыгитыҳлъяхтуқ, қуякусиқинаӷлюку тӯныхкаюўа̄ қамахлъюку ю̄к а̄плъыҳӣ. Кияӷныӷым тӯнылъықӣси туңсиқуфси.

1е Иоанна 2:20

Иўырңа лъпыси, Христосым кӯвыхкақӣси Аглыӷналӷӣгның Таӷныӷагның ынка̄м қамахлъюси лӣсимакаҳси ипапиҳқылъық.

1е Иоанна 2:27

Иўырңа лъпыси Христосым кӯвикыхкақӣси Таӷныӷагминың. Таӷныӷакык илюхпысинитутмыгның алъя кина алңунак Апыҳтуӷистыксюгна̄нӷитаҳси, қаюҳлъяк Таӷныӷахкынка апыҳтуӷақӣси сямың тамаҳа̄ның. Апыҳтӯсӣ ипаңӯт, тымңиңунӷитут ынка̄м Таӷныӷам апыҳтулҳатун Христосымытыкыстаҳтык.