От Марка 2:2 - Новый Завет на эскимосском языке

² Ю̄к тагиляӷа̄сялӷӣми лъңанун каңсю̄ткат рыпалъ мануӷамун қакмавык. Иисус уңипақималюку Кияӷныӷым акузитаңаның,

От Марка 2:2 Iomraidhean Croise

От Матфея 5:2

апыҳтуӷикақ:

От Марка 1:14

Тахталми та̄кўани киңуңаның Иоанным анусимиңлъялъҳан, Иисус Галилеялъюни уңипақикақ Пинилӷӣның Уңипаның Кияӷныҳтаның.

От Марка 1:33

Қамахтыңъўа̄ӷлютың Капернаумыӷмӣт мыңтыӷам мануӷа̄ни қырңуӷуткат.

От Марка 1:37

на̄лъкысямыхтыху пика̄т: «Югыт иванӷӣӷутақа̄тын».

От Марка 1:45

Иўырңа югым иглыӷуткылъюку нани алңунак а̄пҳумаңинақа̄ Иисусымун на̄лъҳусиманилюни. Та̄хкын кынляңа Иисус алңунак нынун пинаниқақ, қаюҳлъяк юлӷутыҳлъягыт такўа̄қыхкаңат, ынка̄м па̄ҳқилъҳани кияҳтыкақ. Иўырңа накын алңунак юлӷутыт паниның такўа̄қыхкаңат.

От Марка 2:1

Мулюхпынани Иисус утыӷниқақ Капернаумымун, ынка̄м уңипақыхка̄т наюқақыхкымининъилюку мыңтыӷами.

От Марка 2:13

Та̄хкын Иисус, ысныңанун На̄йвам Галилеям пинқихтыкақ. Юлӷутыҳлъягыт такуляӷа̄сятни апыҳтуқӣ.

От Марка 6:34

Иисусым аңьямың ӯхлъюни қӯтмун юлӷутыт ысҳаӷлюки наңлъыгьягуткӣ, қаюҳлъяк пынъӣӷыстун пынъӣӷнӣҳтыңилңуӷыстун аюқылӷӣт. Ынка̄м алъя̄ҳӣнаӷмың апыҳтуҳта̄кӣ.

От Луки 12:1

Таўатын пималюки тысячанылӷутыт югыт қырңуӷуткат, рыпалъ илятың тӯтқаҳтақлъюки пикӣт. Иисусым сивуклъюки малихся̄ҳтыни пикӣ: «Кылыңалюси Фарисеит закваскаңитның. Пинӣюхтылъҳат пӣқақа.

От Луки 5:17

Ата̄сими аӷныӷми, Иисус апыҳтуӷималюку, таўани ақумгатңуфтут Фарисеитлъю, апыҳтуӷикайгытлъю Лӣлиҳтӯсяның. Та̄кут тагиляӷа̄тка̄фтут тамаҳӣтның Галилеям ныңитның, Иудеям ныңитның, Иерусалимымыңлъю. Атанӷым аҳтуӷьяҳқа̄нӷилъҳа на̄лъҳутимун лъңанилңуқ.

От Луки 8:1

Мулюхпынани Иисус иглыҳтыкақ ныҳлъягнунлъю, ныңӣҳаӷнунлъю. Уңипақикақ Пинилӷӣның Уңипаның Атаныҳпагулъҳаның Кияӷныӷым аюқылӷӣмың. Қуля ма̄лӷук сӣпнықлъюку малиҳся̄ҳтыңита малихтыка̄т,

От Луки 8:11

«Та̄на уңипаӷа̄н хўатын писӣгуқ: Пӣтутыт Кияӷныӷым акузиткӣ.

Деяния 11:19

Стефаным туқутылъҳа кынлыклъюку Иудеит амью̄ткыхкӣт ухпықат, ынка̄м анакат Иерусалимымың. Аӷуляқӯткат кынляңа Финикиямун, Кипрымун, Антиохиямунлъю. Иглыӷуткылъюку уңипақыхкӣт Пинилӷӣт Уңипат Иудеяңинаҳаӷнун.

Деяния 14:25

Тама̄ни Пергиями, Памфилиямылңуӷми уңипақикак Кияӷныӷым акузитаңаның. Та̄қсямык тысямавык Атталиямун пикак.

Деяния 16:6

Павелынкут иглыҳтыкат акулыхкынкун Фригиямлъю, Галатиямлъю, қаюҳлъяк Аглыӷналӷӣм Таӷныӷам уңипаҳтысимаңилъкаңи уңипа̄мың Асиями.

Деяния 8:25

Та̄хкын Петырылъю, Иоаннылъю свидетельстволютык, уңипақилютык Атанӷым уңипа̄мың аӷуляқыхкақ Иерусалимымун. Самариями иглыӷаңулютык, нынун ка̄нъыӷмыгни Пинилӷӣның Уңипаның уңипаӷақылӷӣк.

К Римлянам 10:8

Акузитни Игақыхкани хўатын игақңа̄қ: «Кияӷныӷым уңипа̄ қантаӷантуқ лъпынун. Акузиткылъықан қаныҳпыгун, ухпықылъықанлъю илюхпыгун». (Кияӷныӷым уңипа̄ ухпықилъыӷмың аюқылӷӣ, та̄наңӯқ уңипақыхкыфут.)

2е Тимофею 4:2

уңипақики Пинилӷӣт Уңипат. Сягиқлъютын уңипақики югнун нагасюгуӷңа̄та налиӷмың нагасюгунӷитыӷңа̄та. Ныкыхмылъютын апыҳтуӷилъыҳпыгун ухпыҳтыснақики, иныҳтики анахутылъҳитның, кайымикилъю.