От Иуды 1:3 - Новый Завет на эскимосском языке

³ Пиниқыхкамни, письмоӷьюпихтақамси югулилъымнъың. Иўырңа нагақуӷьямки апыҳтуӷистысиӷўа̄ӷыт лъпысинилңӯт, апыӷьюкақа лъпысинун симиӷақа. Лӣсимакаси Кияӷныӷым каяхтыкақӣ апостолынилъю, иляңилъю югыт апыҳтӣсқылъюта ухпықсяҳқамнъың. Ынка̄м китум алңунак алъяңуҳсяҳқақынӷитӣт лъңита апыҳтуӷилъҳит. Тама̄кын апалъюқлъюку письмоңӯңа қывӯлъюси кипулъхина̄ӷысқылъюки апыҳтуӷистысиӷўа̄ӷыт. Апыҳтуӷистыхпынаки ипаңунӷилңуӷның апыҳтӯсӣтның.

От Иуды 1:3 Iomraidhean Croise

Деяния 17:3

Ӯкналиқылъыҳтыхун лӣгикыснақуткыхка̄ ипа Христос туқуяҳқапыста̄ӷунилюкулъю, уңуваӷьяҳқапыста̄ӷунилюкулъю туқулъыӷмың. Пикӣ: «Уна Иисус а̄пқыхка лъпысинун Христосыңӯқ».

Деяния 18:28

Юхтуқами а̄ҳтӣра̄ҳлъякӣ Иудеит, Акузитыт Игақыхкат ипапиҳқусиқлъюки Иисус, Христосыңунилюку.

Деяния 20:27

қаюҳлъяк нуқытусимаңитақа сяңўа̄ тамаҳа̄н Кияӷныӷым лӣтысюка̄ лъпысинун.

Деяния 28:28

Павелым та̄қнӣткун пикӣ: «Лъпысинун лӣгикысюгақа, Кияӷныӷым каяхтыңъўа̄қақӣ уңипаҳтыни уңипӣсқылъюки югулилъыӷмың язычнигнун. Лъңит нагатыпыста̄ӷьяҳқа̄гут».

Деяния 4:12

Ынка̄м Кияӷныӷым каяхтыкақа̄ нунамун, лъңинаҳа̄гуқ югулиӷияҳқақ. Алъя натын ю̄к югулилъыңна̄нӷитуқ иўырңақун а̄таӷакун Иисусым».

Деяния 6:7

Кияӷныӷым уңипӣ миңисимаңинақӣт. Ынка̄м нуляка̄лӷӣт ухпықат Иерусалимыми, священнигылӷутытлъю илялгутңит ухпыҳтӯткат малигулъютың.

Деяния 9:13

Иўырңа Ананиям пика̄: «Атанық, нагақуӷақақа та̄на ю̄к угляпихлъыҳӣның, апыӷнақыпихтақа̄т сыӷлытун пилъыҳлъяга юхпынун Иерусалимыми.

Деяния 9:22

Савлам уңипақилъыӷмикун ўата лӣгикыстаӷақа̄ Иисус, Христосыңутаңа рыпалъ Иудеит Дамаскымылңӯт а̄ҳтӣра̄ҳпагниңитка̄т.

1е Коринфянам 15:3

Апыҳтуқақамси апыҳтӯсяқыхкамың хўаңамнун. Та̄кут ухпықсяҳқақаси: Христосым туқуткыхкақӣ сыӷлыҳқылъыпут, катам Акузитыт Игақыхкат пинақнилъҳистун.

К Галатам 2:5

Лъңитнун малиҳқутақылъҳитукут талўа натыңӣҳақ алмысиқысқылъюки ипаңулъҳит Пинилӷӣт Уңипат апыҳтӯсяқылъымтыстун лъпысинун.

К Галатам 3:28

Алъяңуӷутңитут Иудеитлъю, язычнигытлъю; алъяңуӷутңитут қыпҳаҳтыля̄ӷытлъю, қыпҳаҳтыля̄ӷунӷилңӯтлъю; алъяңуӷутңитут югытлъю, аӷнатлъю, қаюҳлъяк қамахлъюси атуным аюқуси Христос Иисусыкун.

К Галатам 6:11

Ысҳақаҳтыкиқун я̄хтуҳлъягыт игалъҳынка букват!

К Ефесянам 1:1

Укут посланият Павелымың пиңӯт. Христос Иисусым апостолыка̄ңа Кияӷныӷым пиюкылъҳакун. Письмоңӯңа Кияӷныӷым югитнун Ефесымылңуӷнун, ата̄сӣӷмылңӯт малихся̄ҳтыңи Христос Иисусым.

К Филиппийцам 1:1

Укут посланият Павелымыңлъю, Тимофейемыңлъю пиңӯт, қыпҳаҳтыкӣнкуң Христос Иисусым. Письмоӷақамси қамахлъюси Кияӷныӷым югитни, юӷаӷвигым иглыӷутистыңитни, диаконынилъю Филиппымылңуӷни, ухпықилӷӣт Христос Иисусыкун.

К Филиппийцам 1:27

Сяяӷңа̄тңа нагныӷутыки кияҳта̄лъыси Христосым апыҳтулъҳатун Пинилӷӣтхун Уңипатхун. Ынка̄м ысҳаӷьяҳтуқумси, налиӷмың авӣтыӷңа̄ӷма нагақуқумси, лӣгикылъықақа ата̄систун пилъыҳси. Лӣгикылъықақалъю қырңаҳпыси ныкывӷанъақуткылъыси Пинилӷӣт Уңипат аңуяхпысиның.

