От Матфея 10:1 - Новый Завет на эскимосском языке

¹ Иисусым қырңуҳлъюки қуля ма̄лӷук сӣпнықлъюку малихся̄ҳтыни, аҳтуӷьяҳқа̄нӷилъылиткӣ а̄ныстияҳқа̄люки туӷныӷаӷның, на̄лъҳутияҳқа̄люки тамаҳа̄ның ақниӷныӷныңлъю, қинуюгныңлъю.

От Матфея 10:1 Iomraidhean Croise

От Матфея 19:28

Иисусым пикӣ: «Ипа пӣмси, нутаӷами нунами Иӷныӷа Югым ақумылъықуқ умӣлгусигныкун ақумутагмикун ниӷуҳқылъыӷмини. Та̄хкын лъпысилъю малигуткани хўаңамнун ақумлюси қуля ма̄лӷук сӣпнықлъюку умӣлгым ақумутӣтхун, иглыӷутилъықуси қуля ма̄лӷук сӣпнықлъюку рамкыни Израилым.

От Матфея 26:20

Иӷивгаӷьягу Иисусылъю қуля ма̄лӷук сӣпнықлъюку малихся̄ҳтыкулъҳӣт қаюӷвигитңи ақумӯткат ныӷналютың.

От Матфея 26:47

Иисус паниның акузималюку, Иуда ка̄ткақ, қуля ма̄лӷук сӣпнықлъюку малихся̄ҳтыт иляңат. Юлӷутыт малихтыка̄т, иляңи сявихпалиӷлютың, иляңи анагуталиӷлютың. Первосвященнигытлъю, сӣванлъыӷытлъю каяхтыкӣт малихтысқылъюку Иуда.

От Матфея 4:23

Иисус иглыӷакақ тамаңи Галилеями, синагогаңитни апыҳтуӷӣқлъюни. Нани алңунак уңипақақ Пинилӷӣның Уңипа̄мың Атаныҳпагулъҳым, на̄лъҳуқуқақ тамаҳа̄ның ақниӷныӷныңлъю, қинуюгныңлъю.

От Матфея 6:13

Нанӷӣқулъыңыстыхпына̄мта, иўырңа югуликут та̄хкын Сыӷлыӷмың. Атаныҳпагулъық, аҳтуӷьяҳқа̄нӷилъық, ниӷуҳқылъық, лъпык пикатын қӯнпырухлъяк. Аминь”.

От Матфея 9:35

Та̄хкын Иисус иглыҳтыкақ тамаҳа̄ни Галилеями, апыҳтуӷимаӷми синагогаңитни, уңипақимаӷмилъю Пинилӷӣның Уңипа̄мың Атаныҳпагулъҳым. На̄лъҳуқуқӣ қамахлъюки ақниӷнылгытлъю, қинуюлӷӣтлъю.

От Матфея 9:38

Ынка̄ңам юӷаҳтык Атанӷанун унатаӷьяҳқат, каяхтисқылъюку қыпҳаҳтыкаҳқамың унатаӷьяҳқа̄нун».

От Луки 10:19

Нагатык! Аҳтуӷьяҳқа̄нӷилъылисима̄мси тӯтысқылъюки нымыӷьят, скорпионыт, кая̄лъқысқылъюкилъю қамахлъюки аҳтуӷьяҳқа̄нӷилъҳи аңуягым. Ынка̄м ся̄м алңунак ақниҳна̄нӷитӣси.

От Луки 21:15

Хўаңа акузиткаҳқалилъықамси, пыҳқинылъылилъықамсилъю рыпалъ аңуяхпыси кипулъхина̄ҳпагниңитӣт акузилъыси налиӷмың тымңиңунина̄нӷитӣт.

От Луки 24:49

Ынка̄м та̄ўа каяхлъықахка Атама акықусякык лъпысинун. Иўырңа утақӣлӷа̄си ма̄ни Иерусалимыми, кынляңа а̄тысфикылъыҳпысинун аҳтуӷьяҳқа̄нӷилъыӷмың қилягмың памакын».

От Луки 6:13

Аҳсягу туқлъюӷлюки малихся̄ҳтыни, та̄куның накмӣқақ қуля ма̄лӷук сӣпнықлъюку ынка̄м атиқӣ апостолыт.

От Иоанна 17:2

Иӷнық Атаныңлъяқақан тамаҳа̄нун югнун. Ынка̄м кынлыңилңуқ уңувалъық тӯнңўа̄ тамаҳӣтнун тӯныхкаҳпынун лъңанун.

От Иоанна 3:27

Иоанным кӣмсиқӣ: «Кина алңунак алъхыӷунъа̄нӷитуқ сямың ўыткуқун Кияӷныӷым тӯныхкумигу.

От Иоанна 3:35

Атам пиниқыпихта̄ Иӷныни, ынка̄м аҳтуӷьяҳқа̄нӷилъылиткақа̄ сямун тамаҳа̄нун.

От Иоанна 6:70

Та̄хкын Иисусым пикӣ: «Накмикыхкақақа қуля ма̄лӷук сӣпнықлъюку малихся̄ҳтыкаҳқақ, лъпысиңӯт. Иўырңа налиҳси ата̄сиқ туӷныӷа̄гуқ».

Деяния 1:8

Иўырңа аҳтуӷьяҳқа̄нӷилъыңылъықуси Аглыӷналӷӣк Таӷныӷак ӣтқайык илюхпысинун. Та̄хкын уңипақылъықаҳпысиңа Иерусалимыми, Иудеями, Самариями, уяваҳпанилъю нунани».

Деяния 19:15

Иўырңа туӷныӷа̄м пикӣ: «Лӣсимакақа Иисус, лӣсимакақа Павел, лъпыси кинкуңустык?»

Откровение 12:1

Та̄хкын қилягами сяңўа̄ сяӷӣӷанапихлъыҳӣ алӣҳтуқ лӣгикусиҳқаҳпут пияҳқамун: Аӷнақ пилюгуглюни сиқиныӷмың, итыгӣ танқикун ныкыхлъютың, на̄сқумикун қаҳпалюни қуля ма̄лӷук сӣпнықлъюку иӷалықыта̄ӷның.