От Матфея 12:32 - Новый Завет на эскимосском языке

³² Китум алңунак кипулъыгмун сямың пикумигу Иӷныӷа Югым, сыӷывутылъыңьяҳқа̄гуқ. Иўырңа китум алңунак кипулъыгмун сямың пикумикык Аглыӷналӷӣк Таӷныӷак, сыӷывутылъыңна̄нӷитуқ ма̄тын кияҳта̄лъыӷми, налиӷмың тӯңлиҳа̄ни».

От Матфея 12:32 Iomraidhean Croise

От Матфея 11:19

Иӷныӷа Югым тагӣқңами, ныӷылгусиӷақӣ, мыӷылгусиӷақӣлъю югыт, ынка̄м югыт хўатын пика̄гут: “Ю̄кқун та̄на ысҳақаҳтыху! Ныӷытупихтуқ, мыӷытупихтуқ, илякумта̄қа̄тлъю налогмың қырңуҳтистыңита, сыӷлыҳқыстытлъю!” Нақамлъю Кияӷныӷым пыҳқинылъҳа ипапиҳқыңъа̄қ сялъҳакун».

От Матфея 12:31

Тама̄кын апалъюқлъюку уңипа̄тамси югыт сыӷывутылъыңьяҳқа̄гут алңунак сыӷлыҳқылъыӷмыхның, алңунаклъю сыӷлықӯлъыӷмыхның. Иўырңа китум алңунак сыӷлықӯқумикык Аглыӷналӷӣк Таӷныӷак, сыӷывутылъыңна̄нӷитуқ.

От Матфея 12:8

қаюҳлъяк Иӷныӷа Югым, Атанқа̄ Субботам».

От Матфея 13:22

Тама̄кут пӣтутыт сикуҳлъюхтуқакун сюнакун тыкиткат успутңа̄т китумун алңунак нагақӯлъҳӣмун уңипа̄мың, та̄ўаңинақ тыхылъҳӣлъҳан кияҳта̄ӷусиҳқамың, аклъюңиӷиюлъыҳлъяганлъю пӣтфигиӷақа̄ уңипақ. Тама̄кын апалъюқлъюку пӣтыстиңигатуқ.

От Матфея 13:39

Аңуяк пӣтыстикақ плевелымың Туӷныӷа̄гуқ. Унаталъық нунам кынлытҳӯтылъқа̄, унатаҳтыт яқулгӯт.

От Матфея 13:40

Унаталъыӷми плевелыт қырңуҳлъюки паныҳтақӣт. Таўатыҳпигақ кынлытҳӯтылъҳани нунам, югыт Туӷныӷа̄м пиңи қырңуҳлъюки паныҳсяҳқа̄гут.

От Матфея 13:55

Иӷнықынӷитагӯ плотникым? Мария на̄кынӷитагӯ, ӯк аңлыгуткынӷитакӣ Иаковлъю, Иосифылъю, Симонлъю ынка̄м Иудалъю?

От Матфея 8:20

Иисусым пика̄: «Кавӣӷыт рӣхтылгӯт, қаўа̄гыт уңлютылгӯт, иўырңа Иӷныӷа Югым иңаҳфигитақуқ».

От Марка 10:30

алъхыӷута̄ӷаӷьяҳқа̄гуқ хўани кияҳта̄лъыӷми. Мыңтыӷа̄, аңлыгутаңи, на̄ңа, авақутӣ, нунаңа, нуляҳлъягьяҳқа̄гут; тама̄кунун малигулъюку амью̄ткылъыңьяҳқа̄гуқ. Та̄хкын та̄кўаниңани кынлыңилңуӷмың уңувалъыңьяҳқа̄гуқ.

От Марка 3:28

Ипа уңипа̄тамси, югыт сыӷывутылъыңьяҳқа̄гут сыӷлыҳқылъҳитның, сыӷлытунлъю акузиткылъҳитның Кияӷнық.

От Марка 3:29

Иўырңа китум алңунак сыӷлытун акузиткыхкумикык Аглыӷналӷӣк Таӷныӷак сыӷывутылъыңна̄нӷитуқ, қаюҳлъяк сыӷлыҳқыңъӯқ Кияӷныӷым сыӷывусяҳқақынӷилъкаңаның. Та̄на сыӷлыҳқылъық кыңлыңилңӯгуқ».

От Луки 12:10

Китум алңунак сыӷлытун акузиткыхкумигу Иӷныӷа Югым, Кияӷныӷым сыӷывусяҳқақа̄. Иўырңа китум алңунак сыӷлытун акузиткыхкумикык Аглыӷналӷӣк Таӷныӷак, Кияӷныӷым сыӷывунъа̄нӷита̄.

От Луки 16:8

Умӣлган усюқыхка̄ ата̄сӣӷныӷилңуқ қыпҳаҳтыни пыҳқиниқылъҳаның. Ипаңӯқ ӯм нунам юги илямыхның акилъпыганыӷмыхни, тукфиҳтуныӷмыхни, пыҳқиниқатаӷаӷақут ниӷугмылңуӷның югның.

От Луки 18:30

хўани кияҳта̄лъыӷми алъхыӷутыҳлъягьяҳқа̄гуқ. Ынка̄млъю қилягми кынлыңилңуӷмың уңувалъыңылъықуқ».

