От Матфея 12:31 - Новый Завет на эскимосском языке

³¹ Тама̄кын апалъюқлъюку уңипа̄тамси югыт сыӷывутылъыңьяҳқа̄гут алңунак сыӷлыҳқылъыӷмыхның, алңунаклъю сыӷлықӯлъыӷмыхның. Иўырңа китум алңунак сыӷлықӯқумикык Аглыӷналӷӣк Таӷныӷак, сыӷывутылъыңна̄нӷитуқ.

От Матфея 12:31 Iomraidhean Croise

От Луки 12:10

Китум алңунак сыӷлытун акузиткыхкумигу Иӷныӷа Югым, Кияӷныӷым сыӷывусяҳқақа̄. Иўырңа китум алңунак сыӷлытун акузиткыхкумикык Аглыӷналӷӣк Таӷныӷак, Кияӷныӷым сыӷывунъа̄нӷита̄.

Деяния 7:51

Стефаным нагныӷуткӣ: «Пиныҳлъюхлъягни лъпыси, қа̄ткысюгигатаҳси, ухпықсюгигатаҳси Кияӷнық. Кияӷныӷым уңипӣ нагасюгигатаси, иҳсякыра̄ӷақахсилъю Аглыӷналӷӣк Таӷныӷак сивуныҳпысистуңўа̄қ.

К Евреям 10:26

Сыӷлыҳқысюга̄тақумта киңуңаның лӣлъюку ипапилъық, та̄ўа аҳтуткаҳқӣтуқ иқитусиҳқамың тама̄вык сыӷлыҳқылъыӷнун.

К Евреям 10:29

Сюмыҳтаӷа̄ткаҳтыху натынми аңкаслъюган Кияӷныӷым аӷью̄ҳлъықагу ю̄к тутма̄сҳақӣқылӷӣ Иӷныӷаның Кияӷныӷым, пӣқылӷӣ сятңунӷинъилюку а̄ўк апыӷӣӷуткақ акықусяӷраӷаӷмың (қайўа Кияӷныӷым укмаңӣсиқыхкақыӷңа̄гу сыӷлыҳқылъҳанун), сыӷлықӯӷӣқылӷӣлъю наңлъыхталӷӣгнун Таӷныӷагнун.

К Евреям 6:4

Тама̄ иляңаның юлгӯқ алъхыӷутка̄ялӷӣның Кияӷныӷым ниӷуганың, на̄сӣқақа̄тлъю қилягым тунуся̄. Алъхыӷутка̄гутлъю Аглыӷналӷӣгның Таӷныӷагның. Нанӷӣқақӣт пиниҳтуляңи Кияӷныӷым акузитаңи, нанӷӣқақа̄тлъю Кияӷныӷым аҳтуӷьяҳқа̄нӷилъҳа нунакаҳқамылңуқ. Та̄хкын ухпықнаниқумыхтыху Христос, авутыҳқынқихтыпагниңӣлъықут қаюҳлъяк қақӯранқихтыкаңат Кияӷныӷым Иӷныӷа, кайңуся̄кыхкаңатлъю юхтуқами.

1е Иоанна 1:9

Иўырңа а̄пқумтыки сыӷлыҳқылъыпут Кияӷныӷмун, сыӷывусяҳқақӣлъю сыӷлыҳқылъымнъың, укмаңиӷьяҳқақӣлъюлъю тамаҳа̄ның анахутаӷалъымнъың қаюҳлъяк ата̄сӣӷмытуқлъю, ылъқуӷулъюнилъю аюқылӷӣңӯқ.

1е Иоанна 5:16

Китум ысҳақумигу ухпықа̄лгутни сыӷлыҳқылӷӣ туқумун аюқынӷилңуӷмың юӷа̄ткылъигу ынка̄м Кияӷныӷым тӯнлигу уңувалъыӷмың. Акузиткыңъўа̄нка югыт сыӷлыҳқылъҳита туқумун пияҳқақынӷилъкаңитның. Сыӷлыҳқылъылгӯқ туқумун аюқылӷӣмун. Иўырңа юӷа̄ткысқыңъунӷитақа таўатын сыӷлыҳқылӷӣ.