От Марка 16:6 - Новый Завет на эскимосском языке

⁶ Нукалъпигам пикӣ: «Сяӷӣӷаюхпынаси, лӣсимакамси ива̄ңўа̄ҳси Иисус Назаретыӷмӣ, қақӯрақа̄ялӷӣ. Хўа̄нъыӷитуқ, уңуваҳтыстыка̄гуқ! Ысҳақаҳтыхуқун, хўагун лъикақсяӷа̄т.

От Марка 16:6 Iomraidhean Croise

От Матфея 12:40

Иона иқалъюгрухлъягым ақсяқҳўанитка̄гуқ пиңают аӷныӷыт, пиңают унугыт. Таўатыҳпигақ Иӷныӷа Югым сямансяҳқа̄гуқ нунами пиңают аӷныӷыт, пиңают унугыт.

От Марка 1:24

«Иисус, Назаретыӷмӣ, сяңамта қинуюхсикут? На̄фқысяҳтӯзикӯт? Кинаңутын лӣсимакақа, Югулиӷистыңӯтын Кияӷныӷым акықусяқыхка̄ каяхлъықнилюку».

От Марка 1:27

Югыт сяӷӣӷаюглютың лъңитның а̄пқуӷа̄ӷуткат: «Уна сяңа̄ўа? Уна апыҳтӯсяӷраӷа̄гуқ! Кияӷныӷым аҳтуӷьяҳқа̄нӷилъҳакун ӯм югым қылӷӣ туӷныӷа̄т а̄нысқылъюки, лыган қа̄тка̄т».

От Марка 10:34

Та̄кут лыгасӣӷўа̄ткылъықа̄т, қысиқулъықа̄т, кахсягмихлъықа̄т, туқулъықа̄тлъю. Пиңают аӷныӷыт атуӷлюки уңуваҳлъықуқ».

От Марка 14:33

Петырлъю, Иаковлъю ынка̄м Иоаннылъю кылъқыхкӣ. Та̄хкын Иисус алиңрӯҳлъякыстақақлъю, сыӷлылӣҳлъякыстақақлъю.

От Марка 9:15

Лыган югыт ысҳаӷлюку Иисус сяӷӣӷаюхлъяглютың па̄йӷаҳлъюку қуякыхка̄т.

От Луки 24:46

Пикӣ: «Хўатын игақыхка̄гуқ: “Христос икфиқыпыста̄ӷьяҳқа̄гуқ, та̄хкын пиңая̄ни аӷныӷым уңувапыста̄ӷьяҳқа̄гуқ туқулъыӷмың”.

Деяния 2:24

Иўырңа Кияӷныӷым туқулъыӷмың уңуваҳтыстыкақа̄, итымуткақа̄ туқулъҳым асиҳқутылъҳаның, талўа туқулъҳым нуқныҳпагниңиткақа̄.

Деяния 4:10

Ынка̄ңам лӣгикысюгамси қамахлъюси, иляңилъю Израилыӷмӣт қамахлъюки натын уна ю̄к на̄лъҳутка̄таңа. На̄лъҳутка̄гуқ А̄тҳакун Иисус Христосым Назаретыӷмӣм. Лъңан аҳтуӷьяҳқа̄нӷилъҳан на̄лъҳуткақа̄, лъпыси қақӯрақаҳпыси, Кияӷныӷым уңуваҳтыстыка̄н туқулъыӷмың. Ынка̄м уна ю̄к пиюгигасялӷӣ хўа̄ ма̄тын ныкывӷа̄қ сивухпысини.