От Марка 12:6 - Новый Завет на эскимосском языке

⁶ Қынўат ата̄сиҳа̄ҳтуқ кывгақсяҳқа̄, иӷныӷа пиниқумта̄ӷа. Кывгақыхка̄ сюмыҳтаӷа̄маӷми хўатын: “Иӷнықа сӣвакылъықа̄т”.

От Марка 12:6 Iomraidhean Croise

От Матфея 1:23

«Аӷнаӷақ югым атуқылъҳилъкаңа қумиңлюни, иӷныңылъықуқ. А̄тқысяҳқақа̄ Еммануил» хўатын писиқ: «Кияӷнық хўаңкунъилңуқ».

От Матфея 11:27

Атама тагивақақа̄ сяңўа̄ қамахтыңъўа̄ӷлюку. Китум алңунак налъюка̄ Иӷнық, иўырңақун Атам. Китум алңунак налъюка̄ Ата, иўырңақун Иӷныӷым, ынка̄м Иӷныӷым накмикыхкаминун лӣтыслъықа̄ Ата.

От Матфея 17:5

Сялин акузималюку, қилягўа̄ӷым ниӷугракыхтам ся̄пыхкӣ, ынка̄м қиляўа̄ӷмың мым пикӣ: «Уна Иӷнықақа, пиниқыпихтақа, ыфқуқыпихтақа, нагатақитыху!»

От Матфея 26:63

Иўырңа Иисус қа̄лъка̄маңилңуқ. Ынка̄м Первосвященнигым а̄плъя̄тақа̄: «А̄тҳакун Уңувалӷӣм Кияӷныӷым қылӷамкын уңипа̄тикут Христосыңузӣн? Иӷнықа̄тын Кияӷныӷым?»

От Матфея 3:17

Та̄хкын ма қилягмың пикақ: «Унаңӯқ пиниқыхкаҳлъяка Иӷнықа, ыфқуқыпихтақа».

От Марка 1:11

Мымлъю қилягмың пика̄: «Иӷнықамкын, пиниқыхкамни. Ыфқуқыпихтамкын».

От Марка 12:5

Кывгақӣля̄тақақ иляңаның қыпҳаҳтыми ынка̄м та̄на туқутка̄т. Иляңилъю қыпҳаҳтылӷутыни кывгақынӷаки лыган таўатын пӣқыхкаңит, иляңит қывутӣқӣт, иляңит туқуқуқӣт.

От Марка 12:7

Иўырңа та̄кут афлъыңакистыт илятың пикӣт: “Ӯм пилӣсяҳқақа̄ уна пӣтысӣӷаӷвик. Туқутылътыху ынка̄м пӣтысӣӷаӷвик хўаңкута пилӣлъықаҳпут!”

От Марка 9:7

Та̄хкын қиляўа̄қ алӣӷлюни ся̄пыхкӣ. Қиляўа̄ӷмың мым пикӣ: «Унаңӯқ пиниқыпихтыкыхка Иӷнықа; нагатақитыху!»

От Луки 3:22

та̄хкын Аглыӷналӷӣк Таӷныӷак сюңаӷьюкыхталютык укикақ лъңанун. Қилягмың ма пикақ: «Иӷнықамкын, пиниқыпихкамкын, ыфқуқыпихтамкын».

От Луки 9:35

Қилягўа̄ӷмың мым пикӣ: «Уна Иӷнықақа, накмикыхкақа̄! Нагатақитыху!»

От Иоанна 1:14

Акузин кымгуҳлъюни акулымнъиткақ. Лъңакун Кияӷнық лӣтыстыңъўа̄қа̄гуқ, лӣтыстыңъўа̄қақа̄лъю пиниқылъыни хўаңкунъун. Ысҳақақаҳпут та̄ўа сыӷлыҳлъягуфтуқ. Сыӷлыҳлъягуфтуқ қаюҳлъяк та̄наңинаҳа̄лӷӣ Иӷныӷа Атам.

От Иоанна 1:18

Китум алңунак ысҳӣгата̄ Кияӷнық. Та̄наңинаҳа̄м Иӷныӷым қантаӷантылъыҳпига̄м Атамун, лӣтыстыка̄ югнун.

От Иоанна 1:34

Та̄хкын Иоанным пикӣ: «Таўатылъюку ысҳақақақа, уңипа̄тамси, та̄на Иӷнықа̄ Кияӷныӷым».

От Иоанна 1:49

Нафанаилым пика̄: «Апыҳтуӷиста, лъпык Иӷнықа̄тын Кияӷныӷым! Лъпык Умӣлъка̄тын Израилым!»

От Иоанна 3:35

Атам пиниқыпихта̄ Иӷныни, ынка̄м аҳтуӷьяҳқа̄нӷилъылиткақа̄ сямун тамаҳа̄нун.

От Иоанна 5:23

Кияӷныӷым таўатын пикақа̄ Иӷныни тамаҳа̄нун қӯлвӣсқылъюку катам таўатын қӯлвалъҳистун Ата. Китум та̄м қӯлвӣгалъкумигу Иӷнық қӯлвӣгата̄ Ата каяхтикақ Иӷныӷмың.

К Евреям 1:6

Кияӷныӷым каяхсяҳқа̄ҳсямигу Иӷнықсюхўа̄ни нунамун, хўатынлъю пика̄гуқ: «Йықай қамахлъютың Кияӷныӷым яқулгита манигуӷлитху».

1е Иоанна 4:9

Кияӷныӷым каяхтыкақа̄ та̄наңинаҳақ Иӷныни нунамун, уңувалъыңысқылъюта лъңакун. Таўатын пилъыӷмикун Кияӷныӷым кылгуткақа̄ пиниқылъыни хўаңкунъун.

3е Иоанна 1:1

Укут посланият Нуйвакмың пиңӯт Гаийемун ипапик пиниқыхкамнун.