От Матфея 10:2 - Новый Завет на эскимосском языке

² Укуңӯт қуля ма̄лӷук сӣпнықлъюку апостолыт: сивулиқ, Симон (алъя атылык Петырымың), Андрей (аңлыгутаңа), Иаков Иоанн (Зеведейем иӷныӷык),

От Матфея 10:2 Iomraidhean Croise

От Матфея 17:1

Аӷвинлык аӷнық атуӷлюку, Иисусым кылъқыхкӣ Петр, Иаковылъю ынка̄м Иоанным, аңлыгуткулъҳӣк, маю̄ткӣ ӯсқалӷӣмун на̄йӷамун лъңинӣта.

От Матфея 20:20

Та̄хкын Зеведейем иӷныӷыхкынка на̄ңат тагикақ Иисусымун иӷныӷыгни кылъқылъюкык. Мануңакун сыгысқуҳтыкақ а̄пфикналюку.

От Матфея 26:37

Тазиңавык кылъқыхкӣ, Петр, Зеведейемлъю иӷныӷык. Та̄хкын қивӷуҳлъягымлъю, сыӷлылӣӷымлъю ка̄тыкыстақа̄,

От Матфея 4:18

Иисусым иглыӷуткылъюку ысныңани На̄йвам Галилеям, ысҳақакык аңлыгуткулъҳӣк, Симонынкуңуфтук (а̄тҳан а̄лъҳа Петр), Андрейемлъю. Иқалъинӣлӷӣк ныгаҳпахтын милю̄тақлъюку на̄йвамун.

От Матфея 4:21

Та̄ганиқа̄ӷақ ысҳақақит аңлыгуткулъҳӣк, Иаковым, Иоанным иӷныӷык Зеведейем. Аңьямыхни атакулъҳӣт ныгаҳпатың иля̄ҳтуӷақыфтӣт. Иисусым туқлъюқакык.

От Марка 1:29

Та̄хкын Иисус а̄наӷыснаӷлюни синагогамың, Симонылъю, Андрейемлъю мыңтыӷӣтнун пикақ, Иаковылъю, Иоаннылъю малихтыка̄к.

От Марка 13:3

Елеоным найӷаҳани, Иисус лъңинаҳаӷми ақумгамалюку Храмымун аюқлъюни Петырым, Иаковым, Иоанным ынка̄м Андрейем такука̄т.

От Марка 6:30

Апостолыт утыӷниҳтӯлъютың Иисусымун а̄пқӣт апыҳтуӷилъытың, на̄лъҳуқулъыҳтың, туӷныӷаӷныңлъю а̄нысқулъыҳтың югның.

От Луки 11:49

Тама̄кын апалъюқлъюку пыҳқинылъыӷмикун Кияӷнық пика̄гуқ: “Каяхфикылъықанка ӯкналиқистыныңлъю, апостолыңаныңлъю, туқулъықӣт иляңи, амьюқыта̄ткылъықӣт иляңи”.

От Луки 22:14

Ныӷвихкақ ка̄сян Иисусылъю, апостолынилъю ихасиҳқӯткат ныӷналютың.

От Луки 22:8

Ынка̄м Иисусым пики Петырылъю, Иоаннылъю: «Ята̄ҳқысяҳтуҳтыху Пасхам нықыкаҳқа̄ ныӷӯнъалюта».

От Луки 5:10

қыпҳалгуткыклъю Иаковым, Иоанным, Зеведейем иӷныӷык. Иисусым пика̄ Симон: «Алиңыхпынаң, хўакын кынлыклъюку югмың на̄псягунъақңӯтын».

От Луки 9:10

Апостолыт утыӷниӷлютың, Иисус уңипа̄тка̄т апыӷӣӷутылъыӷмыхның. Аӷуляқуткӣ ныҳлъягмун Вифсаидамун лъңина̄налютың.

