От Матфея 12:29 - Новый Завет на эскимосском языке

²⁹ Кина алңунак итыӷьюкуми икнақылӷӣм югым мыңтыӷа̄нун тыглыгуӷналюни сяӷьяңаның, сивуклъюку ю̄к асиҳқысяҳқақа̄. Та̄хкын ўаяҳтыҳлъықӣ сяӷьяңи.

От Матфея 12:29 Iomraidhean Croise

От Матфея 12:28

Иўырңа Кияӷныӷым Таӷныӷахкынка аҳтуӷьяҳқа̄нӷилъҳакун а̄нысқӯңукума туӷныӷаӷның, та̄ўа та̄м ипапиҳқа̄ Атаныҳпагулъҳа Кияӷныӷым ка̄сима̄қ лъпысинун.

От Матфея 12:30

Кина алңунак хўаңамнинъыӷилңуқ кипулъхина̄ҳтыкақа; китум алңунак қырңуҳтилгусинӷилъкумиңа миңитистыңӯқ.

От Марка 3:27

Кина алңунак итыӷна̄нӷитуқ икнақылӷӣм югым мыңтыӷа̄нун ўаяҳтыӷналюки сяӷьяңи. Сивуклъюку икнақылӷӣ ю̄к асиҳқаҳлъюку, та̄хкын ўаяҳтыҳлъықӣ сяӷьяңи.

1е Иоанна 3:8

Кина алңунак сыӷлыҳқумаңиналӷӣ Туӷныӷа̄м пика̄ қаюҳлъяк Туӷныӷақ сыӷлыҳқыңъулӷӣ има пӣнлиӷьюхўа̄лъыӷмың. Иӷныӷа Кияӷныӷым алъхықа̄гуқ уна апалъюқлъюку, на̄фқынъалюку Туӷныӷа̄м қыпҳақа̄.

1е Иоанна 4:4

Таӷнуҳаӷни, лъпыси Кияӷныӷым пикутаңаның, кая̄лъқыхкақаси тама̄кут қаюҳлъяк илюхпысинилңуқ аҳтуӷьяҳқа̄нӷитаӷаҳтуқ нунамылңуӷмың.