От Матфея 12:45 - Новый Завет на эскимосском языке

⁴⁵ Та̄хкын а̄нлюни тагиткӣ ма̄ӷраӷвинлык туӷныӷа̄т лъңаның сыӷлыӷатаӷалӷӣт. Итыӷа̄лъютың югмун таўантыкат. Ынка̄м та̄на ю̄к сивунӷаның ўатақа̄ӷақ сыӷлыӷўа̄ӷуҳтыкақ. Таўатыҳпигақ аюқсяҳқа̄гут сыӷлыӷыт югыт кияҳлъыҳӣт ма̄тын, ўатақа̄ӷақ сыӷлыӷуҳтаӷаӷьяҳқа̄гут сивунӷани пилъыӷмыхның».

От Матфея 12:45 Iomraidhean Croise

От Матфея 12:24

Фарисеит нагалъютың пикат: «Югның а̄ныстақӣ туӷныӷа̄т қаюҳлъяк атуқңукаңа аҳтуӷьяҳқа̄нӷилъҳа Веельзевулым, иглыӷутистыңат Туӷныӷа̄т».

От Матфея 12:44

пикақ: “Кияҳфиксяқымнун утыҳнақуңа”. Ка̄сялӷӣми па̄ҳқитыфтуқ, а̄лъўа̄ӷлюни, миңлъыхтыңъўа̄ӷлюни аюқыфтуқ.

От Матфея 17:21

Иўырңа таўатылңуқ туӷныӷақ юӷаҳӣнаҳқунлъю, посталъыҳқунлъю а̄нысяҳқақаҳси.

От Матфея 23:15

Сыӷлыӷўа̄ӷунақңӯси лъпыси апыҳтуӷикаюгни Лӣлиҳтӯсяның, Фарисеинилъю! Пинӣюгныӷӯси! Иглыӷа̄қуси кылъӣкунлъю, қӯткунлъю иваӷналюку ата̄сиқ ю̄к ухпыҳнъалюку лъпысистун. Та̄хкын апыҳтӯсяси ухпықыхкаки апыҳтӯсяҳпыси агляҳтысяҳқа̄ҳлъықа̄ геенамун, ынка̄м лъпыси аӷью̄лъыҳпысиның малӷуҳқыңъа̄н аӷью̄лъыңьяҳқа̄гуқ!

От Матфея 23:24

Ая̄кани иглыӷутистыни! Юхтун аюқуси ңӯйңа̄ӷақ мыӷьяҳқаминың иқилъюку та̄хкын верблюд тӯфлъықа̄!

От Марка 16:9

Сивулӣм аӷныӷани неделям, уна̄ңупихлъюку Иисус уңувақа̄лӷӣ туқулъыӷмың. Алӣӷвиксюхўа̄қа̄ Мария Магдалаӷмӣ. (Аӷнамың та̄хкын а̄ныстыкақыхкаңи ма̄ӷраӷвинлык туӷныӷа̄т.)

От Марка 5:9

Иисусым а̄птыка̄: «Кинаңузин?» Югым кӣмсиқа̄: «А̄тқақа “Угляҳлъяк” қаюҳлъяк угляҳлъяхтукут!»

От Луки 11:26

Та̄хкын а̄нлюни тагиткӣ ма̄ӷраӷвинлык туӷныӷа̄т лъңаның сыӷлыӷатаӷалӷӣт. Итыӷа̄лъютың югмун таўантыкат. Ынка̄м та̄на ю̄к сивунӷаның ўатақа̄ӷақ сыӷлыӷўа̄ӷуҳтыкақ».

К Ефесянам 6:12

Нықамиклъюку, пилъюўа̄ңунӷитапут югыт. Итупилъ пилъюўа̄ңўа̄пут иглыӷутилӷӣт, аҳтуӷьяҳқа̄нӷилъылгыт, иглыӷутилӷӣт нунам мамлыганың, сыӷлыӷытлъю туӷныӷа̄т қиляганилңӯт.

К Евреям 10:39

Иўырңа хўаңкута пыхтикастун ухпықилъыӷмыхның аюқынӷитукут, на̄фқылъыңьяҳқастун. Иўырңа ухпықилъылгӯкут ынка̄м уңувасипут югулика̄гут.