От Иоанна 12:22

Ынка̄м Филиппым уңипа̄лъюку Андрей, уңипа̄сяҳтуқа̄к Иисус.

От Иоанна 13:23

Ата̄сиқ малихся̄ҳта пиниқыхка̄ Иисусым ақумгалӷӣ ся̄ӷўани.

От Иоанна 20:2

Ынка̄м кытанқуснақ агляқақ Симон Петырымунлъю, иляңанунлъю малихся̄ҳтымун, Иисусым пиниқыхка̄нун. Мариям пики: «Нӯхсима̄т Атанық лъӣвӷаның. Налъюкаҳпут навык лъиматаңа».

От Иоанна 21:2

Иляңиңуқ малихся̄ҳтым қырңаӷмыткат на̄йвами. Симон Петырлъю, Фомалъю (а̄тҳан а̄лъҳа Малӷи), Нафанаилылъю, Канамың пи Галилеямылңуӷмың, Зеведейемлъю иӷныӷык, алъя ма̄лӷук малихся̄ҳтык.

От Иоанна 21:20

Петырым қӣвлюни ысҳақа̄ малихся̄ҳта Иисусым пиниқыхка̄ малигулъҳӣ. (Та̄наңӯқ малихся̄ҳта аяқиҳтыкақ Иисусыкун ныӷӯтңулютың а̄птикақ: «Атанық, китум увыҳпагунъақатын?»)

От Иоанна 21:24

Лъңаңӯқ малихся̄ҳта а̄пҳӣқылӷӣ тама̄кын пилъыӷның, игақуқақӣлъю тама̄кут. Лӣсимакапут а̄пқӣ ипаңӯт.

От Иоанна 6:67

Иисусым а̄птыкӣ қуля ма̄лӷук сӣпнықлъюку малихся̄ҳтыт: «Лъпысилъю аӷуляқсюгыстык?»

От Иоанна 6:70

Та̄хкын Иисусым пикӣ: «Накмикыхкақақа қуля ма̄лӷук сӣпнықлъюку малихся̄ҳтыкаҳқақ, лъпысиңӯт. Иўырңа налиҳси ата̄сиқ туӷныӷа̄гуқ».

От Иоанна 6:71

Иисусым акузиткыңъукаңа Иуда, иӷныӷа Симон Искариотым қаюҳлъяк та̄кўаниңани увыҳпагусяҳқақыхкаңа. Иуда илякыхкаңат та̄кут қуля ма̄лӷук сӣпңалӷӣт малихся̄ҳтыт.

От Иоанна 6:8

Иляңалъю малихся̄ҳта таўанлыңуқ, Симон Петырым аңлыгутаңа Андрей. Андрейем пика̄ Иисус:

Деяния 1:13

Петырлъю, Иоаннылъю, Иаковлъю, Андрейлъю, Филипплъю, Фомалъю, Варфоломейелъю, Матфейелъю, Иаковлъю, иӷныӷа Алфейем, Иудалъю, иӷныӷа Иаковым, Симон Зилотлъю, ка̄лъютың Иерусалимымун маюқат қымтамун наюмыхнун.

Деяния 1:26

Та̄хкын ма̄лӷук уйӷагык сямун канаҳлъюкык аӷулясяқмыхтыху а̄лъҳа а̄нқаҳсялӷӣми Матфийеңуфтуқ накмикыхкақ. Ынка̄м иляткақ қуля ата̄сиқ сӣпнықлъюку апостолытун.

Деяния 12:2

Иоанным аңлыгутаңа Иаков туқутыстыка̄ сявихпахкун.

Деяния 3:1

Та̄хкын Петырылъю, Иоаннылъю агляқак Храмымун пиңаюмкылъя̄гым юӷа̄тылъҳани.

1е Коринфянам 15:7

Та̄хкын Иаковым ысҳақақа̄, ынка̄м киңувақун қамахлъютың апостолыт ысҳақақа̄т.

