От Матфея 1:20 - Новый Завет на эскимосском языке

²⁰ Сюмыҳтаӷа̄ткумалюку таўатын пилъыҳқани, Атанӷым яқулган алӣӷвиклъюку қаваңукун пика̄: «Иосиф, Давидым киңунӷа, алиңыхпынаң нулиҳқигу Мария қаюҳлъяк Аглыӷналӷӣм Таӷныӷам ақсяңыстыкақа̄.

От Матфея 1:20 Iomraidhean Croise

От Матфея 1:18

Иисус Христос алъхықа̄гуқ хўатын: на̄ңа Мария а̄ңӷутңўа̄қақ Иосифымун, иўырңа ныңуӷутылъҳилъюкык Аглыӷналӷӣм Таӷныӷам қумиңыстыка̄.

От Матфея 2:12

Та̄хкын Кияӷныӷым қаваңукун йиткӣ Иродымун утыӷнифқӣта писқылъюки ынка̄м агляқат нунамыхнун алъятхун тумытхун.

От Матфея 2:13

Иӷалықыта̄ӷның лӣткаҳлъягыт аӷуляқсята, қаваңукун Атанӷым яқулган алӣӷвиклъюку Иосиф пика̄: «Макылъютын таӷнуҳақлъю на̄ңалъю анагутикык Египетмун. Таўа̄нлъыҳатын утыӷнӣсқылъымнун кынляңа қаюҳлъяк Иродым иваҳтыснақа̄ таӷнуҳақ туқутысналюку».

От Матфея 2:19

Иосифылъю Египетымылъюки Ирод туқукақ, қаваңукун Атанӷым яқулган алӣӷвикыхка̄ Иосиф

От Матфея 2:22

Иўырңа Иосифым нагақуӷлюку нутаӷақ умӣлга Иудеям, Архелайеңунилюку Иродым иӷныӷа, алиңыхкақ таўавык агляныӷмың. Қаваңукун Кияӷныӷым уңипа̄тка̄ Иосиф Иудеитыфқа̄н писқылъюку, ынка̄м Назаретымун агляқат Галилеямылңуӷмун. Тама̄нтыкат ӯкналиқистыт хўатын пилъҳат, апыӷӣӷысқылъюку: «Мессия Назаретыӷмӣңуяҳқа̄гуқ».

От Матфея 27:19

Пилат ақумгамалюку нанқихтивигми, нулиҳан уңипа̄тысяҳтуқа̄: «Сянақыфқа̄н та̄на сыӷлыҳқылъҳилңуқ ю̄к қаюҳлъяк қаваңуқыхкақақа ынка̄м аӷнылъқусиқ сыӷлылӣӷусиқақа».

От Матфея 28:5

Иўырңа аӷнак яқулгым пики: «Алиңыхпынаси. Лӣсимакамси Иисус иваӷақаҳси, қақӯрақа̄ялӷӣ.

От Луки 1:19

Яқулгым пика̄: «Гавриилыңӯңа, ныкывӷалӷӣ Кияӷныӷым наю̄тңалъҳани. Лъпынун каяхта̄гуңа, уңипа̄сяҳтӯгамкын хўакын пинилӷӣмың уңипа̄мың.

От Луки 2:4

Назаретымың, Галилеямылңуӷмың, Иосифылъю аӷуляқыхкақ Вифлеемымун, Иудеямылңуӷмун, умӣлгым Давидым алъхыӷвиганун. Тама̄вык пика̄лӷӣ қаюҳлъяк киңунқыхкаңа Давидым.

Деяния 5:19

Иўырңа унугьян яқулган Атанӷым қылъпыҳтыкӣ анусимиңлъяӷвигым амиги. Ынка̄м а̄нулъюки апостолыт пикӣ:

Откровение 19:7

Қуятылъта, ынңа̄талъ қуяҳлъягылъталъю, усюқылътыхулъю! Пынъӣӷаҳа̄м ныңуҳтылъыҳқа̄ ка̄туқ, нулӣҳқа̄лъю ята̄ҳқума̄қ.