От Марка 2:8 - Новый Завет на эскимосском языке

⁸ Таўаниңинақ Иисусым сюмыҳтаӷалъҳит лӣсимакыхкӣ ынка̄м пикӣ: «Сяңан таўатын сюмыҳтаӷаӷыстык?

От Марка 2:8 Iomraidhean Croise

От Матфея 12:15

Иисусым лӣсимаклъюку агӷилъҳат, аӷуляқыхкақ. Юлӷутыҳлъягыт малихлъыӷа̄тка̄т, ынка̄м на̄лъҳуқуқӣ қинуюлӷӣт қамахлъюки,

От Матфея 16:7

Лъмыхның акузимҳуткыхка̄т: «Таўатын пӣқ қаюҳлъяк кылъқынӷилңӯкут нықыкшагмың».

От Матфея 9:4

Иисусым лӣсимаклъюки сюмыҳтаӷалъҳит, пикӣ: «Сяңан сыӷлыӷмың сюмыҳтаӷаӷыстык?

От Марка 2:7

«Сяңами ю̄к уна таўатын акузӣ? Акузилъҳа сыӷлыӷӯқ, қаюҳлъяк Кияӷныӷунилӷӣ! Кияӷныҳӣна̄гуқ сыӷлыҳқылъыӷның сыӷывутияҳқақ!»

От Марка 2:9

Наликык пияқнӣтаӷаҳлъықак унӣқақ ю̄к пияқумкун: “Сыӷлыҳқылъыҳтын сыӷывутылъыңут” налиӷмың: “Макылъютын, алъиӷан тугулюку пиюги?”

От Марка 7:21

Қа̄мкын югым илюңаның а̄нақут: сюмыҳтаӷалъылюгыт, ныңуҳтыхпынани китумың алңунак атуқилъық, тыглыгнӣқ, юхтақ,

От Луки 24:38

Иўырңа Иисусым а̄птыкӣ: «Сяңафси алиңрӯӷыстык? Сяңан айгуӷистык?

От Луки 5:22

Иисусым лӣсимакыхкаңи сюмыҳтаӷалъҳит ынка̄м а̄птыкӣ: «Сяңан таўатын сюмыҳтаӷаӷыстык?

От Луки 6:8

Иўырңа лӣсимакутминың сюмыҳтаӷалъҳит, ю̄к ӣхылык унӣӷңалӷӣмың пика̄: «Таги хўавык ныкывьяҳта̄». Ныкывлюни тазиңавык агляқақ.

От Иоанна 21:17

Пиңайӣткун а̄птыка̄: «Симон, иӷныӷа Иоанным, пиниқсиңа̄?» Петр сыӷлыӷьюкақ, қаюҳлъяк Иисусым пиңаюның а̄птыкаңа: «Пиниқсиңа̄?» Петырым кӣмсиқа̄: «Атанық, лӣсимакан сяңўа̄ қамахлъюку. Лӣсимакаҳпыңа пиниқыхкымкын». Иисусым пика̄: «Ныҳқики пынъӣӷынка.

От Иоанна 6:64

Иўырңа иляхпыси ухпықигатӣт акузитынка». (Иисусым лӣсимакыхкаңи килъю ухпықинӷилңӯт. Лӣсимакыхкаңи има пӣнлиӷьюхўа̄лъыӷмың. Талўа лӣсимакыхкаңа кинаңутаңа увыҳпагутияҳқақ лъминың.)

Деяния 5:3

Йыӷлыги Петырым а̄птыка̄: «Сяңан қа̄ткысигу Туӷныӷа̄м нанӷӣқулъҳа иқлъыңиқысқылъютын Аглыӷналӷӣгнун Таӷныӷагнун аксяқылъыҳпыгун иляңа маним?

Деяния 8:22

Авутыҳқылъютың сыӷлыҳқусиқнаниҳуңам та̄на сыӷлыпыста̄қ пиюкылъҳын. Ынка̄м юӷа̄ Атаныӷмун лю̄рақ сыӷывунъаюкагу та̄на сыӷлыпыста̄қ сыӷлыҳқылъҳын.

К Евреям 4:13

Сяңўа̄ қамахтыңъўа̄ӷлюни Кияӷныӷым улима̄ӷа ӣӷңанӷитуқ Кияӷныӷмың. Алӣтут, хўатыҳлъюўа̄ӷӯтлъю ийыхкыни. Лъңанун қайвиҳқысяҳқақапут сялъыпут қамахлъюки.

Откровение 2:23

Туқулъықанкалъю авақутӣ. Ынка̄м қамахлъютың ухпықат юӷаӷвигнилңӯт лӣлъықа̄тңа хўаңаңӯқ лӣсимакилӷӣ югым тамаӷаҳми сюмыҳтаӷалъҳитныңлъю, илюмикыхкӣтныңлъю. Аӷью̄ӷьяҳқақамси тамаӷаҳпыси сыӷлыҳқытулыхпысистун.