К Ефесянам 4:11

Лъңаңӯқ тунусялиқуқақ югнун: иляңи апостолыңулюки, иляңи ӯкналиқистыңулюки, иляңи евангелистыңулюки, иляңи юӷаҳтыңулюки, апыҳтуӷистыңулюкилъю.

К Евреям 3:1

Ынка̄ңам ухпықа̄лгутымни, Кияӷныӷым а̄фтыкақӣси лъңанун югулюси, туқлъюқақӣсилъю лъминитысқылъюси қилягми. Сюмыӷмиклъюку Иисус. Кияӷныӷым каяхтыка̄ апостолыңулюкулъю, Первосвященнигаңулюкулъю а̄пҳақыхкыфут ухпықнилюку.

1е Петра 1:1

Укут посланият Петырымың пиңӯт апостолаңаның Иисус Христосым, Кияӷныӷым накмикыхкӣтнун югнун аӷуляқӯтыстыкат Понтамун, Галатиямун, Каппадокиямун, Асиямун, Вифиниямунлъю.

2е Петра 1:1

Укут посланият Симон Петырымың пиңӯт. Қыпҳаҳтыка̄ңалъю, апостолоңалъю Иисус Христосым. Письмомамси қамахлъюси алъхыӷуткани ухпықилъыӷмың хўаңкутыстун аюқылӷӣмың. Алъхыҳтыкақаҳпут ухпықилъыҳпут ылъқуӷутңалъҳакун Иисус Христосым, Кияӷнықыхкыфутлъю, Югулиӷистыкыхкыфутлъю.

2е Иоанна 1:1

Укут посланият Нуйвакмың пиңӯт Кияӷныӷым накмикыхка̄нун аӷнамун, авақута̄нунлъю ипапигмың пиниқыхкамнун. Лъңина̄нӷитуңа пиниқистызи, қамахлъютыңлъю лӣсимакылӷӣт ипапиҳқылъыӷмың пиниқӣси,

3е Иоанна 1:1

Укут посланият Нуйвакмың пиңӯт Гаийемун ипапик пиниқыхкамнун.

Откровение 1:1

Хўани игани игақңа̄т Кияӷныӷым алӣҳтыкӣ Иисус Христосымун. Кияӷныӷым алӣҳтыкақӣ лъңанун лӣгикыстысқылъюки қыпҳаҳтыни сяңўа̄т пияҳтуңыстаӷнилюки. Ынка̄м Христосым каяхтыкақа̄ яқулыни қыпҳаҳтыминун Иоаннымун тама̄кут лӣсимакысқылъюки.

Откровение 1:9

Иоанныңӯңа, ухпықа̄лгуткаҳпысиңа. Икфиқуңа лъпысистун қаюҳлъяк Иисусым Атаныҳпагулъҳан пикӣлъю. Лъңакун икфиқылъыпут нуқытутапут. Агляҳтыстыка̄гуңа қӣҳқамун а̄тқылӷӣ Патмосымың қаюҳлъяк уңипақыхкынка Кияӷныӷым акузитаңи, уңипақлъю Иисусымың аюқылӷӣ.

Откровение 18:20

Та̄хкын қилягмың кина пӣқ: «Ка̄й қилягмылңуӷни, қуякитыху қаюҳлъяк Кияӷныӷым на̄фқа̄ Вавилон! Қуятык Кияӷныӷым югитни, апостолыни, ӯкналиқистынилъю! Кияӷныӷым аӷью̄ӷа̄ қаюҳлъяк сыӷлытун пикақыхкаңиси!»

Откровение 22:8

Хўаңа, Иоанн, нагаткақанкалъю, ысҳақақанкалъю тама̄кут. Нагақуӷақңамкилъю, ысҳаӷақңамкилъю тама̄кут, нӣнӷутуңа яқулгым итыга̄ни манигуӷналюку, кылгувикистыка тама̄кын.