К Колоссянам 1:2

Кияӷныӷым югитнун пиңӯт Колоссымылңуӷнун, ата̄сӣӷмылңӯт ухпықа̄лгутыт Христосыкун. Кияӷныӷым Атамта, наңлъыклъисилъю, ныкыхмылъылисилъилъю.

1е Фессалоникийцам 2:2

Иўырңа сивунӷани лъпысинун пилъымта, лӣсимакаҳси Филиппыми икфиқлъӣҳтыстыкақӣнкутлъю, сыӷлықӯқақӣнкутлъю. Тама̄нлъюта қайўа углялӷӣм югым аӷулӣҳнақуткыӷңӣлъю Кияӷныӷым илютустыкақӣнкутлъю, ынка̄м уңипа̄сяҳтуӷамси Пинилӷӣның Уңипа̄мың Кияӷныӷым.

1е Тимофею 1:18

Тимофейеми иӷнымни, қавңақ иляңита ӯкналиқистыт акузиткыхкақа̄тын. Ынка̄м ма̄тын қылӷамкын акузитаңит гӯтуткики пилъюўамун. Таўатын пинитун пилъюўаҳлъықутын Христосымун.

1е Тимофею 6:12

Пилъюўа̄тигу ухпықилъық қаюҳлъяк таўатын пилъюўалъық пинилӷӣңӯқ. Тугугулъю кынлыңилңуқ уңувалъық. Кияӷныӷым тахсиқақа̄тын тугуклъӣсқылъюку та̄на уңувалъық а̄пҳақңавгу ухпықилъҳын ухпықалӷутнун.

2е Тимофею 1:13

Малихтики апыҳтӯсяпигыт нагақуқаҳтын хўаңамның. Успута̄гут атуҳқақатын. Апыҳтӯсяқики ухпықилъыҳқунлъю, пиниқылъыҳқунлъю алъхыҳтыкақатын Христос Иисусымың.

К Титу 1:4

Укут посланият Титымун пиңӯт, иӷныпикамкын ухпықилъымтыгныгун. Кияӷныӷым Атам, Христос Иисусымлъю Югулиӷистымта қуяслъитынлъю, ныкыхмылъылгуслъитынлъю.

К Евреям 13:22

Ухпықа̄лгутымни, нагатңўа̄қаҳтыки посланиянка қаюҳлъяк кайымьюгақамси. Тама̄кын апалъюқлъюку такыста̄ҳа̄люку письмоӷамси.

К Евреям 6:9

Пиниқыхкамни, қайўа лъпысинун письмоткыӷңа̄мтыки тама̄кут, сюмыҳтаӷа̄ткигатамси таўатылъюси. Лӣсимакаҳпут пиниӷатаӷалӷӣмың қуястылъылгӯси югулилъыҳпысигун.

1е Петра 5:12

Сила ата̄сӣӷмылңӯгуқ ухпықа̄лгута; ига̄тақа̄ңа такыста̄ҳаҳтыхун посланиямкун лъпысинун. Посланиянка Кияӷныӷым пиниқылъыпӣганың аюқут. Уңипа̄тамсилъю, кайымамсилъю кияҳтыкыстӣсқылъюси пиниқылъҳани.

2е Петра 1:1

Укут посланият Симон Петырымың пиңӯт. Қыпҳаҳтыка̄ңалъю, апостолоңалъю Иисус Христосым. Письмомамси қамахлъюси алъхыӷуткани ухпықилъыӷмың хўаңкутыстун аюқылӷӣмың. Алъхыҳтыкақаҳпут ухпықилъыҳпут ылъқуӷутңалъҳакун Иисус Христосым, Кияӷнықыхкыфутлъю, Югулиӷистыкыхкыфутлъю.

2е Петра 2:21

Тама̄кут югыт, лӣтңўа̄ӷлюку аглыӷналӷӣ қылӷусяқ алъхыҳтыкаҳтың, тунуткақа̄т. Итагнаӷатаӷаӷнаяҳтут лӣсимаңисяқумыхтыху ылъқуӷутңалӷӣ кияҳта̄лъық.

От Иуды 1:1

Укут посланият Иудамың пиңӯт, Иисус Христосым қыпҳаҳтыңаның, Иаковым уюӷа̄ның. Письмоӷақуңа Кияӷныӷым накмикыхкӣтнун. Кияӷныӷым Атамта пиниқӣси, Иисус Христосымлъю афлъыңакақӣси.

От Иуды 1:17

Пиниқыхкамни, нықамиклъюки Атанӷым Иисус Христосым апостолыңита а̄пқӣт сивунӷани.

От Иуды 1:20

Иўырңа пиниқыхкамни, ўата икнақуҳся̄маңинаҳтыху ухпықа̄малъыҳси, ухпықилъыҳпысигун Кияӷныӷым аглыӷналӷӣтхун апыҳтӯсӣтхун. Юӷаӷақитык Аглыӷналӷӣгныкун Таӷныӷагныкун.

Откровение 12:11

Ухпықа̄лгутымта кая̄лъқума̄т а̄ўакун Пынъӣӷаҳа̄м, уңипақылъыӷмыхтыхунлъю Кияӷныӷым ипапиҳқылъҳа. Талўа туқуяӷңа̄ӷмың аюқут Христос апалъюқлъюку.

Откровение 2:10

Аликыхпынаки тама̄кут икфиқуткынъақыхкыси. Нагатык! Туӷныӷа̄м иляси анусимиңлъяҳтыснақӣ нанӷӣқуналюси. Ынка̄м икфиқылъықуси қуля аӷныӷнун. Иўырңа ата̄сӣӷмытык, қайўа туқуяҳқа̄ӷңа̄ҳпыси. Таўатын пикуфси, акилыҳтӯсялилъықамси кынлыңилңуӷмың уңувалъыӷмың.