От Марка 4:11 - Новый Завет на эскимосском языке

¹¹ Иисусым пикӣ: «Лъпысинун Кияӷныӷым лӣгикыста̄ талюӷңалӷӣ ипапиҳқылъҳа Атаныҳпагулъҳым. Сивунӷани лӣтысимаңисяӷа̄. Иўырңа тама̄кут иқитңалӷӣт Кияӷныӷым Атаныҳпагулъҳаның нагақуӷақут сямың тамаҳа̄ның уңипаӷа̄тытхун.

От Марка 4:11 Iomraidhean Croise

От Матфея 11:25

Та̄хкын Иисус пикақ: «Ка̄й Ата, Атанқа̄тын қилягымлъю, нунамлъю! Игамсиқаюгвикамкын қаюҳлъяк лӣтка̄нӷилңуӷнун лӣтыстыкақан ипапиҳқылъық ӣқан лӣтканыңлъю, пыҳқиныӷныңлъю.

От Матфея 13:16

Иўырңа қуянаҳалык лъпыси! Ийыси ысҳа̄тақут, сигутысилъю нагақӯтақут.

От Матфея 16:17

Иисусым пика̄: «Қуястылъылгӯтын, Симон, иӷныӷа Ионам! Қаюҳлъяк югмың лӣсимаңитан, Атама қилягмылңӯм лъпынун лӣтыстыкақа̄.

От Марка 3:23

Ынка̄м Иисусым тахсиӷлюки югыт уңипаӷа̄ткӣ, пикӣ: «Туӷныӷақ лъңаның а̄ныслъықа̄?

От Марка 4:10

Та̄м киңуңаның Иисус лъңина̄ҳсян, қуля ма̄лӷук сӣпнықлъюку малихся̄ҳтыңиталъю, иляңиталъю тама̄кут нагатка̄т а̄птыка̄т уңипаӷа̄ткыхка̄ның.

От Марка 4:2

Уңипаӷа̄тытхун алъя̄ҳӣнаӷмың апыҳтуқӣ. Апыҳтуӷиткылъюку пикӣ:

От Луки 8:10

Кӣмсиқӣ: «Кияӷныӷым накмикумӣси лӣгикысқылъюки талюӷңалӷӣт ипапилъҳи Атаныҳпагулъыӷми. Иўырңа иляңитни югни уңипаӷа̄тңина̄ўақут. Ынка̄м ысҳа̄тыӷңа̄ӷмың ысҳа̄сигатут, нагатыӷңа̄ӷмың лӣгикигатут».

1е Коринфянам 4:7

Китум пиниӷатаӷаҳтыстиси ухпықа̄лгутыхпысиның? Сяңўа̄ қамахлъюку Кияӷныӷмың пикаҳси. Кияӷныӷым тӯнумакаңиси, а̄ңа̄юхтыхпынаси. Уңипаҳпынаси хўатын: «Сяңўа̄ қамахлъюку хўаңамның пикақақа».

2е Коринфянам 4:6

Кияӷныӷӯқ хўатын пикақ: «Йықай ниӷук кӯкхулъи мамлылъыӷмың!» Лъңаңӯқ ата̄сиқ Кияӷнық кӯкхутыстилӷӣ ниӷугмың илюмнъун. Та̄хун ниӷухкун лӣтаҳпут ниӷуҳқылъҳа Кияӷныӷым, кӯкхулъҳӣ Иисус Христосым хина̄ның.

К Ефесянам 1:9

успықылъыӷминың сялин алӣҳсигалъкымъиның сивунӷани. Та̄наңӯқ Кияӷныӷым успықыхка̄, пикақа̄ Христосыкун.

К Колоссянам 4:5

Пыҳқинӷўа̄қитык ухпықа̄нӷилңуӷнинъыҳпысини. Атуқақитыху тамаҳа̄н пилъыҳқаҳси уңипа̄сяҳқа̄люки Христосымың.

1е Фессалоникийцам 4:12

Таўатын пикуфси ныӷьюкна̄нӷитасилъю алңунак аклъюкыхкаҳси, ухпықа̄нӷилңӯтлъю сӣвакылъықӣси.

1е Тимофею 3:7

Иглыӷутиста пинитун кияҳсяҳқа̄гуқ ухпықа̄нӷилңуӷнун акузиткысқылъюку итагнаӷлюку. Ынка̄м сыӷлықӯҳпагниңилъықа̄т, Туӷныӷа̄млъю кая̄лъқыпагниңилъықа̄.

1е Иоанна 5:20

Лӣсимакаҳпут Иӷныӷан Кияӷныӷым тагилюни лӣгикыстыкақӣлъю лӣсимакысқылъюку Кияӷныпик. Кияӷныпигмытукут Иӷныӷанитутымнъың Иисус Христосыми. Та̄ната Кияӷныпиклъю, кынлыңилңуқлъю уңувалъық.