От Луки 23:34

Иисус пикақ: «Ата̄й, сыӷывутики, қаюҳлъяк на̄лъюкут ся̄қутсың». Пилъюўаҳтыт атыҳтӣра̄ӷуткылъюки а̄ткӣ ныңӣткӣт.

От Луки 7:34

Иӷныӷа Югым тагилюни, ныӷылгусиӷӣқлъю, мыӷылгусиӷӣқлъю югның ынка̄м пика̄гуси: “Ю̄кқун та̄на ысҳақаҳтыху! Ныӷывалъю̄гуқ, мыӷывалъю̄гуқ, илякумта̄қа̄тлъю налогмың қырңуҳтистыт, сыӷлыҳқыстытлъю!”

От Иоанна 7:12

Угляпихлъыҳӣт югыт таўанлыңӯт сигутқӯткыхка̄т Иисус. Иляңита пика̄т: «Иисус пинӣпихтуқ ю̄к». Иляңита пика̄т: «Нака̄, пӯҳтақӣ югыт».

От Иоанна 7:39

Иисусым акузиткыңъукык Аглыӷналӷӣк Таӷныӷак. Кияӷныӷым Таӷныӷагни сялин тӯнигата̄к қаюҳлъяк сялин кывгигалъкаңа Иисус қӯлвалъылитыҳлъягналюку. Иўырңа та̄кўаниңани тама̄кут ухпықилӷӣт Иисусымың, алъхыӷусяҳқа̄гут Таӷныӷагның.

От Иоанна 7:52

Пика̄т: «Лъпыклъю Галилеямың пиңузин? Лӣнъақики Акузитыт Игақыхкат. Лӣлъықан ӯкналиқистыңитуқ тагикамың Галилеямың».

Деяния 3:19

Тама̄кын апалъюқлъюку авутыҳқылъюси, сыӷлыҳқынъаниӷлюси қӣвитык Кияӷныӷмун. Ухпықитыху Атанық ынка̄м сяңихлъықӣ сыӷлыҳқылъыси.

К Ефесянам 1:21

Кияӷныӷым қулиҳпига̄ҳтыстыкақа̄ Христос тамаҳӣтның иглыӷутистының, қылӷикаюгның, аҳтуӷьяҳқа̄нӷилъылыгның, умӣлыгныңлъю. А̄тҳа иңья̄тңаҳлъяхтуқ атыӷьяхаӷның нунами хўани, нунаӷраӷаҳқамилъю.

1е Тимофею 1:13

Сивунӷани сыӷлыпыста̄тун акузиткыхкақақа Христос, сыӷлыпыста̄тунлъю пикақақа. Амьюқыта̄ткақңамки малихся̄ҳтыңи таўатытыфтуқ амьюқыта̄ткыңъуфтақа лъңа. Таўалъӣма Кияӷныӷым наңлъыкыхкақыхкаңаңа қаюҳлъяк сялин ухпықигалъкыхка Христос, лӣгикумаңилъкыхка ся̄қутка.

1е Тимофею 1:15

Сямың пилъыҳқақа ипаңӯқ ынка̄м қамахлъюни ухпықсяҳқа̄гуқ: «Христос Иисус тагика̄гуқ нунамун югулиналюки сыӷлыҳқыстыт». Хўаңа сыӷлылъыҳпига̄гуңа сыӷлыҳқыстының.

1е Тимофею 4:8

Югусим уляпылъҳа пиниҳтуқ, иўырңа кияҳтылъыҳпут Кияӷныӷым пиюкылъҳатун аюқылӷӣ пиниӷатаӷаҳтуқ. Каюсӣсяҳқақӣлъю хўани уңувалъымнъи, тӯңлиҳа̄нилъю уңувалъҳым.

1е Тимофею 6:17

Қука̄юхтыснаниҳқи тама̄кут аклъюңилңӯт нунами хўани, талўа сиӷимаснаниҳқи аклъюңиңитхун налъюнықналӷӣтхун. Иўырңа сиӷимасқики Кияӷныҳқун. Лъңан иӷлыгутыхпына̄мта тӯнақӣлъю сямың тамаҳа̄ның пиниӷью̄гусиҳқамың.

2е Тимофею 4:10

Димасым пиниқсялӣсима̄ нунам кияҳта̄лъҳа ынка̄м унисима̄ңа, аӷуляқума̄қ Фессалоникамун. Крискента Галатиясима̄қ ынка̄м Тит Далматиямун пима̄қ.

К Титу 2:12

Та̄м пиниқылъҳым апыҳтуӷӣлъю пыхтысқылъюку кияҳта̄лъық Кияӷныӷмун аюқынӷилңуқ, иҳсякысқылъюки нунам юган пиюкылъҳи сыӷлыҳқыңъалӷӣт. Апыҳтуӷӣлъюлъю нуқынъыҳтусқылъюта, ылъқуӷутңалюта, кияҳтысқылъюта Кияӷныӷым пиюкылъҳатун нунами хўани.

От Иакова 1:27

Кияӷныӷым Атамта пилъҳани ю̄к ухпылъыпӣлгукуми, каюсиӷьяҳқақӣ яйўа̄литлъю, угиңиӷатлъю сыӷлылӣнӷата, нуқысяҳқа̄гуқлъю сыӷлыӷаның нунам.