От Матфея 11:23 - Новый Завет на эскимосском языке

²³ Ынка̄м лъпыси, Капернаумыӷмӣни! Қайўа аңлистыҳлъягьяӷңа̄ҳпыси лъпысиның катам рыпалъ сюмыҳпысини усюқылъыңылъықнилъюси қилягми, йыӷлыги укихлъықӣси геенамун. Алъя̄ҳлъюхўаҳтилъыҳлъягыт пика̄яқата Содомыми, паниның аӷныӷми хўани ныкывӷанаяҳтуқ!

От Матфея 11:23 Iomraidhean Croise

От Матфея 10:15

Ипа уңипа̄тамси, Нанқихтилъҳым Аӷныӷани, Содомыӷмӣтлъю, Гоморраӷмӣтлъю аӷью̄лъыҳқыста̄ҳа̄яҳқа̄гут та̄хкын юганың!»

От Матфея 16:18

Ынка̄м пӣмкын, Петырыңӯтын, Уйӷак. Хўагун уйӷахкун ныкыфлъықақа юӷаӷвика, туқулъҳым аҳтуӷьяҳқа̄нӷилъҳан кая̄лъқысяҳқақынӷитңхўа̄ӷа̄.

От Матфея 17:24

Та̄хкын Иисус малихся̄ҳтыкулъҳӣт Капернаумымун тагията, Храмым налогмың қырңуҳтистыңита такулюку Петр а̄птыка̄т: «Апыҳтуӷистызи Храмым налоганың лъивикӣқа̄?»

От Матфея 4:13

Назаретымың агляқақ Капернаумымун тама̄нъалюни. Капернаум ысныңанитуқ На̄йвам Галилеям, нунами Завулонылъю, Неффалимылъю киңунӷита кияҳфигитни.

От Матфея 8:5

Та̄хкын Иисус Капернаумымун пикақ. Ка̄тақуқлъю, Римым умӣлўа̄ӷан такулюку каюсӣтаҳтысқылъюни пика̄:

От Луки 10:15

Ынка̄м лъпыси, Капернаумыӷмӣни! Қайўа аңлистыҳлъягьяӷңа̄ҳпыси лъпысиның катам, рыпалъ сюмыҳпысини усюқылъыңылъықнилюси қилягми, йыӷлыги укихлъықӣси геенамун!»

От Луки 14:11

Тамаҳаӷмың лъңитның а̄ңўа̄ӷуҳтыкат қусывыхтылъыңьяҳқа̄гут, иўырңа тамаҳаӷмың лъңитның қусывыхлъыҳӣт, та̄ўа а̄ңўа̄ӷуҳтылъыңьяҳқа̄гут».

От Луки 16:23

Адыми аклъюңилңуқ ю̄к икфиқыҳлъягуфтуқ. Қӯлмун ысҳаӷьялӷӣми, уяваҳпанлъюкык ысҳақакык Авраамылъю, Лазарылъю ся̄қўлиқулъютык.

От Луки 4:23

Иисусым пикӣ: «Налъюнықнаңуна̄н хўаңамнун апыҳлъықаҳси хўатын пилъық: “Аӷалъыхтақ, лъпынун на̄лъҳутын”. Нагақуқақапут Капернаумыми пикаҳтын, ма̄нилъю аңливихпыни тама̄кут пӣҳтики, ынка̄м ухпықылъықамкын Мессияңунилютын».

Деяния 2:27

қаюҳлъяк унинъа̄нӷитахкын уңувасихка туқумалӷӣни, талўа Сыӷлыҳқумаңилңӯм югусӣ аӷусна̄нӷитан.

От Иуды 1:7

Нықамиклъюки Содомыӷмӣтлъю, Гоморраӷмӣтлъю, увитаңитнилңӯтлъю нунат. Яқулгыстун сыӷлыҳқыхка̄гут. Алъя̄ҳӣнақ блудодействылъық пика̄т, талўа югыт юлгуткулъҳӣт атуқутақлъютың, сяңўа̄тлъю сыӷлыӷатаӷа̄т атуқыхкақӣт. Успута̄гут Кияӷныӷым аӷьюӷилъҳаның сыӷлыҳқыстынун кынлыңилңуҳқун кыныҳқун.

Откровение 1:18

Уңувалӷӣңӯңа! Туқука̄яҳтуңа, иўырңа ӣи, уңуваңӯңа қӯнпырухлъяк кынлыңуна̄н. Қипыталгӯңа Туқулъыӷмыңлъю, Адымыңлъю.

Откровение 11:8

Кымыхкўа̄ӷик тама̄нлъықук тӯмңани ныҳлъягым, Атанӷита қақӯраӷвигани. Та̄на ныҳлъяк а̄тқыфтуқ Содомымыңлъю, Египетмыңлъю қаюҳлъяк юги Содомыӷмӣстунлъю, Египетыӷмӣстунлъю аюқылӷӣт.

Откровение 20:13

Та̄хкын кылъӣм туқумастӣни пыхтӣ. Туқулъҳымлъю, Адымлъю туқумаститың пыхтӣт. Қамахтыңъўа̄ӷлюки Кияӷныӷым нанқихтӣ кияҳта̄лъҳистун.

Откровение 6:8

Ысҳаӷақа аҳся̄лъя̄к кӯни. Иглыӷутистыңан а̄тқыфта̄ Туқулъық, Адым малихта̄. Пилъыҳқалитка̄фтук туқуқӣсқылъюки ыстамаҳқылъҳан нунам юги сявихпахкун, паныӷа̄тылъыҳқун, ақниӷныҳқун, угўиҳсялӷӣтхунлъю тыӷикусӣтхун нунам.