От Матфея 10:17 - Новый Завет на эскимосском языке

¹⁷ Кылыңалюси, қаюҳлъяк югыт тугулюси агля̄лъықӣси агӷистынун, кахсягмихлъықӣсилъю синагогамыхни.

От Матфея 10:17 Iomraidhean Croise

От Матфея 10:18

Хўаңа апалъюқлъюңа, ныкывыслъықӣси сивуңитхун иглыӷутистытлъю, умӣлгытлъю. Ынка̄м лӣгикысяҳқа̄ҳлъықаҳпысиңа лъңитнунлъю, язычнигынунлъю.

От Матфея 20:19

Та̄хкын язычнигнун тӯнылъықа̄т. Таўани лыгасӣӷўа̄ткылъықа̄т, кахсягмихлъықа̄т, қақӯраҳлъықа̄тлъю. Иўырңа пиңайӣтаңани аӷныӷым уңуваҳтысяҳқа̄гуқ».

От Матфея 23:34

Ынка̄м уңипа̄тамси каяхфикамси ӯкналиқистыныңлъю, лӣсималӷӣныңлъю, апыҳтуӷистыныңлъю. Иляңит туқуқуҳлъықаси, иляңит қақӯраҳлъықаси, ынка̄м иляңит синагогахпысини кахсягмихлъықаси, иляңит нунаӷның иляңитнун малиҳқуҳлъықаси.

От Матфея 26:59

Первосвященнигытлъю, қамахлъютыңлъю агӷистыт иқлъыңиқуткыстыңнақуткыхкат Иисус туқутыстыпигыснаӷналюку.

От Матфея 5:22

Иўырңа хўаңа пӣмси, китум алңунак угумиягускумигу юлгутни, нанқихтивигмун агляҳсяқлъыгӯқ. Китум алңунак пикумигу юлгутни: “Уюқ налъюҳлъяк”, агӷистынун агляҳсяқлъыгӯқ. Китум алңунак сясӣнӷинъикумигу юлгутни, агляҳсяқлъыгӯқ кумаӷулӷӣмун геенамун.

От Марка 13:12

Югыт аңлыгутытың туқутыслъықӣт, югыт авақутатың таўатыҳпигақ пислъықӣт. Таӷнуҳа̄тлъю аңаюқатың кипулъхина̄ӷлюки туқутыслъықӣт.

От Марка 13:9

Иўырңа лъпыси кылыңалюси. Тугулюси агӷистынун агля̄лъықӣси. Синагогани кахсягмихлъықӣси. Хўаңа апалъюқлъюңа ныкывылъықуси сивуңитни иглыӷутистытлъю, умӣлгытлъю уңипаҳтыңулюси Пинилӷӣның Уңипаның.

От Луки 12:11

Агля̄скаңиси синагоганъун, сивуңитнун правителыт, налиӷмың иглыӷутистыт тыхылъҳӣҳпынаси натын кӣмсилъыҳқаҳпысиның, налиӷмың сямың пилъыҳқаҳпысиның.

От Иоанна 11:47

Та̄хкын первосвященнигытлъю, Фарисеитлъю қырңуҳлъюки агӷистыт а̄птыкӣт: «Сянақыстаңам? Та̄на ю̄к алъя̄ҳлъюхўаҳтиҳлъягӯқ.

От Иоанна 16:2

Югыт иқитыслъықӣси синагогамыхның. А̄а, пилъыҳқақ тагиңӯқ, китум алңунак туқускумиси сюмыҳтаӷаӷьяҳқа̄гуқ қыпҳа̄тңунилюку Кияӷнық.

Деяния 17:14

Ынка̄м ухпықат Павел ыснымун атҳа̄тқаҳтыстыка̄т иўырңа Силанкук, Тимофейенкук Вериямыткак.

Деяния 22:19

Кӣмсиӷақа: “Атанық, Иерусалимыӷмӣт лӣсимакңўа̄ӷа̄т синагоганъун пӣқлъюңа тугуляқақанка ухпылӷӣт лъпынун, анагулыҳтыстақанкалъю, анусимиңлъяҳтыстақанкалъю.

Деяния 26:11

Угляӷңа̄н аӷью̄ҳтыстыкақанка тамаҳӣтни синагогаңитни, хўатынлъю писнақуткыхкақанка: “Ухпықнанӣма̄қа Иисус”. Угумиягутыпихтыкақанка рыпалъ малиҳқақақанка талўа язычнигыт нунаңитнун амью̄ткынъалюки».

К Филиппийцам 3:2

Кылыңалюси сыӷлытун пикаюгның, тама̄куның қикминың, югӯт сягиқутилӷӣт кыпфикысқылъюки югусӣт.

2е Тимофею 4:15

Лъпыклъю кылыңаклъюку таўатын пинаюкаңатын қаюҳлъяк уңипаҳпут угумикыпихта̄.

К Евреям 11:36

Иляңи лыгасӣӷўа̄ткақлъюки, иляңи кахсягмигақлъюки, иляңи қӣпшаӷусиӷлюки анусимиңлъяӷақӣт.