От Матфея 10:40 - Новый Завет на эскимосском языке

⁴⁰ «Китум алңунак упуӷаскаңиси, хўаңалъю упуӷалъықа̄ңа, ынка̄м китум алңунак упуӷаскумиңа, упуӷалъықа̄ каяхтистыка.

От Матфея 10:40 Iomraidhean Croise

От Матфея 18:5

Китум алңунак атымкун тугуклъиныӷминигу хўатылңуқ таӷнуҳақ, хўаңа тугуклъиӷақа̄ңа.

От Матфея 25:40

Умӣлгым кӣмсиҳлъықӣ: “Ипапыста̄қ уңипа̄тамси, сяңўа̄ алңунак пикаҳси укалиҳпигаӷнун аңлыгутымнун, хўаңамнун пӣқаси!”

От Матфея 25:45

Та̄хкын Умӣлгым кӣмсиҳлъықӣ: “Ипапыста̄қ уңипа̄тамси, таўатын пинӷитылъыҳпысистун налиҳӣнӣтнун укут укалиҳпига̄т, хўаңа пинӷитақаҳпысиңа”.

От Марка 9:37

«Китум алңунак тугуклъиқумигу таӷнуҳаҳақ ӯтун аюқылӷӣ хўаңа апалъюқлъюңа, тугуклъиӷақа̄ңа хўаңа. Китум алңунак тугуклъиқумиңа, тугуклъиҳлъықа̄ Атака̄ каяхтикақ хўаңамның».

От Луки 10:16

Малихся̄ҳтыни Иисусым пикӣ: «Китум алңунак нагаскумиси, нагалъықа̄тңа хўаңа. Китум алңунак иҳсякыхкумиси, иҳсякылъықа̄тңа хўаңа, ынка̄м китум алңунак иҳсякыхкумиңа, иҳсякылъықа̄т каяхтистыка».

От Луки 9:48

Пикӣ: «Китум алңунак атымкун тугуклъиқумигу уна таӷнуҳақ, тугуклъиҳлъықа̄ңа. Ынка̄м китум алңунак тугуклъиқумиңа, тугуклъиҳлъықа̄ каяхтистыка. Кина алңунак укалиҳпигақ акулыхпысинилңуқ, аңылъыҳпига̄гуқ».

От Иоанна 13:20

Ипа уңипа̄тамси, китум алңунак тугуклъиқумигу каяхтыкақа̄, хўаңалъю тугуклъиҳлъықа̄ңа. Ынка̄м китум алңунак тугуклъиқумиңа, тугуклъиҳлъықа̄ Каяхтикақ хўаңамның».

От Иоанна 20:21

Та̄хкын Иисусым пиля̄тақӣ: «Ныкыхмылъық лъпысинилъи. Катам таўатын Атам каяхтылъҳатун хўаңа, таўатыҳпигақ каяхтамси».

От Иоанна 5:23

Кияӷныӷым таўатын пикақа̄ Иӷныни тамаҳа̄нун қӯлвӣсқылъюку катам таўатын қӯлвалъҳистун Ата. Китум та̄м қӯлвӣгалъкумигу Иӷнық қӯлвӣгата̄ Ата каяхтикақ Иӷныӷмың.

2е Коринфянам 5:20

Кияӷныӷым каяхтыкақӣлъю уңипаҳтыңулюта Христосымун, ынка̄м хўаңкутхун тагисқылъюси лъңанун. Акузистыңӯкут Христосымун кайымилӷӣт илялӣӷутысқылъюси Кияӷныӷмун.

К Галатам 4:14

Қайўа қинуюлъыӷма сыӷлылӣҳтысяӷңа̄ӷмиси укаваҳсимаңитаҳпысиңа налиӷмың иҳсякумаңитаҳпысиңа. Йыӷлыги, упуӷатаҳпысиңа никимқун Кияӷныӷым яқулгатун, налиӷмың Христос Иисусытун.

1е Фессалоникийцам 4:8

Ынка̄ңам китум алңунак қа̄ткынӷилъкумики тама̄кут апыҳтӯсят, Кияӷныӷӯқ қа̄ткынӷилъкаңа нака̄н ю̄к. Кияӷныӷӯқ тӯнистызи Аглыӷналӷӣгның Таӷныӷагның.

2е Иоанна 1:9

Китум алңунак қа̄сҳускумики апыҳтӯсӣ Христосым Кияӷнық лъңанинъыӷитуқ. Иўырңа китум алңунак атуқумаңинақумики апыҳтӯсӣ Христосым, Атаңалъю, Иӷныӷалъю лъңанитук.